Organistablaðið - 01.10.2000, Blaðsíða 5
Organistablaðlð
laus, en fagmannleg í meira lagi. Flutningur
hans á velþekktri Ciaconnu Pachelbels í f-moll
var opinberun mörgum viðstöddum.
I hádegi næsta dag tók Per Fridtjov Bonsak-
sen, dómorganisti í Nidarósdómkirkju, sér sæti
við nótnaborð Klais-orgelsins. Efnisskrá tón-
leika hans samanstóð af Preludiu og fúgu
Bachs í G-dúr sem ramma utan um tvö verk eft-
ir fyrirrennara hans við dómkirkjuna í Niðarósi.
Laugardagskvöldið flutti Hans-Ola Ericsson,
prófessor í Piteá, Messiaens magnus opus fyrir
orgel, Livre du Saint-Sacrament. Það eru mikil
forréttindi og fagnaðarefni fyrir orgelunnendur
að hafa haft tækifæri á að hlusta tvisvar á þetta
verk í lifandi flutningi í Hallgrímskirkju, í fyrra
skipti með Almut Röfáler á Kirkjulistahátíð 1993
og svo aftur nú í flutningi prófessors Ericsson.
Það var eftirsjá af Kaj-Erik Gustafsson, lektor
við Sibelius Akademíuna í Helsinki sem ætlaði
að koma, kenna og spila. Því miður þurfti hann
sökum veikinda að afboða komu sína rétt fyrir
brottför. Við fengum Uif Norberg frá Sollefteá
með mjög stuttum fyrirvara til að fylla í skarðið
og spila á hádegistónleikunum. Hann spilaði við
það tækifæri Premiére Suite de Phantasie eftir
Vierne. Títtnefndur Peter Sykes, sem staddur
var hér á landi í tengslum við vígslur Noack org-
elanna tveggja, tók að sér að leiðbeina í staðinn
fyrir Kaj-Erik. Meðal annars kynnti hann með
tóndæmum sína eigin umritun fyrir konsertorg-
el á hljómsveitaverki Gustavs Holsts, Plánetum-
ar. Vakti kynningin mikla athygli hjá viðstödd-
um.
Verkleg kcnnslu
Nokkurs konar meistaranám fór fram fyrir og
eftir hádegi föstudag og laugardag. Anders
Bondeman og Hans-Ola Ericsson leiðbeindu
virkum þátttakendum í túlkun valinkunnra org-
elverka svo og grundvallaratriði í spunagerð í lit-
úrgísku samhengi.
Kynningar og fyrirlestrar
Fyrir utan orgelkynningar og umræður sem
fóru fram á fyrsta degi mótsins - eiginlega áður en
mótið var formlega sett - voru einnig haldnir tveir
fyrirlestrar. Per Fridtjov Bonsaksen sagði frá tón-
listarlífi í Niðarósdómi í gegnum aldirnar og
Hans-Ola Ericsson kynnti með tóndæmum orgel-
verk Messiaens, Livre du SaintSacranwnt.
Lokaatriði mótsins var hátíðarmessa í Hall-
grímskirkju sunnudaginn 19. september. Af því
tilefni kom fram í messunni sálmatónlist frá Finn-
landi, íslandi, Noregi og Svíþjóð. Þátttakendur
mótsins skipuðu kirkjukór og nokkrir organistar,
sem allir voru þátttakendur á mótinu, tóku virkan
þátt í tónlistarflutningnum.
Félagslegir þættir áttu líka sinn stað á dagskrá
mótsins. í upphafi var efnt til móttöku í boði
Dóms- og kirkjumálaráðherra í salarkynnum rík-
isstjórnarinnar í Borgartúni 6. í lok mótsins var
kveðjuathöfn í safnaðarsal Hallgrímskirkju.
Mjög margir aðilar lögðu hönd á plóg við undir-
búning og framkvæmd mótsins. Sérstaklega ber
að geta vinnu Erlu Elínar Hansdóttur við gerð
veglegrar og ítarlegrar mótsskrár.
Fjármál, sfyrkturaðilar
Rétt er að geta að nokkrir opinberir aðilar
styrktu mótið. Sóknarnefndir Digraneskirkju og
Neskirkju og sér í lagi sóknarnefnd Hallgríms-
kirkju studdu mótshaldið á myndarlegan hátt
beint og óbeint. Menntamálaráðuneytið, norska
sendiráðið, Héraðssjóðir Reykjavíkurprófasts-
dæmanna og embætti Söngmálastjóra Þjóðkirkj-
unnar styrktu öll mótið með beinum hætti. Félag
fslenskra Organleikara og Listvinafélag Hall-
grímskirkju styrktu einnig mótshald. Allir þessir
aðilar eiga einlægar þakkir skildar fyrir þeirra
framlag sem gerðu kleift að halda þetta vel
heppnaða mót, sem var sérstaklega gagnlegur lið-
ur í símenntun metnaðarfullra íslenskra kirkju-
organista. Douglas Brotchie
5