Morgunblaðið - 25.01.2010, Side 8

8 FréttirINNLENT
MORGUNBLAÐIÐ MÁNUDAGUR 25. JANÚAR 2010
FRÉTTASKÝRING
Eftir Ágúst Inga Jónsson
aij@mbl.is
EKKI tæki langan tíma að ganga frá
útboðsgögnum vegna vegafram-
kvæmda á Suðurlands- og Vestur-
landsvegi fáist fjárveiting til þessara
framkvæmda. Alls er áætlað að kostn-
aður við þessar framkvæmdir gæti
verið um 1,9 milljarðar og gangi fjár-
mögnun eftir á næstu dögum ætti að
vera hægt að ganga frá samningum
við verktaka um báðar framkvæmd-
irnar í maí.
G. Pétur Matthíasson, upplýsinga-
fulltrúi Vegagerðarinnar, segir hugs-
anlegt að bjóða út framkvæmdir á
Vesturlandsvegi um miðjan marz, en
auk þess að ganga frá útboðsgögnum
þarf að ganga frá samstarfssamningi
við Mosfellsbæ um framkvæmdina.
Kostnaður við þessar vegafram-
kvæmdir er áætlaður um 500 milljónir
króna, en þær tölur verða endurskoð-
aðar á næstunni. Umrædd tvöföldun á
Vesturlandsvegi nær frá Hafravatns-
vegi að Þingvallavegi.
Kostnaður við framkvæmdir á Suð-
urlandsvegi er áætlaður 1,4 milljarðar
króna. Eftir tvær vikur verður hægt
að bjóða verkefnið út, en þær fram-
kvæmdir þarf að bjóða út á Evrópska
efnahagssvæðinu og ferlið tekur
lengri tíma en útboð innanlands. Þar
er um að ræða fyrsta áfanga í breikk-
un Suðurlandsvegar, frá Fossvöllum í
Lögbergsbrekku, ofan við Lækjar-
botna, og upp í Draugahlíðarbrekku
austan við Litlu kaffistofuna.
Verktakar sem rætt var við í gær
lýstu áhyggjum af því hversu lítið
væri í pípunum og hversu hægt gengi
að koma verkefnum af stað. „Ef við
horfum á Vegagerðina þá er sam-
drátturinn hjá verktökum 70-80%
miðað 2008 ,“ sagði Elías Pétursson
hjá Jarðmótun ehf. Hann og Halldór
Ingólfsson hjá Glaumi ehf. hafa tekið
saman upplýsingar um hversu margir
starfsmenn eru um þessar mundir við
vinnu að vegagerð.
Samkvæmt þeirra niðurstöðum eru
nú um 260 manns við slík störf, en Elí-
as segir að inni í því séu ekki aðeins
hefðbundnar vegaframkvæmdir, og
nefnir í því sambandi vinnu við Land-
eyjahöfn og frágang í Óshlíðar- og
Héðinsfjarðargöngum. Því væri nær
að miða við 103 starfsmenn í þessum
útreikningi, sem er miklu minna en
undanfarin ár.
Starfsstéttir að lognast út af
„Sumar starfsstéttir eru nánast að
lognast út af,“ segir Elías. „Engar ný-
byggingar eru að fara af stað, umsvif
sveitarfélaga dragast harkalega sam-
an, ríkið dregur lappirnar og orkufyr-
irtæki hafa boðað framkvæmdastopp.
Það er nánast sama hvert litið er, allt
er að stöðvast.“ Hann segir að í sjálfu
sér séu fyrirhuguð verkefni á Vest-
urlands- og Suðurlandsvegi allra
góðra gjalda verð, en þeim hafi oft
verið lofað áður og frestað jafnoft.
Auk þess sé einungis um tvö verk að
ræða sem tveir stórir verktakar taki
að sér.
„Við höfum barist fyrir því að mörg
lítil verk verði boðin út,“ segir Elías.
„Það er nánast ekkert að gera fyrir
minni og millistór fyrirtæki í jarð-
vinnu. Nýlega var verk á vegum Orku-
veitunnar boðið út í Borgarfirði og þar
voru boðnar 30% lægri upphæðir en
árið 2006 þrátt fyrir margfalt aukinn
tilkostnað og verkið fór á 50% af
kostnaðaráætlun. Neyðin er þvílík að
menn bjóða langt undir kostn-
aðarverði í það litla sem boðið er út.“
Jarðmótun ehf. var mest með 10-12
starfsmenn í vinnu auk undirverktaka
yfir hávertíðina. „Núna er ég með
einn starfsmann og svona er þetta hjá
öllum þessum litlu fyrirtækjum. Því
miður gengur seint og illa að koma
þessum hjólum aftur af stað,“ segir
Elías.
