Morgunn - 01.06.1997, Page 89

Hugheimar
eftir annað. En ef í þeim skyldi vera fólginn boðskap-
ur, sem á að berast til persónuleikans eða hins ytra
manns, þá verður hann að koma innan eða ofan frá,
fyrir milligöngu orsakalíkamans.
Hugsanagervi
Öllum hugsunum manna, sem sjást í hugheimum,
er ekki, eins og gefur að skilja, stefnt til einhverra
sérstakra manna. Þau eru mörg, hugsanagervin, sem
hefur aðeins verið hleypt af stokkunum, ef svo mætti
að orði kveða, og látin svo reka fyrir sjó og vindi.
Með þeim getur að líta alveg óendanlega fjöibreytni
bæði um lit og lögun. Ef menn vildu rannsaka þau
nokkuð, gætu þau orðið efni í nýja og mjög mikil-
væga vísindagrein. Það er því alveg ókleift að reyna
að gera hér í þessum skrifum ítarlega grein, þó ekki
væri nema fyrir aðalflokkum þeirra. Þó viljum við
benda á, eftir hvaða reglum mætti flokka þau. Og
þess vegna viljum við birta hér ofurlítinn útdrátt úr
einhverri hinni snjöllustu ritgerð, sem birt hefur ver-
ið um þetta efni. Er hún eftir frú Annie Besant, og
kom út í septemberhefti tímaritsins „Lucifer,“ árið
1896. Segir höfundur greinarinnar, að þau séu þrjú
grundvallaratriðin, sem geti komið til greina, þegar á
að flokka þær gerviverur, sem eru mótaðar af mætti
hugans. í fyrsta lagi fer litur þeirra eftir því, hvers
eðlis hugsunin er, hvort hún er góð eða ill o.s.frv. 1
öðru lagi fer lögun hugsanagervisins eftir því, um
hvað hefur verið hugsað. Og í þriðja lagi verður
hugsanagervið að sama skapi skýrara og greinilegra,
sem hugsunin hefur verið skarpari og ákveðnari. Og
morgunn 87