Morgunblaðið - 19.03.2010, Blaðsíða 32

32 | MORGUNBLAÐIÐ
Ragnhildur Sigurðardóttir og Smári Grétar Sveinsson gengu í hjónaband í
Las Vegas 19. maí 2005. Það var ekki skipulagt brúðkaup heldur voru þau
á ferðalagi í borginni þegar þessi ákvörðun var tekin. Brúðarandi er mikill í
Las Vegas og þar hafa margir gift sig eða endurnýjað hjúskaparheitið.
R
agnhildur og Smári voru búin að vera
í sambúð frá árinu 1987 og höfðu ekki
skipulagt neina giftingu. Þau voru á
vörusýningu í Las Vegas og heill-
uðust af borginni. Ragnhildur og
Smári eiga þrjú börn sem fædd eru árin 1993,
1994 og 1999. Auk þess átti Smári son áður sem
fæddist árið 1983.
„Við bjuggum á fínu hóteli og vorum á leið nið-
ur í lyftunni þegar Smári lagðist á hnén og bað
mín. Þá varð ekki aftur snúið,“ segir Ragnhildur
og bætir því við að þau hafi bara verið tvö ein í
lyftunni.
„Við vorum ekkert að bíða með þetta heldur
fórum rakleiðis að kanna þá staði þar sem fólk
gat gift sig en þeir eru fjölmargir í Vegas og
sumir opnir allan sólarhringinn. Það þarf að
sækja um og síðan skellir maður sér í þá kapellu
sem manni líst best á. Við leigðum blómvönd og
svo vorum við bara í Las Vegas-bolum. Hann í
svörtum og ég í hvítum. Þetta var því óhefð-
bundið brúðkaup. Engin förðun, greiðsla eða
brúðarkjóll. Við vorum auk þess bara tvö ein í
heiminum og enginn hérna heima vissi af þessu.“
Elvis var ekki með
Þetta hefur ekki verið Elvis-gifting eins og
vinsæl er í Vegas?
„Nei, við spáðum í það en ákváðum að hafa
ekki Elvis með í þetta skiptið. Þetta var hefð-
bundið brúðkaup, við vorum með trúlofunar-
hringa sem við tókum niður og settum upp aft-
ur. Tónlist var spiluð þegar ég gekk inn og allt
eins og best verður á kosið. Fyrirtækið sem gifti
okkur sá um að ljósmynda allt saman, bæði ljós-
myndir og vídeó. Þegar við komum heim buðum
við fólki upp á myndasýningu en það vissi ekk-
ert hverju það ætti von á. Þetta var mjög
skemmtileg upplifun og gaman að minnast
þessa dags.“
Saknaðir þú ekkert fjölskyldunnar?
„Þar sem við höfðum búið lengi saman hefð-
um við aldrei farið út í stórt brúðkaup hér
heima. En það var mjög skemmtilegt að sýna
fjölskyldunni myndirnar af hinu leynda brúð-
kaupi. Svo var fólk að koma til okkar með brúð-
argjafir eftir að það frétti af þessu.“
Ragnhildur segir að þau hafi síðan farið flott
út að borða og átt ánægjulegt kvöld í Vegas, ný-
gift og rómantísk. Þau eru með löglega pappíra
um giftinguna sem eru viðurkenndir hér á landi.
Svo virðist sem það sé nokkuð algengt að Ís-
lendingar gifti sig í Vegas eða endurnýi hjú-
skaparheitið.
Nú eiga þau Ragnhildur og Smári fimm ára
brúðkaupsafmæli í maí sem heitir þá trébrúð-
kaup. Þau eru aftur á leiðinni til Vegas og ætla
að vera þar á brúðkaupsdaginn 19. maí. „Við
hétum okkur því að fara til Vegas á fimm ára
fresti til að endurnýja heitið og það ætlum við að
standa við. Kannski verður það Elvis í þetta
skiptið,“ segir Ragnhildur sem mælir með því
að hjón fari til Vegas, endurnýi heitið og komi
lífi í hjónabandið, eins og hún orðar það.
elal@simnet.is
Fékk bónorðið í lyftu
Ragnhildur og Smári eiga
fimm ára brúðkaupsafmæli
í maí sem heitir þá trébrúð-
kaup. Þau eru aftur á leið-
inni til Vegas og ætla að
vera þar á brúðkaupsdaginn
.
Rómantík Smári fór á hnén í lyftu í Las Vegas og bað Ragnhildar en þar voru þau ein.
