Faxi - 01.04.1993, Blaðsíða 4
Karlakór Keflavíkur í maí 1993. Myndin er tekin af Heimi Stígssyni þegar kúrinn var að búa sig undir að halda konsert í Grindavíkurkirkju. Stjórnandinn,
Sigvaldi Snær Kaldalóns, er lengst til hægri í fremstu röð. A myndina vantar undirleikarann Ragnheiði Skúladóttur.
Karlakór Keflavíkur er að halda
upp á fjörutíu ára starf um þessar
mundir. Kórinn var stofnaður þann
l.desember 1953 og verður afmælis-
ins minnst með ýmsu móti allt þetta
ár. Dagana 6. og 8.maí hélt kórinn
samsöng í Félagsbíói og var undirrit-
aður meðal áheyrenda fimmtudaginn
6.maí.
Það var vel mætt í Félagsbíó þetta
kvöldið og er óhætt að segja að flutn-
ingur kórsins hafi fallið í góðan jarð-
veg. Undanfarin tvö ár hefur Sig-
valdi Snær Kaldalóns æft og stjómað
kómum og mátti hann vera stoltur af
árangri undirbúningsins fyrir þessa
tónleika. Undirleikari var eins og svo
oft áður, tónlistarkennarinn Ragn-
heiður Skúladóttir, og eitt er víst að
ekki sló hún feilnótu frekar en endra-
nær. Er hún ömgglega mikill styrkur
fyrir kórinn.
Kórinn var að þessu sinni skipaður
43 söngvumm og vekur athygli, að
kórinn virðist hægt og bítandi vera að
yngjast upp. Er ánægjulegt að sjá svo
marga nýja og ágæta söngvara taka
við af hinum ágætu frumkvöðlum
kórsins.
Þó ekki verði farið út í það hér, þá
hefur Karlakór Keflavíkur oftlega
skipað sér í framvarðarsveit karla-
kóra og má nú telja ljóst að núver-
andi kórfélagar munu halda merki
hans á lofti enn um sinn.
Söngskrá kvöldsins var skemmti-
lega samsett af klassískum lögum
eins og Brennið þið vitar eftir Pál
Isólfsson, Vorinu - ljúfu lagi eftir
Pétur Sigurðsson og hinu bráðfjör-
uga lagi Musik, Musik eftir Johan
Scrammel. Sem sjá má á efnis-
skránni sem birtist hér á eftir, þá
sungu nokkrir kórfélagar einsöng og
tvísöng. Þáttur þeirra var mikill, sér-
staklega þó Steins Erlingssonar í lag-
inu Landkjending eftir Edvard Grieg.
Kvæðið er eftir Bjömstene Bjöms-
son og fjallar um Olaf konung
Tryggvason. Að mínu mati var það
besta lag kórsins þetta kvöld - geysi-
lega öflugt.
Hlíf Káradóttir söng nokkur lög
með kórnum og skilaði sínu hlut-
verki vel. Sérstaklega var gaman að
heyra í henni, Þórði Guðmundssyni
og Gísla Marínóssyni, en þau sungu
tríó í laginu Ó, himnadrottning eftir
G. Verdi.
Samsöngur kórsins þetta kvöld var
sigur fyrir Karlakór Keflavíkur og
reyndar sigur fyrir tónlistarlíf á Suð-
umesjum. Dagskráin var leikin af
fingrum fram svo létt og lipurlega að
í eyrum leikmannsins var hvergi
hnökra að heyra.
Og svo alltof fljótt var dagskráin
tæmd, en sem betur fer var kórinn
klappaður upp hvað eftir annað og
við fengum í lokin mörg skemmtileg
aukalög. Það setti skemmtilegan svip
á söngskemmtunina, að prúðbúnar,
litlar stúlkur færðu einsöngvumm,
stjómenda og undirleikara blóm-
vendi. Við viljum fá meira að heyra.
HH.
68 FAXI