Morgunblaðið - 23.11.2009, Blaðsíða 12

12 FréttirERLENT
MORGUNBLAÐIÐ MÁNUDAGUR 23. NÓVEMBER 2009
Sérbýli ca 200-250 fm
óskast til kaups
Fyrir trausta kaupendur vantar okkur nú þegar ca 200-250
fm sérbýli á einni hæð miðsvæðis á höfuðborgarsvæðinu.
Um getur verið að ræða einbýlishús, raðhús eða parhús.
Staðgreiðsla í boði fyrir rétta eign.
Allar nánari upplýsingar veitir Brynjólfur Jónsson.
NORSKI orkurisinn Statkraft
hyggst vígja frumgerð fyrstu ós-
virkjunar heimsins við Hurum í
Óslóarfirði á morgun. Slíkar virkj-
anir byggjast á svonefndri osmósu-
tækni og hægt er að reisa þær þar
sem saltur og ósaltur vatnsmassi
mætist, yfirleitt við ósa. Fyrirtækið
vonast eftir miklum sóknarfærum á
þessu sviði orkuöflunar, ekki aðeins í
Noregi, heldur einnig úti um allan
heim.
Tæknin byggist á því að vatn og
sjór eru aðskilin með himnum sem
hafa osmótíska eiginleika. Með slík-
um aðskilnaði er hægt að framkalla
mikinn þrýsting „sjávarmegin“ við
himnuna, þegar ferskvatnið dregst í
átt til saltvatnsins. Þrýstingurinn
getur numið tug loftþyngda, eða sem
svarar því þegar vatn fellur úr mikilli
hæð til jarðar.
„Þetta er endurnýjanlegur orku-
gjafi, sem er ólíkur sólar- og vind-
orku að því leyti að ósvirkjun fram-
leiðir fyrirsjáanlegt og stöðugt magn
af orku, óháð veðri,“ sagði Stein Erik
Skilhagen, sem stjórnar verkefninu.
Frumgerðin framleiðir tiltölulega
litla orku en Statkraft stefnir að því
að taka í notkun ósvirkjun, sem
framleiðir 25 megavött, eða raforku
fyrir 10.000 heimili, innan sex ára.
Fyrirtækið áætlar að framleiðslu-
geta slíkra virkjana sé um 1.700
teravattstundir í heiminum öllum, en
það samsvarar um helmingi orku-
framleiðslunnar í Evrópu, að sögn
fréttastofunnar AFP.
Fyrsta ósvirkjunin vígð
Byggist á nýrri tækni sem snýst um að aðskilja vatn og sjó
með himnum sem framkalla þannig mikinn þrýsting
NÆR 250 manns var bjargað eftir að ferja sökk við Súmötru í Indónesíu í
gær. A.m.k. 29 fórust í slysinu og sautján var enn saknað. Hermt var að of
margir hefðu verið um borð í ferjunni. Ferjuslys eru algeng í Indónesíu
þrátt fyrir loforð þarlendra yfirvalda um strangara eftirlit með ferjunum.
Reuters
Nær 250 manns bjargað
Eftir Boga Þór Arason
bogi@mbl.is
NÝ skoðanakönnun í Bretlandi
bendir til þess að forskot Íhalds-
flokksins hafi minnkað verulega og
enginn flokkur fái meirihluta þing-
sæta í kosningum sem eiga að fara
fram ekki síðar en í júní á næsta ári.
Gangi spáin eftir verður þetta í
fyrsta skipti frá 1974 sem enginn
flokkur fær meirihluta á þinginu.
Könnun, sem gerð var fyrir
breska blaðið Observer, bendir til
þess að fylgi Íhaldsflokksins sé nú
37% og Verkamannaflokksins 31%.
Um 17% aðspurðra sögðust ætla að
kjósa Frjálslynda demókrata.
Þetta er minnsti munur á fylgi
stóru flokkanna tveggja frá því í des-
ember á síðasta ári. Forskot Íhalds-
flokksins var 20 prósentustig í
nokkrum skoðanakönnunum fyrir
hálfu ári.
Líklegt þykir að Verkamanna-
flokkurinn njóti góðs af vaxandi
bjartsýni Breta í efnahagsmálum nú
þegar efnahagur Bretlands er að
rétta úr kútnum. Um 46% aðspurðra
sögðust vænta þess að efnahagurinn
batnaði á næsta ári. Aðeins 23%
töldu að efnahagnum myndi hnigna
og 28% töldu að ástandið héldist
óbreytt.
Líklegt þykir að Íhaldsflokkurinn
þurfi níu prósentustiga forskot til að
fá meirihluta á þinginu, eða 326 sæti.
Talið er að Verkmannaflokkurinn fái
fleiri þingsæti en íhaldsmenn ef for-
skot þeirra verður minna en fimm
prósentustig.
