Saga - 1992, Page 268

266
GUNNLAUGUR ÁSTGEIRSSON
rétt eftir aldamótin og núna árið 1971, er augljóst að gífurlegar breytingar
hafa átt sér stað. Samt sem áður er flokkaskiptingin ennþá í anda aldamót-
anna og þó sá andi væri góður á sinni tíð á hann ekki við í dag.
Þó að sumir stjórnmálaflokkar telji sig yngri en aðra eru þeir samt allir
greinar af sama meiði, til orðnir vegna óánægju og úlfúðar en það hefur sýnt
sig, að þær frænkur óánægja og úlfúð eru heldur slæmar fóstrur stjórnmála-
flokka.
Island nútímans er velferðarríki, þar sem allir þegnarnir hafa nóg að bíta
og brenna og flestir gott betur. Þess vegna er sú stéttabarátta sem háð hefur
verið um þjóðarauðinn á umliðnum árum grundvölluð á djúptækum mis-
skilningi á eðli þjóðfélags vors. Hin íslenska þjóð er ekki stærri en hvert ann-
að meðalstórt franskt kaupfélag og því er ótækt að ímynduð pólitísk sundr-
ung standi framfaramálum landsmanna fyrir þrifum.
Þegar litið er á stjórnmálayfirlýsingar gömlu flokkanna er fljótséð að helstu
heildarmarkmið þeirra eru hin sömu:
Að skapa fegurra og betra mannlíf í frjálsu landi þar sem velferð þegnanna
og sjálfstæði einstaklingsins séu tryggð; allir eru þeir á móti verðbólgu, allir
vilja þeir færa út landhelgina, allir vilja þeir berjast á móti mengun, allir vilja
þeir auka menntun, styrkja atvinnuvegina og hækka kaup hinna lægstlaun-
uðu.
Af framansögðu er augljóst að skipting landsmanna í fimm stjórnmála-
flokka er með öllu ónauðsynleg.
Lítil þjóð sem vér íslendingar hefur ekki efni á að eyða kröftum sínum í
gagnslausar illdeilur um málefni sem allir eru í rauninni sammála um. Nú er
því kominn tími til að menn slíðri sverð innbyrðis sundurlyndis og takist
sameinaðir og ótrauðir á við vandann sem við er að etja í samfélagi þjóðanna.
Hingað til hefur skort afl í íslenskum stjórnmálum sem væri fært um að hafa
forgöngu fyrir slíkri sameiningu. En nú er slíkt afl risið upp. Æskumenn úr
öllum gömlu flokkunum hafa bundist samtökum um að brjóta niður Berlín-
armúra hins staðnaða hugarfars og myndað flokk sem hefur að markmiði að
sameina allar stjórnmálastefnur innan vébanda eins flokks, Framboðsflokks-
ins, flokks allra flokka. Nú er því upp runnið hið gullna tækifæri sem allir
elskendur friðar, kærleika og hreinlyndis meðal manna hafa þráð.
í bróðurlegri eindrægni hyggst Framboðsflokkurinn sameina alla lands-
menn undir merki flokksins - sápukúlunni, til þess að byggja upp sameinað
þjóðfélag frelsis, jafnréttis og bræðralags. Landsmenn góðir, munið því 13.
júní - O.
Viðtal við 2. mann á lista Framboðsflokksins í Reykjaneskjördæmi.
Spyrill Einar Örn.
SP: Hver var aðdragandi þess að þér ákváðuð að gefa kost á yður til
framboðs?
SVAR: Það gerðist nú ekki áreynslulaust af minni hálfu. Þegar uppstill-
ingarnefnd Framboðsflokksins fór þess á leit við mig að ég gæfi kost á mér til
framboðs var ég satt að segja hikandi í fyrstu, en sá mig um hönd og ákvað