Organistablaðið - 01.10.2000, Blaðsíða 12

Organlstablaðið
Tapiola kórinn á opnunartónleikunum í Dómkirkjunni í Helsinki.
Miðvikudagsmorgunniiui 13. september hélt
glaður og eftirvæntingafullur hópur utan með
flugi til Stokkhólms. Við komuna þangað þurfti
að hafa hraðan á til að finna hliðið sem flugvél-
in til Helsingfors færi frá. Sem betur fer var
það á sama palli (terminal) og bara nokkrum
hliðum frá íslensku vélinni svo við komum
mátulega til að ganga um borð, þakklát fyrir að
báðar vélarnar væru á réttum tíma. Það er ekki
hægt að segja annað en að höfuðborg Finn-
lands hafi tekið vel á móti okkur. Þar var sól-
skin og hiti um 18°. Hópnum var skipt niður á
tvö hótel í miðborginni og hélt hver til síns hót-
els þar sem við kynntust fyrst frábæru skipu-
lagi því allt var á hreinu og allir fengu umyrða-
laust sinn lykil. Það fyrsta sem allir þurftu síð-
an að gera var að mæta á skrifstofu mótsins og
fá afhent mótsgögn og aðgöngumiða á þá fyrir-
lestra og tónleika sem hver og einn hafði skráð
sig fyrirfram ásamt farmiða til Tallin fyrir þá
sem voru skráðir í þá ferð. Einnig fékk hver og
einn nafnspjald til að hengja á sig, sérútbúna
axlatösku merkta mótinu í bak og fyrir og í
henni voru allar þær praktísku upplýsingar
sem menn þurftu í formi bókar upp á 112 síður
um mótið, tónleika og fyrirlestra ásamt upplýs-
ingum um alla flytjendur tónlistarinnar og öll
tónskáldin. Þar var einnig að finna heimilis-
föng allra hótela sem þáttakendur gistu á. Þeg-
ar fólk hafði sótt þessi gögn og fengið ýmsar
upplýsingar var frjáls tími það sem eftir lifði
dags og virðist sem ýmsir ef ekki flestir hafi
notað tímann til að athuga verslanir af ýmsu
tagi. Undirritaður fór ásamt fleirum í nótna-
verslun Fazers, en það er tónlistarbúð upp á
nokkrar hæðir. Þar var mikið úrval af nótum og
hljóðfærum og fengu sumir nótur sem þeir
höfðu leitað að í áraraðir en hvergi fengið og
fannst eins og ferðin væri þegar búin að borga
sig. Flestir íslendinganna munu hafa gengið
snemma til náðar (um kvöldmatarleytið að ísl.
tíma) enda vaknað snemma um morguninn og
þurftu að vakna enn fyrr næsta morgunn.
Fimmtudaginn 14. september gátu menn
valið um dagsferð til Tallin, höfuðborgar Eist-
lands, eða orgelskoðunarferð í Helsingfors og
nágrenni með tileyrandi orgeltónleikum. Allir
fslendingarnir 34 höfðu valið Tallin ferðina og
þurftu að vera mætt kl. 7.15 (4.15 ísl. tíma).
12