Morgunblaðið - 24.12.2008, Qupperneq 4

4 FréttirINNLENT
MORGUNBLAÐIÐ MIÐVIKUDAGUR 24. DESEMBER 2008
Eftir Önund Pál Ragnarsson
onundur@mbl.is
Í DESEMBER hafa staðið yfir samn-
ingaviðræður á milli skilanefndar
gamla Landsbankans, NBI hf. (Nýja
Landsbankans) og LÍÚ, fyrir hönd
allra sjávarútvegsfyrirtækja sem
voru með afleiðu- og gjaldmiðla-
skiptasamninga við Landsbankann
áður en hann fór í þrot. Viðræðunum
er eftir því sem næst verður komist
ólokið, en samkvæmt heimildum voru
í kringum 30 útgerðarfyrirtæki í við-
skiptum af þessu tagi við Landsbank-
ann.
Mörg þeirra nýttu slíka samninga
til að verja sjóðstreymi sitt, þ.e. til að
festa framlegð af veiðum og vinnslu.
Óvissa um hvernig eigi nú að fara með
þessar kröfur á fyrirtækin hefur leik-
ið þau grátt að undanförnu, enda erf-
itt að áætla rekstrargrundvöll þeirra
til framtíðar, á meðan óvissan varir.
NBI veitir lán til uppgjörsins
við gamla Landsbankann
Árni Þór Þorbjörnsson, fram-
kvæmdastjóri fyrirtækjasviðs NBI,
segir viðræðurnar snúast um að hinn
nýi banki, fyrir hönd sjávarútvegsfyr-
irtækja sem skulda gamla Lands-
bankanum skv. afleiðusamningum,
kaupi allar umræddar kröfur í einu
lagi. Tilboðið fjármagnar NBI með
lánum til umræddra fyrirtækja, bæði
þeirra veikari og þeirra sterkari.
Gagnvart fyrirtækjunum er gert ráð
fyrir að NBI fjármagni hluta upp-
gjörsins en hluta munu félögin stað-
greiða að sögn Árna. Ekki er því um
að ræða neina niðurfellingu skulda af
hálfu NBI hf.
Samningar upp á 16 milljarða
Upphæð tilboðsins sem gamli
bankinn fær í kröfurnar verður metin
út frá hámarksinnheimtanleika
þeirra, miðað við greiðslugetu útgerð-
anna til lengri tíma.
Heildarupphæð afleiðusamninga
gamla Landsbankans við sjávarút-
vegsfyrirtækin er nú um 16 milljarðar
króna, en var um átta milljarðar við
fall bankanna í október. Viðræðurnar
snúast í grófum dráttum um það
hvaða hlutfall skuldastöðunnar eigi að
gera upp, svo ljóst er að verði tilboð-
inu tekið verður ekki gengið í fulla
innheimtu ýtrustu krafna samkvæmt
afleiðusamningunum, af hálfu gamla
Landsbankans.
Ljóst þykir skv. heimildum Morg-
unblaðsins að verði þær innheimtar til
fulls leiði það til gjaldþrots einhverra
útgerðarfyrirtækja.
16 milljarðar
af samningum
við útgerðir
Morgunblaðið/Ómar
Í höfn Útgerðir vilja takmarka tjón sitt af afleiðusamningum við banka.
Morgunblaðið/Brynjar Gauti
Eftir Ingibjörgu B. Sveinsdóttur
ingibjorg@mbl.is
UMRÆÐAN um efnahagskreppuna fer illa í þá
sem eru veikir fyrir þótt ekki hafi mikið breyst í
þeirra umhverfi, að sögn Valgerðar Rúnars-
dóttur, yfirlæknis á Vogi. „Við höfum að öðru
leyti ekki orðið vör við að ástandið hafi haft
áhrif. Við vitum þó ekki hvort þetta á eftir að
koma fram.“
Valgerður telur að þeir erfiðu tímar sem nú
fara í hönd geti aukið á vanda kvenna með fíkni-
sjúkdóma þar sem þær feli drykkju og aðra
neyslu í meiri mæli en karlar.
Konur fá lyf við afleiðingunum
„Þær fá alls konar meðferð og lyf við þung-
lyndi og svefntruflunum sem í mörgum tilfellum
eru afleiðingar drykkju og neyslu á ólöglegum
vímuefnum eða lyfjaneyslu. Það er eins og það
sé auðveldara að sinna afleiðingunum hjá kon-
um heldur en að ráðast gegn rót vandans. Þær
taka oftar lyf en karlar, sem í sjálfu sér er enn
auðveldara að fela,“ segir Valgerður.
Ástæðan fyrir því að konur eru oftar settar á
lyf en karlar kann að mati Valgerðar að vera sú
að þær leiti kannski frekar eftir aðstoð en þeir
og beri upp einkenni við lækna.
Flækja sem vindur upp á sig
„Einkennin eru hins vegar afleiðingar grunn-
vandans sem þær leita sér ekki hjálpar við.
