Skinfaxi - 01.05.2011, Blaðsíða 31

SKINFAXI – tímarit Ungmennafélags Íslands 31
Frjálsíþróttaskóli Ungmennafélags Íslands
var haldinn í fjórða sinn í sumar og voru
haldin námskeið á fjórum stöðum víðs
vegar um landið. Námskeiðin fóru fram á
þremur stöðum dagana 20.–24. júní,
en námskeiðið á Sauðárkróki var haldið
18.–22. júlí. Frjálsíþróttaskólinn var fyrst
haldinn árið 2008 á þremur stöðum á
landinu; í Borgarnesi, Sauðárkróki og á
Egilsstöðum. Nú í ár var frjálsíþróttaskóli
Ungmennafélags Íslands haldinn í Borgar-
nesi, á Selfossi, Egilsstöðum og Sauðár-
króki.
Frjálsíþróttaskólinn er ætlaður ung-
mennum á aldrinum 11–18 ára. Ungmenn-
in koma saman á hádegi á mánudegi en
skólanum lýkur á hádegi á föstudegi í sömu
viku. Aðaláhersla er lögð á kennslu í frjáls-
um íþróttum. Auk frjálsra íþrótta er farið í
sund, leiki, óvissuferðir og haldnar kvöld-
vökur. Gjaldið fyrir vikuna árið 2011 var
15.000 kr. á ungmenni. Allt var innifalið í
verðinu þ.e. kennsla, fæði og gisting.
Ungmennafélag Íslands hefur yfirum-
sjón með framkvæmd skólans og annast
sameiginlega kynningu á starfseminni.
Sambandsaðilar á því svæði þar sem skól-
inn er haldinn hverju sinni sjá um að finna
kennara og aðstoðarmenn til starfa við
skólann. Lagt var upp með að hafa fag-
menntaða kennara í kennslu á hverjum
stað til að tryggja sem besta kennslu fyrir
ungmennin.
Námskeiðin gengu alls staðar mjög vel
fyrir sig og voru ágætlega sótt. Þátttakend-
ur lýstu á öllum stöðunum yfir mikilli
ánægju og margir eru staðráðnir í því að
mæta aftur næsta sumar.
Þjálfarar við skólann í Borgarnesi voru
Bjarni Traustason, Unnur Jónsdóttir, Íris
Frjálsíþróttaskóli UMFÍ haldinn í fjórða sinn:
Góð þátttaka víðast hvar
Grönfeld og Ingimundur Ingimundarson.
Um 40 krakkar sóttu námskeiðið í Borgar-
nesi. Ólafur Guðmundsson og Fjóla Signý
Hannesdóttir voru þjálfarar skólans á Sel-
fossi en þar voru þátttakendur 15 talsins.
Þjálfarar við skólann á Sauðárkróki voru
Árni Geir Sigurbjörnsson og Gunnar Sig-
urðsson. Lovísa Hreinsdóttir, Anna Katrín
Svavarsdóttir, Elín Rán Björnsdóttir og
Mekkin Guðrún Bjarnadóttir voru þjálfar-
ar við skólann á Egilsstöðum. Hildur Bergs-
dóttir var skólastjóri og sá um skipulagn-
ingu. Þátttakendur voru tólf, víðs vegar að
af Austurlandi.
Frá námskeiði
Frjálsíþróttaskóla
UMFÍ í Borgarnesi.
Frá námskeiði Frjáls-
íþróttaskóla UMFÍ á
Egilsstöðum.
Frá námskeiði Frjálsíþróttaskóla
UMFÍ á Egilsstöðum.
Frá námskeiði
Frjálsíþróttaskóla
UMFÍ á Selfossi.