Organistablaðið - 01.10.2000, Blaðsíða 16

Organisladlaðið
Björn Steinar undirbýr tónleika á Ákerman &
Lund orgelið í Barghallskyrkan.
Klukkan 13.00 var síðan komið að kórfram-
lagi Norðmanna og var því haldið í Gömlu
kirkjuna. Ekki var það framlag af lakara tag-
inu. Sex manna kór „Vokalensemblet Nordic
Voice” söng þarna rúmlega klukkustundar
prógram. Óhætt er að segja að þessar þrjár
stúlkur og ungu mennirnir þrír hafi sungið sig
inn í hjörtu áheyrenda. Sönghópur þessi var
stofnaður 1996. Félagarnir eru öil ungt tónlist-
arfólk, en samt með ólíkan bakgrunn úr æðri
tónlistarstofnunum Noregs. Ýmist með mennt-
un í söng, kennslufræði, kirkjutónlist, tón-
smíðum eða kórstjórn. Meðlimirnir hafa einnig
mikla reynslu af starfi í litlum tónlistarhópum
og kórsöng, og mörg þeirra hafa einnig komið
fram sem sólistar bæði heima fyrir og í útlönd-
um. Þrátt fyrir ungan aldur hópsins hefur hann
þegar komið fram f ýmsum löndum í Evrópu og
í Suður-Afríku og er efnisvalið mjög fjölbreytt.
Þessi sönghópur kom sem bjargvættur Norð-
manna á síðustu stundu þar sem Norski ein-
söngvarakórinn „Den Norske Solistkor” sem
vera átti fulltrúi landsins forfallaðist á síðustu
stundu og átti hann meðal annars að taka þátt
í að hylla norska tónskáldið Knut Nysted, en
Nordic Voices björguðu heiðri frænda okkar og
það með miklum sóma.
Nordic Voices flutti eingöngu norska kórtón-
list og spannaði hún frá ca. 1200 til nýskrifaðra
verka. Alls voru 12 verk á efnisskrá kórsins og
sum þeirra vægast sagt krefjandi og voru fagn-
aðarlætin mikil í lok tónleikanna. í lok tónleik-
anna var norska tónskáldið Knut Nysted hyllt-
ur af tónleikagestum og veitt heiðursverðlaun
Norræna kirkjutónlistarráðsins.
Og þá var að drífa sig í Dómkirkjuna þar
sem sænsku kórtónleikarnir hófust kl. 14.30.
Fulltrúar Svía voru „Erik Westberg vokalens-
emble” undir stjórn Eriks Westberg og
drengjakór Katarínukirkjunnar í Stokkhólmi
undir stjórn Lars-Ewe Nilsson. Þeim til að-
stoðar var Mattias Wager, orgel ásamt blásur-
um og slagverksleikurum og einnig var með
.jojkarinn” Johan Márak. Erik Westberg kór-
inn er stofnaður 1993 og samanstendur af 16
söngvurum sem eru starfandi sem einsöngvar-
ar, kirkjutónlistarfólk eða tónlistarkennarar í
Norrbotten og Vesterbotten. Kórinn hefur
frumflutt yfir 20 verk eftir ýmis sænsk sam-
tímatónskáld. Kórinn hefur farið í tónleika-
ferðir víða um Evrópu og til Japan. Hann vann
1. verðlaun í alþjóðlegur kammerkórakeppn-
inni í Takarazuka í Japan 1996, bæði í keppni
blandaðra kóra og í deildinni fyrir bestu kór-
ana samanlagt. Drengjakórinn hefur sungið
undir stjórn Nilsons í 30 ár og sungið tónleika
víða í Evrópu og í Stokkhólmi og tekið þátt í
sjónvarpsupptökum.
Kórarnir sungu bæði saman eða hvor íyrir
sig í kórdyrum, einnig fór drengjakórinn upp á
hið veglega orgel/söngloft kirkjunnar og sung-
16