Sumar eru kannski komnar í erfiða félagslega
stöðu og leita sér þá kannski fyrst hjálpar. Aðr-
ar leita sér kannski ekki aðstoðar vegna annars
en kvíða, þunglyndis og svefntruflana. Stundum
eru þær komnar með margar tegundir af geð-
lyfjum, ýmist til þess að ná sér upp eða róa sig
niður. Í sumum tilfellum blanda þær saman örv-
andi og róandi lyfjum. Þetta getur orðið mikil
flækja sem vindur upp á sig.“
Þriðjungur þeirra sem leggjast inn
Konur eru nú þriðjungur þeirra sem leggjast
inn á Vog og hefur hlutfall þeirra aukist jafnt og
þétt. „Sennilega er hlutfall kvenna sem hafa
áfengissýki hærra en það eru ekki fleiri sem
koma í meðferð,“ segir Valgerður.
Hún leggur áherslu á nauðsyn þess að horfa á
grunnvandann til þess að vandamál kvenna
verði ekki enn meiri í því ástandi sem nú ríkir.
„Það þarf að taka á vanda kvenna á
allt annan hátt en gert hefur verið
ef um er að ræða fíknisjúkdóma.“
Aukinn vandi kvenna sem fela drykkju
ÞAÐ ER óneitanlega fallegt ásýndar þetta glitský sem hér ber við Húsavík-
urkirkju á Þorláksmessu. Á Húsavík urðu menn varir við skýið strax í
morgun og kom það aftur í ljós seinnipartinn. Glitský eru langalgengust í
desember og janúar og myndast þegar óvenjukalt er í heiðhvolfinu. Þau
sjást helst um sólarlag eða sólaruppkomu og er litadýrð þeirra mjög
greinileg þar sem þau eru böðuð sólskini jafnvel þó að rökkvað sé.
Glitrar ský á himnum
Morgunblaðið/Hafþór Hreiðarsson
VEGNA fráfalls
Halldóru Eld-
járn, fyrrverandi
forsetafrúar,
hefur forsætis-
ráðherra sent
fjölskyldu henn-
ar samúðar-
kveðjur.
Jafnframt hef-
ur verið ákveðið,
að höfðu samráði
við fjölskylduna, að útför frú Hall-
dóru Eldjárn fari fram á vegum rík-
isstjórnarinnar. Þetta kom fram í
fréttatilkynningu sem send var frá
forsætisráðuneytinu í gær.
Útför Hall-
dóru á vegum
ríkisstjórnar
Halldóra
Eldjárn
TAL hefur gert samning við Sím-
ann um að frá og með áramótum
hafi viðskiptavinir Tals aðgang að
dreifikerfi Símans. Fram til þessa
hefur Tal, sem er í 51% eigu Teym-
is, haft samning við Vodafone um
aðgang að dreifikerfi en jafnframt
haft reikisamning við Símann, með
milligöngu Vodafone. Póst- og fjar-
skiptastofnun úrskurðaði nýlega að
slíkir samningar með milligöngu
þriðja aðila væru óheimilir.
Forsvarsmenn Tals þurftu því að
velja á milli dreifikerfa þeirra aðila
sem eru í rekstri og niðurstaðan
var að ganga til samninga við Sím-
ann, að því er segir í tilkynningu
frá Skiptum.
3G Með tilkomu 3G-tækninnar mun
farsímamenning landsmanna taka
enn eitt stökk í átt til framtíðar.
Tal tengist
dreifikerfi
Símans
EKKI hefur enn verið gengið frá
samningum milli Austurhafnar og
Landsbankans um framtíð tónlist-
arhússins. „Þetta skýrist vonandi
fljótlega eftir áramót,“ segir Stefán
Hermannsson framkvæmdastjóri
Austurhafnar, en hlutverk félags-
ins sem er í eigu ríkis og borgar er
að tryggja að tónlistarhúsið rísi og
komist í rekstur.
Unnið hefur verið í húsinu fram
að síðustu helgi og hefur verið um
hefðbundnar byggingafram-
kvæmdir að ræða að sögn Stefáns,
en verktakinn er nú kominn í jólafrí
til 6. janúar.
annaei@mbl.is
Framtíð húss-
ins enn óljós
Hvað vilja útgerðarmenn?
Þeir telja nauðsynlegt að ná sam-
komulagi um uppgjör afleiðusamn-
inga og hafa að undanförnu þrýst á
að kröfur vegna þeirra verði jafnvel
felldar niður. Forsendur þeirra séu
brostnar.
Friðrik J. Arngrímsson, fram-
kvæmdastjóri LÍÚ, sagði í samtali við
Morgunblaðið á fimmtudaginn að
meta þyrfti hvernig samningarnir
stæðu í ljósi gjörbreyttra aðstæðna.
Fyrirtækin ættu ýmist inni fé eða
skulduðu eftir atvikum.
Árni Tómasson, formaður skila-
nefndar Glitnis, svaraði því til að ekki
kæmi til greina að fella niður kröfur.
„Það er alveg á hreinu,“ sagði Árni.
Vaknar því sú spurning hvort ólík
stefna gildi hjá skilanefndunum.
S&S