Organistablaðið - 01.10.1980, Blaðsíða 11
hér, því að flestir kóralarnir eru óþekktir hér í landi. En það eru önnur verk sem
mundu sóma sér vel á tónleikaskrám, svo sem t.d. „Baroques Suite" sem hann
samdi 1943. Einn þátturinn er sérstaklega skemmtilegur, nefnilega sá, sem
nefndur er „Rhytmic Trumpet". Formið er A B A. Við flutninginn þarf að hafa
trompet í byrjuninni og í lokin og ,,ekko"-(bergmáls) tungurödd (t.d.
Krummhorn eða Vox humana) í miðkaflana, og þó má í stað þess síðarnefnda
nota Sesquialtera eða Cornett-hljóm. Kaflinn -þaðtekur um það bil 3 mín. að
leika hann - ber keim af lúðurþyt (fanfare) og er ekki flókinn en heillandi.
Norman Dello Joio (f. 1 91 3), sem lærði hjá Hindemith m.a., er þekktastur fyr-
ir tónverk sín fyrir hljómsveit, píanó og kór, en 1965 samdi hann orgelverk, eftir
pöntun vegna vígslu á nýju orgeli. Það heitir Laudation, og tekur ca. 7-8 mín.
að leika það, og er það mjög hátíðlegt.
Walther Piston (1894-1976), nemandi Nadia Boulanger, hefur, eftir því sem
ég best veit, samið aðeins eitt verk fyrir orgel: Cromatiac Study on the Name of
Bach. Aftur á móti hefur hann samið margar kennslubækur m.a. bæði í
hljómfræði og kontrapunkti, sem mikið eru notaðar mjög víða við hærri
menntastofnanir í Bandaríkjunum. Orgelverkið er stutt, krómatiskt, með eftir-
líkingum (imiterende), - þáttur yfir B-A-C-H, með annarri rytmiskri skiptingu
temans en við eigum að venjast (t.d. hjá Liszt).
ORGANISTABLAÐID 11