Morgunblaðið - 19.03.2010, Page 8
8 | MORGUNBLAÐIÐ
Ráðgjöf fyrir giftingu er til þess að undirbúa jarðveginn
sem best og aðstoða fólk við að mynda sterkt og náið
samband sem hefur þann tilgang að fólk geti ráðið betur
við hugsanlega erfiðleika og streitu seinna meir. Rann-
sóknir benda til þess að ein skýring á hárri skilnaðartíðni
sé að í hraða nútímans setji fólk á sjálfstýringu eftir að
Erfiðleikar Rannsóknir benda til þess að ein skýring á hárri skilnaðartíðni
sé að í hraða nútímans setji fólk á sjálfstýringu eftir að það hefur hist.
Á sjálfstýringu
það hefur hist, orðið ástfangið og hafið samband. Hvers-
dagsleikinn, atvinnuframi, barneignir, húsnæðiskaup og
fleira fer í forgang og kemur í veg fyrir að tími finnist í
það að vinna í sambandinu. Það þarf að gera á meðvit-
aðan hátt frá upphafi sambands þar sem það tekur tíma
fyrir afleiðingar afskiptaleysis að koma í ljós.
B
rúðkaupsdagurinn er stór
dagur í lífi flestra og sum-
ir eyða jafnvel nokkrum
árum í að skipuleggja
hann. Færri skipuleggja
það sem á eftir kemur eða hjóna-
bandið sjálft. Þórdís Rúnarsdóttir er
klínískur sálfræðingur sem býður
meðal annars upp á ráðgjöf fyrir
giftingu. Hún viðurkennir að stund-
um geti verið að fólk taki hjónaband-
ið ekki nægilega alvarlega og átti sig
ekki alveg á hvað það er að fara út í.
„Fólk er að búa sér til líf með ann-
arri manneskju og það þýðir ekki að
allt sé búið þegar brúðkaupsveislan
er búin. Það fer oft svo mikið fútt í að
skipuleggja hana og það er oft sem
fólk sé að leita að einhverri skyndi-
ánægju en horfi ekki nógu mikið inn
á við.“
Ráðgjöf fyrir giftingu
Þórdís segir töluvert um að fólk
komi í ráðgjöf fyrir giftingu en oft sé
það fólk sem hefur verið gift áður og
er að gifta sig í annað sinn. „Það er
eins og fólk viti meira hvað það er
sem getur farið úrskeiðis og að þetta
sé ekki alltaf eins og í bíómyndunum.
Segja má að fólk sé meira með aug-
un opin. Það vill vera búið að vinna
úr einhverju sem það sér strax og
þótt það sé ekkert alvarlegt sem hef-
ur komið upp á þá er eins og það viti
að það er eitthvað sem þarf að vinna
á strax. Þegar fólk kemur í ráðgjöf
fyrir giftingu byrja ég á að spyrja
þau hvort það sé eitthvað ákveðið
sem þau vilja tala um. Oft er talað
um að viðkomandi detti stundum í
rifrildi og þá greini ég hvernig rifr-
ildið er en það er talað um að til séu
þrír flokkar rifrilda.“
Samskiptavítahringur
Þórdís tekur líka á móti fólki í
hjónabandsráðgjöf og segir brjálað
að gera á þeim vettvangi. Svo mikið
að hún geti ekki tekið á móti öllum
sem leita til hennar. „Það er svo mik-
ið af fólki sem er að leita að hjóna-
bandsráðgjöf og þá ekkert endilega
fólk sem er gift heldur búið að vera í
sambandi lengi og eiga börn saman.
Margir glíma við vanda sem snýst
um eitthvað sem hefði verið hægt að
koma í veg fyrir ef fólk hefði hugsað
meira um það. Það er oft komin mikil
fjarlægð af því að hversdagslífið hef-
ur fengið að taka yfir og þá er kom-
inn upp samskiptavítahringur þann-
ig að fólk er komið á bak við
einhvern varnarmúr. Fólk er þá al-
mennt hætt að hlusta á makann og
allt snýst um að benda á hinn aðilann
og verja sig. Það er eins og fólk
hlusti ekki og þegar ég kenni því að
tala saman þá kemur í ljós að svona
90% af því sem var verið að rífast um
er oft bara misskilningur. Fólk
kemst ekkert að því vegna þess að
það er fast í skotum hvort á annað og
nær því ekki að tala saman.“
Að leita sér hjálpar
Aðspurð segir Þórdís að almennt
séu Íslendingar ekki nógu duglegir
að leita sér hjálpar hjá sálfræð-
ingum. „Ég hef verið lengi í Banda-
ríkjunum og þar er eins og það sé
meira leyfilegt að leita sér hjálpar.