Verkefnaskortur og seinagangur
 Hægt væri að ganga frá samningum við verktaka um breikkun á Suður- og Vesturlandsvegi í maí
 „Neyðin er þvílík að menn bjóða langt undir kostnaðarverði í það litla sem boðið er út,“ segir verktaki
Samdráttur Verktakarnir Elías Pétursson og Halldór Ingólfsson hafa gert lauslega könnun á því hversu margir
starfsmenn eru að störfum við framkvæmdir í vegagerð. Mörg þessara verkefna eru langt komin.
Verkefni sem hafa verið boðin út og eru í framkvæmd 2010
Lyngdalsheiði
18 menn
Lyngdalsheiðarvegur (365)
Þingvallavegur - Laugavatns-
vegur
Verklok 2010
Suðurstrandarvegur
0 menn
Suðurstrandarvegur (427)
Krýsuvíkurvegur - Þorláks-
hafnarvegur
Verklok 2011
Langholtsvegur
0 menn
Langholtsvegur (316)
Hringvegur - Ármótasel
Verklok 2010
Landeyjahöfn
10 menn vinna við vega-
gerð • 20 menn vinna að
hafnargerð
Landeyjahöfn
Hafnar- og vegagerð
Verklok 01.07.2010
Bræðratunguvegur
20 menn vinna við vega-
gerð • 20 menn vinna að
brúarsmíði
Bræðratunguvegur (539)
Flúðir - Tungufljót
Verklok 2011
Hella
4 menn
Hringvegur (1)
Um Hellu, 2. áfangi
Verklok 2010
Rangárvellir
0 menn
Rangárvallavegur (264)
Hringvegur - Akurbrekka
Verklok 2010
Valtýskambur
0 menn
Hringvegur (1)
Valtýskambur - Sandbrekka
Verklok 2010
Litla Sandfell
0 menn
Hringvegur (1)
Litla Sandfell - Haugaá
Verklok 2011
Hólmaháls
0 menn
Norðfjarðarvegur (92)
Um Hólmaháls
Verki nánast lokið
Bunguflói
20 menn
Norðausturvegur (85)
Bunguflói - Vopnafjörður
Verklok 2012
Raufarhöfn
10 menn
Raufarhafnarvegur (874)
Hófaskarðsleið - Flugvöllur
Verklok 2010
Hófaskarð
0 menn
Norðausturvegur (85)
Hófaskarðsleið
Verklok 2010
Dettifoss
0 menn
Dettifossvegur (862)
Hringvegur - Dettifoss
Verklok 01.10.2010
Héðinsfjarðargöng
50 menn vinna að
frágangi ganga
Héðinsfjarðargöng
Verklok 2010
Bolungarvíkurgöng
30 menn vinna að
frágangi ganga
Djúpivogur (61)
Bolungarvíkurgöng
Verklok 2010
Þverá
0 menn
Vestfjarðavegur (60)
Þverá - Þingmannagata
Verklok 2010
Arnkötludalur
0 menn
Djúpvegur (61)
UmArnkötludal, Þröskulda
og Gautsdal
Verklok 2010
Laxárdalsvegur
0 menn
Laxárdalsvegur (59)
Höskuldsstaðir -
Leiðólfsstaðir
Verklok 2010
1
2
3
4
5
6
7
8
9
10
11
12
13
14
15
16
17
18
19
1
2
3
4
5
6
7
8
9
10
11
13 12
14
15
16
17 18
19
Lítið hefur verið í gangi á verk-
takamarkaði undanfarna mánuði.
Erfiðleikar margra aukast með
hverjum deginum. Vegafram-
kvæmdir á höfuðborgarsvæðinu
gætu þó verið á næsta leiti.
„Það er ekkert að gerast, ég sé ekki að það sé kom-
ið grænt ljós á nokkra framkvæmd,“ sagði Kolbeinn
Kolbeinsson, framkvæmdastjóri Ístaks í gær, en Ís-
tak hefur í fjölda ára verið meðal umsvifamestu
verktaka landsins.
