Bankablaðið - 01.04.1953, Blaðsíða 27

Bankablaðið - 01.04.1953, Blaðsíða 27
dívcðfa frá gömlum (claga Ein af beztu endurminningum mínum frá þeim árum er ég vann í Landsbanka ís- lands er sú, þegar ég tók þátt í undirbún- ingi og stofnun félags starfsmanna bank- ans. — Ég kom í bankann um vorið 1914, hafði áður unnið í pósthúsinu nær því sjö ár. Á þeim árum var aldrei minnst á félags- skap starfsmanna þessara stofnana. Hinn mikli félagsandi tuttugustu aldarinnar, sem á rót sína að rekja til samtaka jafnaðar- manna, hafði ekki haldið innreið sína hér. Verkalýðsfélög voru stofnuð hér á þeim árum, en bankamönnum datt það varla í hug fyrr en sáðar. Ég held að flestum fé- lögum mínum, og mér einnig, hafi fundizt of mikið „sosíalistabragð" af slíkum félags- samtökum. Loks kom þó að því, að mönn- um þótti tími til þess kominn að ræða um hagsmuna-félag starfsmanna bankans. Yfir- menn bankans, sem áður höfðu verið frem- ur á móti bankamannafélagi, voru nú ekki á móti því. Þeir voru þá, góðviljaðir menn, eins og mér hefur reyndar virst flestir mínir húsbændur vera. Og eftir að félagið var stofnað voru bankastjórar og bankaráð jafn- an velviljuð félaginu og tóku til greina til- lögur þess, sem á rökum voru byggðar. Það voru ekki jafnaðarmenn öðrum frem- ur sem stóðu fyrir stofnun félags starfs- manna Landsbanka íslands. Ég held að þeir Haraldur Jóhannessen og Brynjólfur heit- inn Þorsteinsson hafi verið aðal-hvatamenn þess, að nokkrir menn voru kallaðir saman á fund í húsi Oddfellowa, Ingólfshvoli, þar sem rætt var um og ákveðin stofnun félags- ins. Við vorum, ef mig minnir rétt, 6 menn, sem þar voru saman komnir. Kom okkur saman um að stofna félagið, var það gert og gengu flestir starfsmenn bankans í það. Ekki var það vonum fyrri, að starfsmenn Landsbanka íslands stofnuðu félag sitt. Til- gangur okkar var fyrst og fremst að gœta hagsmuna félagsmanna, bæta kjörin að Þorsteinn Jónsson. ýmsu leyti. Auk þess að auka kynningu og samheldni og auka heilbrigt skemmtanalíf fólksins. Þetta var allt ágætt og tókst mæta- vel, eftir því sem vonir stóðu til. Því þótt sumir ætluðust til meiri árangurs en varð held ég, að stjórnir félagsins hafi jafnan á meðan ég þekkti til rækt störf sín vel og ötullega, en þó af fullri kurteisi og sann- girni. Mér virtist og svo, að bankastjórnin kæmi jafnan vel og drengilega fram. Þeir höfðu og hafa auðvitað, hagsmuna bank- ans að gæta og eru misjafnlega fastheldnir á venjur og fjármuni. Hefur því stundum verið við nokkuð ramman reip að draga. Vafalaust hefur félag starfsmanna bankans oft náð góðum árangri með samtökum sín- um, og það verið þægilegra fyrir velviljaða BANKABLAÐIÐ 17

x

Bankablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bankablaðið
https://timarit.is/publication/720

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.