Morgunblaðið - 12.12.2008, Síða 14

14 FréttirINNLENT
MORGUNBLAÐIÐ FÖSTUDAGUR 12. DESEMBER 2008
Drífa ehf. - Suðurhrauni 12c - Garðabæ - Sími 555 7400
OPNUNARTÍMAR:
mánudaga - föstudaga 12 - 18
laugardaga 10 - 16
sunnudaga 12 - 16
Nýjar vörur!
Tilvalin jólagjöf.
Lækkað verð á völdum vörum!
Eftir Sigrúnu Ásmundsdóttur
sia@mbl.is
HUGA þarf að þeim hópum sem eru
rétt undir viðmiðum félagslega kerf-
isins, að því er Þórhallur Heimisson,
sóknarprestur í Hafnarfjarðarkirkju,
segir. Fólk sem er í þeirri stöðu að
hafa enn vinnu, en í láglaunastörfum, á
jafnvel ekki fyrir mat og sumir neyð-
ast til að hætta að kaupa skólamáltíðir
fyrir börn sín. „Þegar allt er búið, þá
er bara allt búið,“ segir Þórhallur.
„Hvað gerir fólk þá?“ spyr hann svo.
„Ég hef orðið var við þetta sjálfur,
fólk hefur leitað beint til mín, og svo
fór ég að leita mér upplýsinga um
hvað væri í boði og þarna virðist vera
eitthvert gat í kerfinu. Ég rakst á
tómarúm alls staðar,“ segir hann.
Margir þurfi miklu meira en fjöl-
skylduaðstoðina sem hugsuð er fyrir
jólin. „Það eru margir sem eiga ekk-
ert svo löngu fyrir jólin, eru kannski
með lágmarkstekjur og þá rétt fyrir
ofan bætur. Þessir einstaklingar eru
bara í öngum sínum.“ Þessu fólki vísi
félagsþjónustan frá, en þeir sem
standi fyrir fjölskylduaðstoð hafi auð-
vitað ekki framfærsluskyldu. „Það
virðist enginn hafa hugsað út í hvað á
að gera fyrir fólk sem þarf fram-
færsluaðstoð,“ segir Þórhallur.
Hann segist einnig hafa orðið var
við að foreldrar séu hættir að kaupa
skólamáltíðir fyrir börn sín. „Ef eng-
inn peningur er til er auðvitað ekki
hægt að kaupa í matinn. Foreldrar
hafa komið til mín og hafa áhyggjur
af þessu því þeir geta ekki heldur
keypt skólamáltíðirnar,“ segir hann.
„Fólk er kannski ekki farið að svelta
en ef það á ekki mat hvað þá?“
Þórhallur segist líka hafa áhyggjur
af því að enginn virðist vera að leita
lausna fyrir þennan hóp. Þetta þurfi
að ræða á vegum borgar, bæjar og
ríkis. „Auðvitað er gott að fólk gefur,“
segir Þórhallur um framlög ein-
staklinga til hjálparstarfs, „en mér
finnst að hið opinbera eigi að taka
ábyrgð á þessu fólki en ekki bíða eftir
því að hjálparstofnanir og góðviljað
fólk bjargi málunum.“ Hann telur að
fjölga muni í hópnum nú þegar upp-
sagnir taka gildi hjá fjölda manna.
Magnús Baldursson, fræðslustjóri
Hafnarfjarðar, segir að hann hafi
ekki upplýsingar um að vanskil hafi
aukist vegna skólamáltíða í grunn-
skólum Hafnarfjarðar. „Við erum þó
alltaf á vaktinni og fylgjumst með því.
Í skólunum er vel fylgst með og
kannski enn betur núna. Við stefnum
að því að þetta leiði ekki til þess að
börnin fái ekki að borða,“ segir
Magnús. Jafnframt þurfi að fylgjast
vel með því að ekki dragi úr áskrift að
máltíðum því það gæti verið merki
um að foreldrar telji sig ekki hafa efni
á þeim. „Við höfum þó ekki orðið vör
við það ennþá,“ segir Magnús og bæt-
ir við að þetta komi betur í ljós fljót-
lega upp úr áramótum þegar að því
kemur að foreldrar skrái börn sín fyr-
ir áframhaldandi áskrift að mat.
