Árbók Héraðssambandsins Skarphéðins - 01.01.1929, Side 21

N áttúrugripasafn
Laugavatnsskóla.
Ungmennafélagar hafa látið í ljós mikinn áhuga á
stofnun alþýðuskóla á Suðurlandsundirlendi. Hefir sá
áhugi þó, að þessu, komið meir fram í orði en athöfn.
Er nú tími til kominn, að standa við stóru orðin, þar
sero þroskavænlegur skóli er upp risinn meðal vor og
hefir full not fyrir þá hjálp, sem ungmennafélagar hafa
i té að láta.
Æskumenn eru flestir félitlir, og væri því hentugt, ef
til væri leið til að vinna skólanum gagn, án verulegra
fjárútláta. Þetta er hægðarleikur hverjum áhugamanni,
með því að safna uáttúrugripum og gefa skólanum. En
náttúrugripasafn er hverjum skóla stórmikils virði.
Nú vil eg heita á ungmennafélaga, að hjálpa Laug-
arvatnsskóla til að koma sér upp öflugum vísi náttúru-
gripasafns á þessu ári. Einkum er hægt án útbúnaðar
og kunnáttu að safna eggjum, plóntum og steinum. Af
eggjum þurfa helzt að vera jafnmörg og fuglinn verpir,
og fylgi hreiður smáfuglaeggjum, en dúnn eggjum sund-
fugla. Gat er borað á miðja hlið eggskurnarinnar (ekki
enda) með strendum al, mjórri pípu stundið í gatið og
lofti blásið inn í eggið. Kemur þá innmaturinn út. Þá
skal skola skurnina innan og láta síga vel úr henni. —