Morgunblaðið - 24.12.2008, Blaðsíða 36

36 Daglegt líf
MORGUNBLAÐIÐ MIÐVIKUDAGUR 24. DESEMBER 2008
TIL AÐ auðvelda börnum biðina
eftir jólunum eru jólaböll með til-
heyrandi söng og dansi haldin í
skólum landsins. Ómissandi þátt-
ur á slíkum samkomum er heim-
sókn frá jólasveini sem gefur
börnunum eitthvað gott í gogginn
eða lítinn harðan pakka. Börnin
eru líka sjálf dugleg að hafa ofan
af fyrir sér og gestum t.d. með
helgileikjum og söngatriðum.
En allt er þetta aðeins upphitun
fyrir stóra daginn – sem er ein-
mitt í dag – sjálfur aðfangadagur.
Morgunblaðið/Árni Sæberg
Kórsöngur Kór Hlíðaskóla söng á jólaskemmtun skólans. Ekki leikur nokkur vafi á því að söngur þessara ljósklæddu stúlkna hafi komið áhorfendum öllum í hátíðarskap.
Hátíð
í bæ
„En það bar til um þessar mundir …“ Á jólaskemmtun Hlíðaskóla í Reykjavík fengu áhorfendur að upplifa sannkallaða hátíðarstemn-
ingu þegar nemendur létu ljós sitt skína í vel æfðum helgileik. Leiksýningin um fæðingu frelsarans er orðin að hefð í mörgum skólum.
Morgunblaðið/Valdís Thor
Karlinum heilsað Börnin á leikskólanum Baugi þurftu ekki að bíða eftir því að sveinki laumaði góðgæti í skóinn -
hann mætti með fullan poka af glaðningi sem féll vissulega vel í kramið eins og við var að búast.
Af öllu hjarta Þær sungu eins og englar í sparifötunum með jólasveinahúfu
á höfði, stúlkurnar á leikskólanum Grænatúni. Innlifunin leyndi sér ekki.