„Þegar allt er búið, þá er allt búið“
 Hefur áhyggjur af því að fólk geti ekki framfleytt sér
 Þeir sem eru yfir viðmiðum fá enga félagslega aðstoð
Morgunblaðið/Valdís Thor
Framtíðin Landsfeður þurfa að gæta þess að allir hafi nóg að bíta og brenna.
Aukinn þungi er í fyrirspurnum um aðstoð hjá velferðarsviði Reykja-
víkurborgar, að sögn Stellu Víðisdóttur sviðsstjóra. Hún segir þó
enga holskeflu hafa komið fram. „Við höfum alltaf öðru hvoru upp-
lifað það að fólk leitar og kannar rétt sinn,“ segir hún og bætir við
að tekju- og eignamörk séu mjög ákveðin og ætíð sé miðað við þau
þegar þörf er metin fyrir aðstoð.
Stella tekur fram að enn sé fólk víða að vinna uppsagnarfrest, bú-
ast megi við aukningu þegar hann verður útrunninn og fólk komið á
atvinnuleysisbætur. „Við erum aðeins farin að undirbúa okkur með
það. Auðvitað getum við búist við því með auknu atvinnuleysi og
eins og spár gera ráð fyrir er ekki ótrúlegt að útgjöld okkar til fjár-
hagsaðstoðar aukist og aukin eftirspurn verði eftir félagslegri ráð-
gjöf og fjármálaráðgjöf. Við erum nú þegar farin að merkja aukningu
í því.“ Á vef Reykjavíkurborgar segir m.a.: „Skylt er að veita fjár-
hagsaðstoð til framfærslu einstaklinga og fjölskyldna sem ekki geta
séð sér og sínum farborða án aðstoðar […]. Fjárhagsaðstoð til ein-
staklings getur verið allt að 99.329 kr. á mánuði og 158.926 kr. á
mánuði til hjóna eða fólks í sambúð. Aðstoðin er óháð barnafjölda,
þar sem reiknað er með að barnabætur, meðlög og barnalífeyrir
mæti kostnaði vegna barna.“
Byrjuð að undirbúa aukningu
„Kæri viðskiptavinur
Greiðsla vegna skólamáltíða í nóvember 2008 að upphæð […] kr. hef-
ur ekki skilað sér þar sem uppgefið greiðslukortanúmer er ekki í gildi.
Vinsamlegast greiðið skuld inn á reikning […], kt. […].
Ef greiðsla hefur ekki borist fyrir 03. desember 2008 verða skóla-
máltíðir ekki afgreiddar og skuld verður í framhaldi af því send í inn-
heimtu hjá lögfræðingi fyrirtækisins. Ef krafa endar í lögfræðiinn-
heimtu bætist í sumum tilfellum allt að 75% ofan á skuldina.“
Ofangreint bréf barst foreldrum barna í Hvassaleitisskóla. Þórunn
Kristinsdóttir skólastjóri segir hins vegar af og frá að börn séu ekki af-
greidd þó að foreldrar séu í vanskilum með greiðslur vegna skóla-
máltíða. „Ef foreldrar greiða ekki fyrir börnin þá komum við á móts við
þá,“ segir Þórunn, „við látum það ekki bitna á börnunum.“
Morgunblaðinu barst bréf frá forráðamanni barnanna sem um ræðir
og segir þar m.a.: „Ég held nú að margir foreldrar, eins og ég, hafi verið
með lífið í lúkunum yfir hvort börnin yrðu afgreidd eða ekki.
Ég hringdi í Skólamat daginn sem ég greiddi til að vera viss um að
þau fengju mat þann daginn og var búin að undirstinga greyin með að
kannski fengju þau ekkert í hádeginu.
Mætti kannski vera skýrara frá hendi skólayfirvalda að börn fái mat
þótt ekki takist að greiða á tíma.“
Sérstaklega skal tekið fram að ofangreint bréf er frá fyrirtækinu
Skólamat sem sér um að afgreiða mat til Hvassaleitisskóla.
„Máltíðir verða ekki afgreiddar“