Organistablaðið - 01.10.2000, Blaðsíða 15
Organistablaðið
heyra Chaconnu eftir Bernhard Christensen
frá 1977 iyrir orgel og básúnu í flutningi þeirra
Kari Jussila á orgel og Teppo Alestalo á
básúnu.
Þá var komið að kórframlagi Finna og fyrst
steig fram Tapiolakórinn frægi sem skipaður er
unglingsstúlkum og einnig leyndist einn
drengur í hópnum. Nokkrir félgar kórsins
höfðu svo lítið bar á dreift sér um kirkjuna, en
hin börnin settust á söngpallana í kór kirkj-
unnar.
Upphófst nú verkið Ikikaiku eftir Olli Kor-
tekangs frá 1999. Þetta er einskonar leikrænt
spunaverk og var auðséð að börnin fengu mikla
útrás við flutningin og gleðin skein úr hverju
andliti enda voru þau mikið á ferðinni og
breyttu oft um uppstillingar. Eins og fyrr segir
höfðu nokkrir kórfélagar stungið sér niður
hingað og þangað um kirkjuna og tónverkið
spilaði á hinn góða hljómburð þar sem börnin
gáfu frá sér allavega hljóð og tóna víðsvegar
um húsið og upp í kórnum í síðari hluta verks-
ins fóru börnin og sungu fyrir tóna og fengu
kirkjugesti til að taka þátt og endurtaka það
sem þau höfðu gert, fyrst var þetta gert í hægu
tempói þar sem hverjum hópi kirkjugesta var
gefið sitt stef og síðan æstist leikurinn og áður
en varði voru öll stefin komin í syngjandi keðju
og leik allra viðstaddra og nutu greinilega allir
stundarinnar.
Því næst söng kórinn verkið Hosanna eftir
Knut Nysted frá 1981 og að lokum Kyrie, Glor-
íu, Agnus Dei úr Barnamessu eftir Eiojuhani
Rautavaara frá 1973. Stjórnandi kórsins var
Kari Ala-Pöllánen.
Þá lék prófessor Kari Jussila á Marcussen
orgel dómkirkjunnar verkið Hommage á Marc
Chagall eftir Erkki Jokinen frá 1985.
Þá var komið að Jubilate kórnum undir
stjórn Astrid Riska. þessi kór var stofnaður af
stjórnandanum fyrir 30 árum og þá sem barna-
kór. í dag er Jubilate kammerkór sem hefur
undir handleiðslu söngstjóra síns fest sig í
sessi sem einn af fremstu kórum Finnlands.
Kórinn hefur ferðast víða um heim og sungið
inn á fjölmarga diska og plötur.
Kórinn flutti okkur verk eftir Lars Karlsson
Psalm98 (Davíðssálmur 98) sem er úr safninu
„Þrjár mótettur” frá árinu 1999. í raun er verk-
ið byggt utan um sálmalagið „Nú kemur heið-
inna hjálparráð” eins og það er að finna í ís-
lenska sálmasöngsbókar viðbætinum frá 1976
(Gormu) nr. 469. Þar næst söng kórinn verkið
Symbolum Nicaenum eftir Trond Kverno frá
1996 og að lokum söng kórinn Alleluja eftir Per
Gunnar Petersson frá 1999.
Það fór ekkert á milli mála að þessir tveir
kórar eru á heimsmælikvarða og vel agaðir og
þjálfaðir og hafði einhver á orði „...Ég var alveg
búin að gleyma hvernig alvöru kór hljómar...”.
Verkefni kóranna voru ekki af léttara taginu og
má segja að flest þeirra hafi verið tæknilega
mjög krefjandi og krafist mikils af kórfélögum.
Þessir upphafstónleikar mótsins enduðu síð-
an á að Kari Jussila lék á orgel dómkirkjunnar
íslenkst verk þ.e. Toccötu sem Jón Nordal
samdi 1985 til minningar um Pál Isólfsson. I
öllum þeim verkum sem Jussila flutti fór það
ekkert á milli mála að hér var á ferð virkilega
frambærilegur organisti, enda maðurinn orgel-
prófessor við Sibeliusar Akademiuna í
Helsinki.
Að loknum þessum frábæru tónleikum var
gengið yfir í Ráðhús borgarinnar þar sem fór
fram opinber móttaka að hálfu borgarinnar.
15