Morgunblaðið - 18.02.2010, Blaðsíða 17

Daglegt líf 17ÚR BÆJARLÍFINU
MORGUNBLAÐIÐ FIMMTUDAGUR 18. FEBRÚAR 2010
Geir Kristinn Aðalsteinsson, 35 ára
rekstrarstjóri hjá Vodafone, verður í
efsta sæti L-lista fólksins fyrir bæj-
arstjórnarkosningarnar í vor.
  
Oddur Helgi Halldórsson, 50 ára
blikksmiður og bæjarfulltrúi, sem
stofnaði L-listann og er nú að ljúka
þriðja kjörtímabilinu sem leiðtogi
hans, verður hins vegar í þriðja sæt-
inu. Oddur var bæjarfulltrúi fyrir
Framsóknarflokkinn í fjögur ár áður
en L-listinn varð til.
  
Halla Björk Reynisdóttir flug-
umferðarstjóri verður í öðru sæti L-
listans en var í fimmta sæti við síð-
ustu kosningar. Tryggvi Gunn-
arsson sölumaður verður fjórði og
Hlín Bolladóttir kennari í fimmta
sæti.
  
Stutt og mjög óvísindaleg könnun
leiddi það í ljós í gær að nokkur tonn
af sælgæti skipta um hendur á Ak-
ureyri á öskudaginn. Ein dætra
minna kom nefnilega heim með fjög-
ur kíló.
  
Töluvert líf og fjör var hér í höfuð-
stað Norðurlands í gær sem endra-
nær á öskudegi. Krakkarnir tóku
daginn snemma, fóru fyrst á verk-
stæði og framleiðslufyrirtæki en
héldu svo í helstu verslunargötur.
Söngurinn ómaði hvarvetna, börnin
brostu út að eyrum og sömu sögu er
að segja af mörgum, ekki alveg öll-
um, sem á hlýddu …
Vert er að vekja athygli á skemmti-
legri örsýningu á Minjasafninu hér í
bæ sem er hluti af fjölskyldusýningu
safnsins Allir krakkar, allir krakkar
– líf og leikir barna. Á sýningunni
gefur að líta heimagerða öskudags-
búninga sem ýmist hafa verið lán-
aðir á sýninguna eða eru úr fórum
safnsins. Þarna má sjá öskupoka frá
því snemma á síðustu öld, tunnu-
kóngsmerki og ýmsa gripi sem not-
aðir voru í öskudagsliðunum.
  
Ýmsir atburðir verða á dagskrá
Vetraríþróttahátíðar ÍSÍ á Akureyri
um næstu helgi. Snjóhlaup UFA má
nefna, sem og opna Bautamótið í
tölti, en hvort tveggja er á laugar-
daginn. Þá verður líka boðið upp á
dagskrá á Hömrum í tengslum við
hátíðina. Þar verður t.d. liðakeppni í
gerð snjómynda, ætluð fjölskyldum.
Á laugardaginn verður líka keppt í
ískrossi á Leirutjörn og skíðagöngu-
námskeið verður í Hlíðarfjalli.
  
Ekki er ástæða til annars en gleðjast
yfir þeirri ákvörðun forráðamanna
Leikfélags Akureyrar að fresta sýn-
ingum á söngleiknum Rocky Horror
þar til í september. Bæði er að um er
að „kenna“ velgengni 39 þrepa á fjöl-
um Samkomuhússins og svo verður
söngleikurinn örugglega miklu flott-
ari í Hofi!
  
Hljómsveitin AM/PM treður upp á
Græna hattinum í kvöld en hún leik-
ur tónlist eftir gítarsnillinginn Pat
Metheny.
  
Ein athyglisverðasta hljómsveit
landsins, Hjaltalín, verður svo með
tónleika á Græna hattinum annað
kvöld og á laugardagskvöld. Þar
kynnir sveitin m.a. plötuna Terminal
sem hún sendi frá sér í fyrra.
AKUREYRI
Skapti Hallgrímsson
Morgunblaðið/Skapti Hallgrímsson
Jól á öskudegi Margir krakkarnir voru í flottum búningum; þessi þrefaldi
jólapakki var einn sá óvenjulegasti sem blaðamaður rakst á í gær.
Eftir Sigurð Sigmundsson
Biskupstungur | Leikdeild Ung-
mennafélags Biskupstungna sýnir
í Aratungu um þessar mundir
leikritið Undir Hamrinum eftir
Hildi Þórðardóttur. Leikendur
eru átta en alls koma 22 að verk-
inu að meðtöldum leikstjóranum,
Gunnari Birni Guðmundssyni.
Leikritið gerist í sveit fyrir margt
löngu, á prestssetri og kotinu Út-
nára. Búningar, sem eru allsér-
stæðir, bera þess enda merki. Það
gengur á ýmsu, bæði vegna mis-
skilnings, ágirndar og ástamála.
Sett hafa verið upp 26 leikrit í
Biskupstungum síðan Aratunga
var tekin í notkun árið 1961.
Sýningar eru á miðvikudags-,
föstudags- og laugardags-
kvöldum.
Morgunblaðið/Sigurður Sigmundsson
Leikarar Runólfur Einarsson, Hjalti Gunnarsson og Elín Erlingssen.
Undir Hamrinum