Útvarpstíðindi - 04.06.1945, Blaðsíða 16
112
ÚTVARPSTIÐINDI
sem frú Ástrfður Eggertsdóttir flytur
22. júní næstk. og nefnir ,,Á vegum
gróandans“. Er hér um einskonar
gróðurhvatningu til almennings að
ræða, einkum hvað hirðingu garða og
kirkjugarða snertir. Er full þörf á slíkri
hvatningu. því mörgum mun finnast
sem flestir kirkjugarðar þessa lands
séu í óþarflega mikilli niðurníðslu og
órækt.
Sunnudaginn 24 júní flytur Ingólfur
Gíslason læknir frásöguþátt, sem hann
nefnir „Hjá Grfmi á Bessastöðum".
Var Ingólfur heimagangur hjá Grími
Thomsen, þegar Ingólfur var í skóla,
um og eftir 1890. Fór hann til hans
í öllum skólaleyfum, samkvæmt boði
Gríms og taldi það ekki eftir sér að
hlaupa þangað, því að ekki voru bjf-
reiðaferðirnar í þá daga. ■— Ingólfur
læknir hefur áður flutt frásöguþætti í
útvarpinu í vetur og hafa þeir hlotið
miklar vinsældir hlustenda. Vafalaust
mun marga fýsa að hlusta á Ingólf
segja frá þessu stórbrotna og ramma
skáldi á Seltjarnarnesinu.
Af upplestrum, sem ákveðnir hafa
verið síðari hluta júnímánaðar má
benda á upplestur Huldu 14. júní, Kol-
beins í Kollafirði og Gils Guðmunds-
sonar 23. júní og upplestur Sigurðar
frá Munaðarnesi 28. þ. m.
Tveir einsöngvarar koma fram á
tímabilinu. Annar þeirra, frú Ingibjörg
Jónasdóttir, söng tvísöng síðastl vetur
í útvarpið með Björgu Bjarnadóttur
og þarf ekki að vekja frekari athygli
á henni hér. Hinn einsöngvarinn, Einar
Markan, er útvarpshlustendum líka að
góðu kunnur frá fornu fari. Frú Ingi-
björg syngur mánudaginn 18. júní,
bæði íslenzk og erlend lög, en Einar
Einar Marlcan söngvari
syngur viku síðar, lög eftir Árna Thor-
steinsson og Sigvalda Kaldalóns.
Onnur hljómlistar- og söngatriði sem
vakin skal athygli á er samsöngur átt-
menninganna þann 20. þ. m., leikur
útvarpstríósins 23. og 30. júnf, leikur
píanókvartett útvarpsins 22. júní, ein-
leikur Fritz Weisshappels á píanó 24.
júní og leikur strokkvartetts útvarps-
ins 29. júní.
ÚTVARPSVIÐGERÐASTOFA
Otfó B. Arnar
Klapparstíg 16 Reykjavlk
annast allskonar viögerðir á útvarps-
tækjum og öðrum skyldum tækjum.
Fyrsta flokks vinnustofa og góðir starfs-
kraftar. Sanngjarnt verð.
— 20 ára reynsla -
Sfmi 2799