Árdís - 01.01.1954, Side 86

84
ÁRDÍS
réttarlandi, er Þorleifur tók. Voru þau samtaka með þrifnað og iðju-
semi, gestrisin og skemtileg heim að sækja. En manninn sinn misti
Guðrún í ágúst 1921 eftir tveggja ára heilsubilun; eftir það flutti
hún til Eggertínu dóttur sinnar og manns hennar.
Af sex börnum Guðrúnar og Þorleifs eru tvær dætur á lífi,
Ingibjörg Björnsson í Árborg og Eggertína Sigvaldason í Víðir;
einnig fóstursonur Líndal Guðmundsson í New Westminster, B.C.
Guðrún var félagslynd kona og lét engin góð málefni fram hjá
sér fara án þess að leggja þeim eitthvert lið og stundum um efni
fram, því oft var af litlu að taka. Það var ekki í hávegum haft, hvað
mikið gott hún gerði mörgu fólki í veikindum eða öðrum erfið-
leikum frumbýlingsáranna. Meðan heilsan leyfði féll henni aldrei
verk úr hendi; hún spann og prjónaði og margt sokka- og vettlinga-
parið gaf hún til skjóls fyrir vetrarkuldanum.
Guðrún átti alla sína ævi einlæga og barnslega trú á hand-
leiðslu Guðs; hún tilheyrði lúterska söfnuðinum í Víðir frá því
hann var stofnaður og einnig Kvenfélaginu ísafold og starfaði í
þeim félagsskap meðan kraftarnir entust. Nokkur síðustu árin var
hún heiðursmeðlimur kvenfélagsins.
Við, sem áttum samleið með henni, munum ætíð minnast með
þakklæti hlýrrar vináttu og tryggðar þessarar góðu landnámskonu.
Guð blessi minningu hennar.
A. Austman