Bankablaðið - 01.04.1953, Side 26

FELAGSSTJORNIN 1952-1953
Sigurður Jóhannesson
gjaldkeri.
Einvarður Hallvarðsson
formaður.
Ása Guðmundsdóttir
ritari.
ef hér ætti að skrá sögu félagsins svo vel
væri.
Þá hefi ég ekki minnst þeirra mörgu
félaga sem á liðnum árum hafa haft for-
ustu fyrir félaginu og lagt mikið á sig að
því vegnaði vel. Ég hefi af ásettu ráði sleppt
að nefna nokkurn einstakan, að öðru leiti
en þvi, er fram kemur í fundargerðarbók-
um fá einstök mál. En eins og að líkum læt-
ur, þá er það stjórn félagsins á hverjum
tíma, sem ber uppi félagsstarfið. Á þeim
hvíla skyldurnar, þakklætið og vanþakklæt-
ið, fyrir það sem vel hefir tekist á liðnum
árum. Þessum mönnum sem þar hafa verið
að verki á liðnum aldarfjórðungi er senni-
lega bezt ljóst sjálfum við hvaða erfiðleika
verið hefir við að stríða. Þeir, hafa notið
gleðinnar af góðum árangri, eða vonbrigð-
anna, þegar miður hefir gengið. Þeim hin-
um sem ekki hafa komið nærri þessum mál-
um, nema með fundarsókn, er ekki Ijóst
hin mikla vinna sem liggur á bak við að
byggja upp slíkt starf, sem Félag starfs-
manna Landsbanka íslands hefir leyst af
hendi á liðnum árum undir forustu hinna
mörgu ágætu manna, sem hafa verið í for-
ustuliði starfsmanna bankans. Þeir munu
ekki gera sér það Ijóst fyrr en þeir hafa
tekið við trúnaðarstörfum í félaginu. En
vel niega þeir á málum halda, ef þeir leggja
meira að sér við félagsstörfin, en þeir sem
við stýrið liafa verið frá upphafi. Við sem
nú erum í félaginu, stöndum í óbættri
skuld við þá sem hófu merkið á loft. V;ð
heitum því á þessum tímamótum að láta
merkið aldrei falla og gæta þess að vegur
félagsins verði alltaf sem mestur. Það er
engum vafa undirorpið, að félagið hefir
gert margt vel og við værum stórum ver
sett ef að samtök bankamanna væri ekki
fyrir hendi. Ef við teljum starfi félagsins
ábótavant, þá lítum í eigin barm. Höfum
við gert skyldu okkar við félagið? Ef við
stöndum vörð um það og vinnum að
gengi þess, þá er ég í engum vafa um, að
félagið verður í framtíðinni sverð okkar og
skjöldur í þeim baráttumálum sem það
tekur að sér.
Heill og heiður fylgi þeim, sem á liðn-
um árum hafa lagt fram starf og krafta til
að auka veg og gengi Félags starfsmanna
Landsbanka íslands.
16 BANKABLAÐIÐ