E
lla Jóna Traustadóttir
hefur saumað brúðarslör
og hringapúða frá árinu
2001. Margar gerðir af
brúðarslörum eru í boði
og hægt að velja um ýmsar síddir
og liti. Hringapúðarnir eru einnig
til í ýmsum tegundum en hægt er
að láta sérsauma nafn brúð-
hjónanna og brúðkaupsdaginn í
púðann.
Efnið pantað frá
Bandaríkjunum
„Frá því að ég var unglingur
hef ég alltaf saumað mikið og er
eins og maður segir kjólakerling
sem finnst mjög gaman að sauma
fína kjóla. Síðan datt mér í hug í
einhverju bríeríi að panta efni í
slör þar sem þau voru ekki saum-
uð hérlendis og fór með nokkur
til Reykjavíkur. Þetta var árið
2001 en þá datt ég niður á versl-
un í Chicago í gegnum internetið.
Þar eru seld fín efni sem allir
helstu hönnuðir í Bandaríkjunum
kaupa og síðan hef ég pantað efni
þaðan, bæði í slörin og hringa-
púðana. Við erum svo glysgjarnir
Íslendingar að ég valdi efni sem
glansar aðeins meira en þessi
venjuleg slör og það er þessi
glans sem hefur einmitt fleygt
þeim dálítið áfram. Það fer ekki
öllum konum að vera með slör en
þau eru falleg og skemmtileg við-
bót fyrir þær sem þau kjósa,“
segir Ella Jóna.
Spænsk slör vinsælust
Í upphafi hannaði Ella Jóna
sniðin eftir forskriftum en hefur
síðan smám saman lagað þau að
því sem henni finnst koma best
út. Hún segir saumaskapinn vera
staðlaða vinnu þar sem þurfi að
sníða og mæla en aðalvinnan sé
að sauma kantinn á.
Á Mantilla-slörunum er blúndu-
kantur en einnig er hægt að láta
sauma perlur eða kristalla í kant-
inn. Mantilla-slör hafa verið vin-
sælust en þau eru órykkt hring-
laga slör, oftast með blúndukanti
og rekja má uppruna þeirra til
Spánar eða spænskumælandi
landa. Til að gefa Mantilla meiri
lyftingu er hægt að rykkja það
aðeins í miðju og svipar því þá til
venjulegu tvöföldu slöranna en er
síðara í köntunum. Síðasta sumar
saumaði Ella Jóna nær eingöngu
slík slör sem hún segir hafa kom-
ið sér nokkuð á óvart þar sem
þau séu dálítið dýrari en önnur
en vinsældirnar helgist kannski
Fallegt skraut Mörgum konum finnst tilheyra að bera hvítt slör í kirkj-
unni á meðan athöfnin fer fram en vilja síðan fjarlægja það í veislunni.
Falleg viðbót
við kjólinn
Margar konur kjósa að bera brúðarslör á brúðkaupsdag-
inn. Ella Jóna Traustadóttir saumar slör eftir persónu-
legum óskum en svokallað Mantilla-slör að spænskri
fyrirmynd hefur verið einna vinsælast.
Mantilla-slör hafa verið
vinsælust en þau eru
órykkt hringlaga slör, oft-
ast með blúndukanti og
rekja má uppruna þeirra
til Spánar eða spænsku-
mælandi landa.
nokkuð af því að þau hafi ekki áð-
ur fengist hér á Íslandi.
Verið er að auka við úrvalið af
sérmerktum hringapúðum. Þeir
eru pantaðir í gegnum brúðar-
kjólaleigurnar eða beint af síð-
unni. Móðir hennar saumar þá. Í
þá eru til dæmis nöfn hjóna-
efnanna saumuð, brúðkaups-
dagurinn og svo oft lítil hjörtu
eða skraut með. Það fer dálítið
eftir kjólnum og þemanu ef eitt-
hvað er og fer litur útsaumsins
eftir því.
Saumað fyrir sveitungana
„Það skemmtilegasta við
saumaskapinn er þegar ég þarf
að leggja mig fram við að mæta
þörfum hvers og eins. Síðan var
auðvitað skemmtilegt að fá að
sauma slör fyrir Hrafnhildi, kon-
una hans Bubba. og gaman að
rekast á eitt og eitt slör í slúður-
blöðunum. Annars er alltaf sér-
staklega skemmtilegt að sauma
fyrir sveitungana sem fá afslátt
hjá mér. Stundum hef ég fengið
fyrirspurnir með litlum fyrirvara
en reyni þá að bjarga slíku. Þó er
alltaf best að hafa tímann fyrir
sér,“ segir Ella Jóna.
maria@mbl.is
Afrakstur Ella Jóna með listilega
saumað brúðarslör úr eigin smiðju.