Morgunn - 01.12.1983, Qupperneq 39

DHAUMAR OG IJFSAMBÖND
141
c. Draumur fyrir liörðum vetri
Sömu konu dreymdi hliðstæðan draum fyrir nokkrum
árum. Var það í október nokkru áður en fór að kólna í
veðri. Þóttist hún úti stödd og til hennar kom ókunnugur
maður. Sá þótti henni vera alsnjóugur og fremur illúðleg-
ur. Var hann með alskegg og í því voru klakaströnglar.
Hún spyr hann að heiti og kvaðst hann heita Óblíður. Þá
þóttist hún vita að þetta væri veturinn og vaknaði hún
í því.
Þótti henni draumurinn rætast, því þessi vetur varð
óvenju harður.
d. Draumur fyrir vorhreti
Skömmu eftir sumarmálin 1982 dreymdi þessa sömu
konu að menn væru að tala um að nú væru allar vetrar-
hörkur liðnar hjá. Sagði þá einn maðurinn, sem ekkert
hafði lagt til málanna: „Vorhretið er eftir og það verður
vont.“
Draumurinn fór eftir, því næstu daga gekk í óvenju mikla
kulda með snjókomu.
e. Flokkun spásagnadrauma
Þessir 3 draumar Sigurlaugar eru ekki að öllu leyti eins
táknrænir og þeir draumar sem sagðir voru á undan. Þeir
eru likari því, sem kallað er að dreyma fyrir daglátum.
í raun er hér um draumvitranir að ræða, þar sem dreym-
andanum birtast atvik og orð sem eiga eftir að koma fram
líkt því sem sagt hefur verið fyrir í draumnum.
Líklegt þykir mér að spásagnadraumum megi skipta
í. tvo flokka: Þá atburðarás, sem virðist hafa óumflýjan-
legar afleiðingar t.d. veðurfar, eldgos o.fl. þess háttar. Og
svo aðra, sem eru þess eðlis að atburðarásinni og þar með
afleiðingunum mætti breyta, ef vit og varúð væri viðhöfð,