Organistablaðið - 01.10.2000, Blaðsíða 8
Organistablaðið
Nýja barrok-orgelið í Örgryte Nya Kyrka
Eins og áður sagði voru tónleikar á hverju
kvöldi, yfirleitt ekki af verri endanum. Við
sáum okkur því miður ekki fært að sækja þá
alla en fórum þó á fjölmarga tónleika í Örgryte
Nya Kyrka sem státaði af glæsilegu barrokorg-
eli, sem var vígt meðan á námskeiðinu stóð, og
einnig tónleika í skólanum sjálfum. Nýja org-
elið er fjögurra borða hljóðfæri, ku hafa kost-
að hátt í 400 milljónir íslenskra króna, smíðað
frá grunni með sömu aðferðum og eftir sömu
grunnhugmyndum og Schnitger orgelin sem
víða má finna í Norður-Evrópu. Það er stillt í
„quarter-comma meantone” stillingu og lét, til
að byrja með, undarlega í eyrum íslenskra
ungmeyja sem einungis hafa heyrt tempraða
stillingu í uppvexti sínum. Meantone stillingin
kom þó ekki í veg fyrir að Hans-Ola Ericsson
transponeraði upp um hálftón í hverju erindi
sálmsins „Mikli Drottinn dýrð sé þér”, alls níu
erindi.
Meðal eftirminnilegustu tón-
leikanna er einmitt frumflutn-
ingur Hans-Ola á messu sem
hann samdi fyrir orgelið í Örgryte
Nya Kyrka og segulband. Fyrir
tónleikana veltum við því mikið
fyrir okkur hvaða hljóð væru á
segulbandinu en urðum alls ekki
fyrir vonbrigðum þegar við
komumst að því að það hafði að
geyma upptökur af fleiri orgel-
um, nánar tiltekið fimm Schnit-
ger orgelum, sem hafa verið end-
urgerð á okkar dögum.
Of langt mál væri að segja frá
öllum tónleikunum sem við sótt-
um og ætlum við því aðeins að
nefna flutning á Buxtehude kan-
tötum í Örgryte Nya Kyrka, en fór
þar saman stórgóð strengjasveit,
vopnuð upprunalegum hljóðfær-
um, frábærir barroksöngvarar og að sjálfsögðu
orgelið góða. Einnig verðum við að minnast á
tónleika sem við fórum ekki á, en þar kom fram
rokkamman Tina Turner á Ullevi leikvanginum.
Það var greinilegt að mikið var lagt í allt sem
gerðist á þessu námskeiði. Skipulag var gott og
fjölmargir þekktir listamenn komu fram og
kenndu. Þarna gafst kostur á að hitta orgel-
nema og orgelleikara frá öllum heimshornum
og einnig að kynnast orgelum frá mismunandi
tímabilum. Það hefur reyndar verið stefna í
Gautaborg um nokkurt skeið að byggja sem
flestar nákvæmar eftirmyndir af orgelum frá
ýmsum tímabilum og löndum og ætti borgin
því að vera áhugaverður kostur til orgelskoð-
unarferða í framtíðinni.
Okkur fannst allavega gaman.
Lára Bryndís Eggertsdóttir
Sigrún Magna Þórsleinsdóttir
8