„Það er búið að tala aftur og aftur um þessa
sömu spotta og nú ég vil ekki gera lítið úr fram-
kvæmdum upp á hundruð milljóna, en ef þú skoðar
heildina þá er ekki mikið í kortunum.“
Ístak er nú með samtals um 360 manns á launa-
skrá, en þegar mest var störfuðu um eitt þúsund
manns hjá fyrirtækinu. Kolbeinn sagðist áætla að
um helmingur starfsmanna fyrirtækisins væri í
vinnu hér á landi, en hinn hlutinn á Grænlandi, í
Noregi og vegna verkefna sem hefjast í marzmánuði
á Jamaíka.
„Við erum með allar klær úti til að fá verkefni, en
því miður hefur nánast ekkert verið að hafa hér
heima,“ segir Kolbeinn. „Við höfum nýtt tæki okkar
og vinnubúðir á Grænlandi og í Noregi og hluta af
tækjum og búnaði hefur okkur tekist að selja. Það
er kreppa víðar en á Íslandi þótt þar sé ekki stöðn-
un eins og hér á landi.
Okkur hefur tekist að halda í kjarna starfsmanna
og tekist bærilega að halda verkefnum fyrir stjórn-
endur og tæknimenn með þessum erlendu verk-
efnum. Fyrir tímakaupsmenn fyrirtækisins hefur
þetta því miður verið miklu þyngra.“
Framkvæmdir á Jamaíka byrja í marz. Tíu manns
vinna að undirbúningi, en 30-40 starfsmenn verða
sendir til Jamaíka þegar vinna hefst þar. Ekki fæst
atvinnuleyfi fyrir aðra en sérfræðinga og stjórn-
endur og verða heimamenn því stærstur hluti
starfsmanna.
Starfsmönnum Ístaks hefur fækkað úr þúsund í 360
UNNIÐ er að
því á vegum
Vegagerðar-
innar að kort-
leggja hvar
brýnast er að
koma upp
vegriðum á milli akbrauta á fjöl-
förnum leiðum á höfuðborgarsvæð-
inu. Nefna má Hafnarfjarðarveg,
veginn frá Reykjavík í Mosfellsbæ,
Reykjanesbrautina milli Reykjavík-
ur og Hafnarfjarðar og Ártúns-
brekku og Miklubraut að Grens-
ásvegi. Spurð hvort byrjað verði á
því að setja upp vegrið á Hafnar-
fjarðavegi þar sem þrír menn biðu
bana í umferðarslysi rétt fyrir jól
segir Auður Þóra Árnadóttir, for-
stöðumaður umferðadeildar, að
ekki liggi endanlega fyrir hvar
byrjað verði. Svæðið verði skoðað í
heild og síðan forgangsraðað. Í
fyrra var byrjað á að setja vegrið á
milli akbrauta á umferðarmesta
hluta Hafnarfjarðarvegar, þ.e. að
Kópavogslæk, og í ár verður verk-
inu haldið þar áfram til suðurs.
„Það eru líkur á að meira fjár-
magn verði sett í uppsetningu veg-
riða en áður og að hægt verði að
vinna hraðar að þessu heldur en
hægt hefur verið hingað til,“ segir
Auður. „Vegrið eru komin á hluta
þessara vega, en síðan eru mjög
umferðarþungir vegir, þar sem
hraði er mikill, enn án vegriða á
milli akbrauta. Við skoðum svæðið í
heild og reynum að finna út hvað
brýnast er að gera.“ aij@mbl.is
Líkur á auknu
fjármagni í vegrið
Glæsibæ | Álfheimum 74 | 104 Reykjav ík | Þ jónusta á landsbyggðinni | s ími : 568 6880 | www.heyrnartækni . i s
Eitt af fjölmörgum merkjum þess að heyrn þín sé farin að versna er að þú stillir sjónvarpið hærra en aðrir telja eðlilegt. Þá getur verið
tímabært að láta mæla heyrnina og fá úr því skorið hvort heyrnin sé farin að dala.
Heyrnartækni býður upp á nútímalegar lausnir við heyrnarskerðingu frá heyrnartækjaframleiðandanum Oticon. Heyrnartækin eru lítil
og nett en hlaðin fullkomnasta tæknibúnaði sem völ er á. Auðvelt er að flytja hljóð úr sjónvarpi - þráðlaust - yfir í heyrnartækin þannig að
sjónvarpshlustun verður ánægjuleg og þægileg á ný.
Heyrir þú verr en aðrir ífjölskyldunni?
Pantaðu tíma í heyrnarmælingu í síma 568 6880
og kynntu þér nútímalegar lausnir við heyrnarskerðingu