Ármann - 01.02.1961, Qupperneq 33

túlkuðu vel hinn norræna anda. Söngvarnir
voru ýmist angurværir, þýðir og þó kraft-
miklir, - eða léttir og fjörugir með skemmti-
legri hrynjandi. 1 heild var kórinn afbragðs
góður. Því næst sýndu íslendingarnir fagra
þjóðlega dansa og sungu undir, eins og al-
gengt er meðal Skandinava. Að lokum gengu
bláklæddir, gjörfulegir glímumenn fram á
sviðið og sýndu okkur „GLÍMU“, hin ís-
lenzku fangbrögð, sem að ýmsu leyti minnir
á okkar bretonsku fangbrögð (Toal bez
Troad). Sýning þessara íslenzku vina okkar
tókst í alla staði framúrskarandi vel.“ Á
öðrum stað í sama blaði stendur: „Islenzku
glímumennirnir sýndu ekki aðeins mjög falleg
brögð, heldur stigu þeir einnig tígulega eins
konar dansskref, sem voru undanfari hverrar
atlögu. Einum áhorfendanna, sterkum Bret-
ona, sem vanur er bretonskum fangbrögðum,
varð þá að orði: „Skemmtileg íþrótt þetta,
en verst að maður verður að læra að dansa
vals áður en maður getur farið að glíma.“
QUEST-FRAN CE 28/7 (skrifað eftir
seinni sýninguna): Þá var röðin komin að Is-
lendingunum og unnu þeir strax hylli áhorf-
enda með frjálsmannlegri framkomu sinni,
æskutöfrum og fögrum þjóðbúningum stúlkn-
anna. Þetta er í fyrsta sinni, sem íslenzkur
flokkur heimsækir Frakkland með söngvum
sínum, dönsum og þjóðlegum íþróttum.
Söngvarnir, ýmist þunglyndislegir og angur-
værir, eða fjörugir eins og hergöngulög,
vöktu verðskuldaða hrifningu áhorfenda.
Dansarnir, stílhreinir og fagrir og þó ein-
faldir, voru stignir undir kraftmiklum söng.
Þá sýndu fagurlimaðir glímumenn klæddir
bláum kyrtlum og girtir leðurbeltum, glæsileg
fangbrögð, og var það áhorfendum mikil og
góð skemmtun. Við þökkum þessum góðu
gestum fyrir þessa ágætu sýningu.
Herra Creston útskýrði glímuna fyrir á-
horfendum í gjallarhornum. Hann bar okkar
glímu saman við hin bretonsku fangbrögð og
mun hafa gert það svo rækilega, að menn
voru bæði í gamni og alvöru farnir að gera
ráð fyrir landskeppni milli landanna í glímu
eftir 1 til 2 ár.
Úti á Bretogne-skaga í bænum Douarenez
býr maður að nafni E. Gonidec, eini maður-
inn, scm bjargaðist, þcgar franska rannsókn-
arskipið „Pour quoi pas“ fórst hér undan
Mýrunum fyrir rúmum 20 árum. Herra Goni-
dec og kona hans tóku mjög innilega á móti
Islendingunum, m. a. buðu þau flokknum
heim til sín og var dvalizt þar um stund í
góðu yfirlæti. Það eina, sem skyggði þar á,
var að bjargvættur Gonidecs, Kristján Þór-
ólfsson, sá er lagði sig í lífshættu við björg-
unina á sínum tíma, var ekki með í förinni.
En svo hafði verið ráð fyrir gert, en því
miður gat Kristján ekki komið því við að
fara út og þiggja hið ágæta heimboð, og var
það mjög harmað af þeim hjónum.
Þcgar á allt er litið, verður að telja, að
ferð þessi hafi tekizt með ágætum vel. Þús-
undir franskra manna og kvenna hafa fengið
dálitla snertingu af því, sem íslenzkt er, við
það að sjá sýningar flokksins. Flest fólk
kannaðist við ísland, sumt vissi ekki almenni-
lega hvar það var, en allt var það ákaflega
elskulegt og vingjarnlegt í garð íslending-
anna og vildi allt fyrir þá gera.
Frjdlsi þróttadeild
Aðalfundur deildarinnar var haldinn í nóv. s.l. For-
maður var endurkjörinn Jóhann Jóhannesson. Með
honum eru í stjórn: Hclgi Helgason, Jón Júlíusson,
Þorkell Sigurðsson og Ingimar Jónsson.
Þjálfari frjálsíþróttamanna er Eiríkur Haraldsson.
Æft er í íþróttahúsi Jóns Þorstcinssonar á miðvikudög-
um og föstudögum kl. 7 báða dagana.
Skíðadeild
Aðalfundur var haldinn um mánaðamótin nóv.-des.
Síðan var framhaldsaðalfundur seint í desember.
Þessir voru kosnir í stjórn: Egill Ásgrímsson for-
maður, Guttormur Jónsson, Þorsteinn Guðbjartsson,
Björn Bjarnason og Sigurður Guðmundsson.
Æfingastjórn: Sigurður Guðjónsson æfingastjóri, Sig-
urður Þorvaldsson, Bjarni Einarsson, Halldór Sigfús-
son.
Fulltrúi í S.K.R.R. er Sigurður Guðjónsson.
Allir eru velkomnir í Jósepsdal í vetur eins og
endranær.
ÁRMANN
31