Morgunblaðið - 03.07.2009, Blaðsíða 5

Atvinnuleysisbætur eru sérstakar framfærslubætur sem
þeim einum eru ætlaðar sem misst hafa atvinnu sína.
Þess eru nú dæmi að fólk skrái sig atvinnulaust og stundi
síðan launuð störf án þess að yfirvöld hafi vitneskju um slíkt.
Með slíkum svikum er vegið að velferðarkerfi því sem komið
hefur verið á og greitt er af skattgreiðendum. Skal ósagt látið
hvort slíkt háttalag sé hóti betra en þjófnaður að nóttu.
Ríkisskattstjóri og Vinnumálastofnun hvetja almenning til að
veita þeim aðhald sem vanvirða það velferðarkerfi sem haldið
er uppi með sköttum og greiðslu bóta til þeirra sem réttilega
þurfa á þeim að halda. Misnotkun á bótarétti og undandráttur
tekna kann að varða refsingu og sviptingu réttinda.
Svik á atvinnuleysisbótum og svört
vinna verða ekki liðin.
Með samstilltu átaki þjóðarinnar er unnt að útrýma svartri
vinnu og svikum á atvinnuleysisbótum.
Tekið er við nafnlausum ábendingum um svik á
atvinnuleysisbótum á www.vmst.is/abending
og um svarta vinnu á www.rsk.is/abending.
Svik á atvinnuleysisbótum
og svört vinna