Ármann - 01.02.1961, Page 9

landslið og sent til Noregs og Finnlands. 1
landsliði þessu áttu Ármenningar fjórar
stúlkur. Fyrsti landsleikurinn var leikinn á
hinum glæsilega Bisletleikvangi í Osló. Leik
þennan sigruðu norsku stúlkurnar með io
mörkum gegn 7, og þóttu þær íslenzku standa
sig með mikilli prýði í þessum fyrsta lands-
leik sínum. Síðan voru leiknir þrír leikir,
einnig á norskri grund. Lauk tveim þeirra
með jafntefli, en þeim þriðja töpuðu þær fyr-
ir Noregsmeisturunum, Grefsen frá Osló.
Síðan var haldið til Finnlands og leiknir þar
fjórir landsleikir í Norðurlandameistaramót-
inu, sem þar var haldið. Einum leik lauk með
íslenzkum sigri. Var það leikurinn gegn Finn-
um og urðu íslenzku stúlkurnar því í fjórða
sæti, sem má teljast góður árangur hjá svo
lítt reyndu liði.
Enn er haldið Norðurlandameistaramót
1:959 °g nú í Noregi. Þá eru einnig fjórar Ár-
mannsstúlkur með í förinni. í því móti sigr-
uðu íslenzku stúlkurnar Noreg og höfnuðu
því í 3.-4. sæti ásamt hinum norsku stöllum
sinum.
Danir standa öðrum þjóðum framar i
handknattleik, og er undravert og dásamlegt
að sjá hvílíkri leikni og tækni þeir búa yfir.
En svo lengi lærir sem lifir eins og þar stend-
ur, og vonandi verður þess ekki langt að
bíða að íslenzkar handknattleiksstúlkur geti
veitt þeim dönsku harða mótspyrnu.
f handknattleik er það ekki aðalatriðið að
sigra alltaf, heldur að vera með og leika
drengilega. Þeirri staðreynd verður seint
haggað, að bctra liðið sigrar að lokum. Það
er einnig staðreynd, að liðið byggist upp af
sjö einstaklingum, en þessir sjö einstaklingar
eiga að vera sem einn maður. Tapi iiðið, eru
það allir sjö einstaklingarnir sem hafa tapað,
einnig ef liðið sigrar, hafa allir sjö sigrað
jafnt. Skori ein manneskja fleiri mörk en
önnur, er ekki þar með sagt að sú hin sama
sé bctri leikmaður en hver önnur, heldur ein-
ungis vegna þess að hinir sjö hafa í flestum
tilfellum skapað henni bctri tækifæri.
Það sem átt er við með þessum orðum, er
einungis það, að skapist sundrung í liði, er
voðinn vís. Það er sama hversu gott liðið er,
góður árangur næst alderi, nema einstakling-
arnir sjö, séu sem ein manneskja. Sem sagt,
elski maður samspilarann eins og sjálfan sig,
gengur allt vel.
HancLknattleikscLeild
Aðalfundur deildarinnar var í nóv. s.l. f
stjórn voru þessir kosnir: Formaður Gunnar
Jónsson, varaformaður Jón G. K. Jónsson,
gjaldkeri Lúðvík Lúðvíksson, ritari Hans
Guðmundsson, spjaldskrárritari Þuríður ís-
ólfsdóttir og Kristín Jóhannsdóttir.
Framkvæmdastjóri er Stefán Gunnarsson
og formaður skemmtinefndar Lúðvík Lúð-
víksson.
Þjálfarar eru Gunnlaugur Hjálmarsson,
Lúðvik Lúðvíksson og Þórður Kristinsson.
Æfingatafla:
Sunnud. Mánud. Miðv.d. Fimmtud.
Mfl., 1. og 2. fl. k. 10,10 6,50
3. fl. k 3,00 6,00
4. fl. k 6,00
Kvennafl. 9*20 7.40
Æft er að Hálogalandi.
]udo-deild
Aðalfundur deildarinnar var haldinn í okt.
s.l. Stjórn deildarinnar er nú þannig skipuð:
Þorkell Magnússon formaður, Úlfur Markús-
son og Sigurður Jóhannsson.
Kennari er Sigurður Jóhannsson.
Æfingatafla:
Þriðjud. Föstud.
Sjálfsvarnir....................7,00 7,45
Judo............................8,00 7,45
Æft er í íþróttahúsi Jóns Þorstcinssonar.
ÁRMANN
7