Starfsmannablað Reykjavíkur - 01.09.1940, Síða 17

STARFSMANNABLAÐ REYKJAVlKUR
29
Samþykkt um laun fastra starfsmanna
Reykjavíkurkaupstaða r.
Það hefir dregist helzt til lengi að
birta hér í blaðinu launasamþykktina
frá 1. apríl 1939 eins og endanlega var
frá henni gengið. Enda þótt starfsmenn
bæjarins eigi aðgang að því að fá hana
sérprentaða, verður að gera ráð fyrir
að þeir kunni betur við að hún birtist
einnig í blaði þeirra, einkanlega þar sem
blaðið hefir birt allítarlega gögn frá að-
draganda hennar. Til yfirlits fyrir þá
mörgu starfsmenn bæjarins, sem áhuga
hafa fyrir lausn launamálsins, skulu hér
talin þau gögn, sem blaðið hefir áður
birt í þessu sambandi: Frumvarp að
samþykkt um laun starfsmanna Reyk ja-
víkurkaupstaðar ásamt áliti og breyt-
ingartillögiun launanefndar St. Rv. (1.
tbl., II. árg.), Frumvarp að samþykkt
um laun og starfskjör fastra starfs-
manna Reykjavíkurbæjar, (Reglugjörð-
in) með breytingartillögum og greinar-
gerð frá launanefnd St. Rv. (2.—3. tbl.,
II. árg.) og í sama blaði lielztu breyt-
ingar, sem gerðar voru á frumvarpi til
launasamþykktar 1. apríl 1939. Smiðs-
höggið á allar þessar bollaleggingar um
laun og starfskjör starfsmanna bæjar-
ins vantar, sem er endanleg reglugjörð
um þessi atriði. Reglugjörðin er að
sönnu komin í frumvarp og launanefnd
St. Rv. hefir gert sínar athugasemdir
við frumvarpið (sjá 2.—3. tbl. II. árg.),
en þar við situr. — Birting launasam-
þykktarinnar hér má vekja menn til
ítrekaðrar umhugsunar um nauðsyn
þess, að gengið verði sem fyrst frá
reglugjörðinni. Ritstj.
I. kafli.
Launakerfið.
1. gr.
Fastir starfsmenn bæjarins, hvort
sem þeir eru skipaðir af bæjarstjórn
eða á annan hátt, fá skipunarbréf hjá
borgarstjóra eða hafnarstjóra. Fastir
starfsmenn teljast þeir, sem gegna
störfum tilgreindum í 5. gr., eða störf-
um, er síðar kunna að verða felld þar
undir, og skipaðir eru í stöðurnar.
2. gr.
Föstum starfsmönnum bæjarins er
skipað í 16 launaflokka á þann hátt,
sem í 5. gr. segir. Borgarstjóri skal vera
utan launaflokka, og ákveður bæjar-
stjórn laun hans. Starfsmenn í 1. launa-
flokki skulu fyrst um sinn ráðnir með
sérsamningi.
3. gr.
Laun fastra starfsmanna miðast við
útborgunareiningu (mánaðarlaun). —
Launin greiðast fyrirfram mánaðarlega
með ’/i2 árslaunanna. Á meðan starfs-
maður er settur í stöðu, fær hann greidd
:'/4 byrjunarlauna í sínum launaflokki.
Nú flytst starfsmaður úr stöðu úr lægra
launaflokki í stöðu í hærra launaflokki
og skal hann þá taka laun á því launa-
stigi í hinum nýja launaflokki, sem jafn-
hátt er eða næst fyrir ofan þá launa-
upphæð, er hann hafði náð í hinum
lægra launaflokki.