Frjáls verslun - 01.10.2001, Síða 24

Hluti af Katsouris-fjöl-
skyldunni við verksmiðju
Katsouris Fresh Food úti í
Wembley í London. Frá
vinstri: Takis Pishiris,
tæknilegur framkvæmda-
stjóri KFF, Costas Con-
stantinou rekstrarstjóri,
Panos Katsouris fjármála-
stjóri og Tony Yerolemou
framkvæmdastjóri.
„Við erum Grikkir“
Við erum Grikkir," segir Panikos
Katsouris með hægð, þegar tal-
inu víkur að upprunanum, svona
til að fá samhengi í hlutina. Engir
Kýpur-Grikkir, bara Grikkir frá Kýp-
ur, ættaðir frá litlu þorpi, Komi Kebir,
sem var eitt þeirra þorpa er Tyrkir
lögðu undir sig er þeir gerðu innrás á
Kýpur sumarið 1974. Eins og gilti um
aðra Grikki voru allar eigur flölskyld-
unnar þá gerðar upptækar en það
sem bjargaði henni var að umsvifin í
Englandi voru þegar orðin veruleg.
Panikos, eða Panos eins og allir
kalla hann, er fjármálastjóri í hálfu
starfi hjá Katsouris Fresh Foods, KFF, einum stærsta framleið-
anda tilbúinna, kældra rétta á breska markaðnum og sem
Bakkavör er að kaupa fyrir 15,6 milljarða íslenskra króna.
Panos er einn af fimm úr Katsouris Jjölskyldunni sem eiga KFF
ásamt áhættuijárfesti sem mun draga sig út við kaupin. Með í
kaupunum fýlgir einnig Fillo Pastry, sem eingöngu framleiðir
fillo deig íýrír KFF. Hjá KFF vinna um 1.600 manns í fjórum
stórum verksmiðjubyggingum. Fjölskyldan á eftir sem áður
Katsouris Brothers, matarinnflutningsíyrirtæki með tæplega
fimmtíu manns í vinnu. Þar er Panos framkvæmdastjóri í hálfu
starfi. Fjórða fjölskyldufyrirtækið er Wine and Mousaka, sem
á nokkur veitingahús.
Saga Katsourisfjölskyldunnar Saga
Katsourisíjölskyldunnar í Englandi
er vitnisburður um hve England hef-
ur lengi verið opið öðrum þjóðum og
það framlag, sem margir innflytjend-
ur hafa lagt í þjóðarbúið með athafna-
semi sinni. Sagan hófst um miðja 20.
öld er einn úr fjölskyldunni flutti til
London, setti upp viðskipti með af-
urðir að heiman. Síðan komu þeir
yngri til náms, urðu um kyrrt og um-
svifin snarjukust.
Saga fjölskyldufyrirtækja sýnir
að það er ekki alltaf auðvelt fyrir
náin skyldmenni að stjórna sameig-
inlegum viðskiptum og hagsmunum. En það er auðvelt að
trúa þeim Panos og Tony Yerolemou, frænda hans og for-
stjóra KFF, þegar þeir segjast ekki kannast við slíka erfið-
leika. „Þetta hefur gengið þokkalega hjá okkur,“ segir Tony
kíminn. Það liggur þegar ljóst fyrir að þegar Tony, sem er
59 ára og heitir Antonios, hættir sem forstjóri eftir nokkur
ár tekur Costas Constantinou, hálfbróðir Panos og núver-
andi rekstrarstjóri, við af honum.
Allur bragur á skrifstofunum ber vitni um að hér eru á
ferðinni jarðbundnir atvinnurekendur. Enginn munaður er
sjáanlegur, enginn harðviður eða hönnuðahúsgögn, fólk
gengur óþvingað um og engin stífni í loftinu.
Frjáls verslun heimsœkir grísku f]öl-
skylduna í London, Katsouris, sem
hefurselt Bakkavör Group fyrirtæki
sitt Katsouris Fresh Foods, KFF.
Sigrún Davidsdóttir komst að pvi aö
þessi fjölskylda erjarðbundin í meira
lagi og svolítið íslensk í sér. Þar slá
grísk hjörtu i islenskum takti.
Texti og myndir: Sigrún Daviðsdóttir
Eigendur KFF eru fimm, þeir Panos og Tony, tvær systur þeirra, þær Eleni Pishiris,
sem býr á Kýpur, og Stella Andreou og svo Demos Habeshis. Hann starfar hjá
Katsouris Brothers. Þeir Tony, Panos og Demos eru systrasynir.
24