Áður en ég kom heim var ég búin að
heyra að yngri kynslóðin hér heima
væri viljugri til að leita sér hjálpar
en þeir sem eldri eru og það er rétt.
Það eru greinileg kynslóðaskipti
þarna en samt finnst mér enn eima
eftir af þeirri hugsun að það sé eitt-
hvað mjög mikið að ef þú hringir í
sálfræðing. Mér finnst það sorglegt,
sérstaklega þegar um er að ræða
fólk sem þarf að leita aðstoðar vegna
barna sinna en gerir það ekki vegna
þess að því finnst það svo mikill
stimpill á hvernig það hefur staðið
sig í foreldrahlutverkinu þegar það
snýst ekkert endilega um það.“
Hætt að vera vinir
Þórdís segir að flestir leiti sér að-
stoðar þegar vandinn í hjónabandinu
er orðinn mjög alvarlegur utan þess-
ir einstaklingar sem koma í ráðgjöf
fyrir giftingu. „Aðrir koma oft mjög
seint sem getur verið flókið því það
er oft þannig að það þarf tíma til að
laga málin. Algengast er að það sé
kominn upp þessi samskiptavíta-
hringur sem er oft byggður á svo
miklum misskilningi. Í huganum er
fólk farið að ákveða hvað hinn sé í
raun að meina og hugsa. Auk þess er
fólk hætt að vera teymi og hætt að
vera vinir. Það er hætt að vernda
hvort annað í lífinu, snúa bökum
saman og takast á við allt saman.
Það er líka algengt að fólk sé farið að
rífast mikið um eitthvað sem hægt er
að skipuleggja og oft þegar ég hjálpa
fólki að skipuleggja daglegt líf er
eins og stór hluti af ágreiningsefninu
detti niður. Til að mynda eins og
hver eigi að þrífa og hvenær, hver
eigi að elda og hvenær og svo fram-
vegis. Oft er það orðið að svo miklu
máli og þegar það fær að grassera þá
fer það að eitra út frá sér. Í gegnum
hjónabandsráðgjöf fær fólk oft
ferskt sjónarhorn og það fær oft
aðra sýn hvort á annað. Ef leiðindin
fá að grassera lengi er fólk hætt að
sjá makann fyrir það sem hann er,
þessi manneskja sem viðkomandi
ákvað að giftast og eyða ævinni með.
Þá er komin svo mikil neikvæðni en
oft finnur fólk nándina aftur í gegn-
um ráðgjöf. Oft þurfum við að eyða
tíma í að tala um nándina.“
svanhvit@mbl.is
Fólk hættir að hlusta á
makann og missir nándina
Morgunblaðið/Golli
Þórdís Rúnarsdóttir: „Það er ekki allt búið þegar veislan er búin. Það fer oft svo mikið fútt í að skipuleggja
veisluna og það er oft sem fólk sé að leita að einhverri skyndiánægju en horfi ekki nógu mikið inn á við.“
Þegar fólk leitar í hjóna-
bandsráðgjöf hjá Þórdísi
Rúnarsdóttur, klínískum
sálfræðingi, er algengt
að fólk sé komið í sam-
skiptavítahring þar sem
það hefur byggt upp
varnarvegg og er hætt
að hlusta á makann.
Fjarlægðin er mikil og
fólk er jafnvel hætt að
tala saman án þess að
skjóta hvort á annað.
Í gegnum hjónabands-
ráðgjöf fær fólk oft ferskt
sjónarhorn og það fær
oft aðra sýn hvort á ann-
að. Ef leiðindin fá að
grassera lengi er fólk
hætt að sjá makann fyrir
það sem hann er.
Sátt Það þarf að vinna í samband-
inu til að öðlast hamingju.