Morgunn - 01.12.1983, Blaðsíða 14

116
MORGUNN
við HP að hann teldi spíritismann og andatrú vera í andar-
slitrunum. Þeir sem hefðu áhuga á slíkum fræðum væru
einkum eldra fólk, ungt fólk léti sér fátt um finnast. Hann
sagði að það yrði að teljast til tíðinda þegar aðalmálgagn
spíritismans í landinu sneri við blaðinu og birti efni sem
væri gagnrýnið á ríkjandi sjónarmið. Framkoma stjórn-
arinnar hefði hingað til verið óvirðing við ritstjórann,
innan Sálarrannsóknafélagsins væru greinilega mjög skipt-
ar skoðanir sem ekki hefðu áður komið fram í dagsljósið
jafn greinilega og nú.
Arnór Hannibalsson dósent við Háskóla Islands sagðist
vera þeirrar skoðunar að sumt af því sem áhugamenn um
annað líf hefðu fengist við, svo sem söfnun gagna um dul-
ræna reynslu fólks væri af hinu góða, því mætti líkja við
söfnun þjóðfræða. Hitt væri svo annað mál að fræðigrein-
ar eins og sálfræði yrði að viðhafa vísindalegar aðferðir
og sýna fram á vísindalegar niðurstöður. IJt úr spíritisman-
um hefðu ekki komið nein vísindi. Á fyrstu árum spírit-
ismans í Englandi reyndu menn að standa vísindalega að
verki og safna staðreyndum í gegnum miðla. En þarna eru
vandamál á ferð. Trúarleg sannindi eins og skoðanir manna
um lífið fyrir handan, eru annars eðlis en aðrar kenningar.
Menn skilja vísindi almennt öðrum skilningi en spíritistar.
Spiritisminn sýnir fyrst og fremst afstöðu í trúarmálum
og trúaxdeg sannindi verða ekki sönnuð með vettvangs-
könnun. ,,Það hefur ekkert komið fram sem sannar það
sem spíritistar hafa verið að segja“, sagði Arnór. „Menn
eins og Einar H. Kvaran, Jónas Þoi’bergsson útvarpsstjói’i
og fleiri sögðust myndu láta vita af sér á óyggjandi hátt
að handan, en ekkert hefur til þeirra heyrst. Ef menn
trúa á eilíft líf, þá trúa þeir því, spiritisminn sannfærir
menn ekki um andlegt líf eftir dauðann.“
Skoðanir fólks ei’U því skiptar, en eftir stendur að áhugi
er mikill hér á landi á dulrænum fyrirbærum. Það sýnir