Sá stærsti myndi stjórn
Nick Clegg, leiðtogi Frjálslyndra
demókrata, sagði í gær að sá flokk-
ur, sem fengi flest þingsæti í kosn-
ingunum, ætti að mynda næstu rík-
isstjórn. Breska blaðið The Times
sagði þetta áfall fyrir Verka-
mannaflokkinn sem gerði sér vonir
um að geta haldið völdunum með
stuðningi Frjálslyndra demókrata.
Brown enn óvinsæll
Skoðanakönnunin bendir til þess
að fylgi Gordons Browns forsætis-
ráðherra sé enn lítið. Aðeins 34% að-
spurðra sögðust vera ánægð með
störf hans og 59% voru óánægð.
Um 48% sögðust vera ánægð með
störf Davids Camerons, leiðtoga
Íhaldsflokksins, og 35% óánægð.
Forskot breskra
íhaldsmanna
hefur minnkað
Útlit fyrir að
enginn flokkur fái
meirihluta á þinginu
Reuters
Keppinautar David Cameron og
Gordon Brown á breska þinginu.
VENJA er að ljósin á jólatrénu á
Ráðhústorginu í Kaupmannahöfn
séu tendruð með því einfaldlega að
stinga rafmagnssnúru í innstungu
en í ár verður brugðið á það ráð að
reiðhjólafólk sjái trénu fyrir raf-
magni. Á trénu verða alls 800 ljósa-
perur og rafstraumurinn á að koma
frá fimmtán reiðhjólum. Engin lýs-
ing verður á trénu nema öll hjólin
séu knúin áfram.
Ákveðið var að beita þessari að-
ferð í tilefni af alþjóðlegu loftslags-
ráðstefnunni sem haldin verður í
Kaupmannahöfn í desember. Áætl-
að er að með þessari aðferð sé nátt-
úrunni hlíft við níu tonnum af
koltvísýringi, sem jafngildir út-
blæstri bíls sem notar nær 4.000
lítra af bensíni, að því er fram kem-
ur á fréttavef Berlingske Tidende.
„Það er frábært
að nota þessa
jólahefð í Kaup-
mannahöfn til að
vekja athygli á
loftslagsvanda-
málinu,“ sagði
Pia Allerslev,
menningarborg-
arstjóri Kaup-
mannahafnar.
„Jafnframt hefur
Kaupmannahöfn verið þekkt fyrir
að vera borg reiðhjólanna og sú
ímynd styrkist þegar myndir af
borgarbúum tendra jólaljósin með
hjólunum verða sýndar um allan
heim.“ Fólki gefst kostur á að stíga
á hjólin frá klukkan 16-20 á virkum
dögum og 10-17 um helgar frá 29.
nóvember.
Reiðhjól notuð til að
tendra ljósin á jólatrénu
Jólatré á
Ráðhústorginu.
KANADÍSK kona, sem hefur verið
frá vinnu vegna þunglyndis, segist
hafa misst sjúkratryggingabætur
frá tryggingafélagi vegna mynda
sem hún birti á samskiptavefnum
Facebook á netinu.
Konan kveðst hafa haft samband
við tryggingafélagið þegar hún
missti bæturnar og henni hafi verið
sagt að hún teljist ekki lengur
óvinnufær. Starfsmaður félagsins
hafi lýst myndum á Facebook þar
sem hún hafi sést skemmta sér á
krá og spóka sig á sólarströnd. Hún
segist hafa skemmt sér og farið í
stuttar sólarlandaferðir að lækn-
isráði til að gleyma vandamálum
sínum.
Missti bætur
vegna mynda
RÚSSNESKI dýraþjálfarinn Tatíana Fílatova situr hér
á rana indversks fíls sem sýndi fimi sína á sýningu rúss-
nesks fjölleikaflokks sem haldin var í Krasnojarsk,
þriðju stærstu borg Síberíu, í gær.
FÍLL LEIKUR LISTIR SÍNAR
Reuters
NÝJAR reglur, sem breska stjórnin
setti til að vernda skoskt viskí gegn
erlendum eftirlíkingum, taka gildi í
Skotlandi í dag. Þær kveða m.a. á
um að aðeins megi framleiða „ein-
möltung“ („single malt“) í Skot-
landi og reglur um notkun nafna á
viskíbrennslum og merkimiða eru
hertar. Samtök skoskra viskífram-
leiðenda segja reglurnar marka
„tímamót“. „Þær þýða einnig að
viðskiptavinir úti um allan heim fá
fullnægjandi vitneskju um hvar og
hvernig drykkirnir eru fram-
leiddir,“ sagði Jim Murphy, ráð-
herra Skotlandsmála í bresku ríkis-
stjórninni.
Skoskt viskí
verndað