Morgunblaðið - 19.03.2010, Blaðsíða 43

Þótt úrvalið af brúðarkjólum sé mikið
hér á landi eru alltaf einhverjar brúðir
sem kjósa frekar að panta sér drauma-
kjólinn að utan. Ef pantað er á netinu
er mikilvægt að velja örugga síðu og
jafnvel leita ráða á spjallrásum eða
meðal kunningja og vina um hvaða
síðu sé best, þægilegast og öruggast
að nota.
Mátað og skoðað
Mikilvægt er að skoða vel það sem til
er og jafnvel máta nokkra kjóla hér
heima til að sjá hvaða snið fari best.
Fáðu aðstoð við að mæla þig nákvæm-
lega og hafðu saumakonu við höndina
ef ske kynni að einhverjar breytingar
þyrfti að gera á kjólnum. Þá er rétt að
kanna vandlega hvers lags skilmálar
fylgja kaupunum eins og hvort mögu-
leiki sé að skila kjólnum reynist hann
gallaður eða alls ekki eftir lýsingunni
að dæma.
Ganga á milli
Eftir brúðkaupsdaginn fara flestir
brúðarkjólar aftur á kjólaleiguna eða
inn í skáp hjá þeim sem hafa fjárfest í
slíkum. Fyrir þær sem vilja kaupa sér
kjóla eftir ákveðna hönnuði án þess að
eyða of miklu er sniðugt að kaupa kjól-
inn notaðan. Meðal vefsíðna sem selja
slíka kjóla má nefna http://
www.preownedweddingdresses.com en
þar má meðal annars finna brúðarkjóla
eftir Veru Wang og fleiri þekkta hönn-
uði. Á vefsíðunni er hægt að skrá sig á
óskalista sé leitað að ákveðinni stærð,
stíl eða hönnuði og berst tölvupóstur
um leið og kjóll sem passar við lýs-
inguna kemur í sölu. Hið sama gildir ef
draumakjóllinn er of dýr en þá er hægt
að skrá sig og fá tilkynningu lækki
hann í verði.
Glæsilegur Kjóla úr smiðju Manuel Mota má finna á vefsíðu sem selur notaða brúðarkjóla.
Endurnýjun lífdaga
Eftirsótt Vera Wang er þekkt fyrir brúðarkjólahönnun sína.
Fáðu aðstoð við að mæla þig ná-
kvæmlega og hafðu saumakonu
við höndina ef ske kynni að ein-
hverjar breytingar þyrfti að gera á
kjólnum fyrir stóra daginn.
MORGUNBLAÐIÐ | 43
www.hjahrafnhildi.is • Sími 581 2141
Kjólar og
bolero
jakkar
í úrvali
myndaður á
DVD
Blue - ray HDV