Morgunn - 01.06.1997, Page 18

S.R.F.ll. 30 ára
aðalfundi. Nú lá fyrst endanlega fyrir að Hafsteinn
Björnsson yrði formaður félagsins. Var þá málum
talið skipað á hinn besta veg og horft björtum augum
til framtíðarinnar.
Framhaldsstofnfundur var svo haldinn í Góð-
templarahúsinu í Hafnarfirði, 15. júní 1967.
Eiríkur Pálsson setti fundinn og stýrði honum um
sinn. Lesin voru upp nöfn allmargra, er óskað höfðu
eftir að gerast stofnfélagar. Var nú tala stofnenda
orðin alls 143. Þá gerði fundarstjóri grein fyrir tillög-
um um lög fyrir félagið. Þau voru í 11 greinum. Til-
lögurnar voru síðan bornar undir atkvæði og sam-
þykktar sem lög fyrir félagið, einróma.
Þrjár fyrstu greinar laganna eru svo hljóðandi:
„1. gr.: Félagið heitir Sálarraimsóknafélagið í Hafnarfirði.
Heimilisfang félagsins er í Hafnarfirði (skammstafað
S.R.F.H.).
2. gr.: Tilgangur félagsins er að efla áhuga almennings á and-
legum málum yfirleitt, en þó sérstaklega að veita fræðslu
um árangur af sálarrannsóknum.
3. gr.: I’essum tilgangi hyggst félagið að ná með fyrirlestrum,
frásögnum af dulrænum fyrirbærum, stuðningi við miðils-
efni og þjálfun þeirra. “
Þetta er stutt og fastmótað. En telja má að í heild
hafi allvel til tekist um framkvæmdir.
Samkvæmt nýsamþykktum lögum skyldi stjórnar-
kosning fara fram á fundinum. Lagt var til að stjórn-
in yrði skipuð á sama veg og bráðabirgðastjórnin, er
kosin var á síðasta l’undi, og starfsskipting tilgreind.
Var það samþykkt samhljóða.
16 MORGUNN