SunnudagsMogginn - 06.02.2011, Blaðsíða 10

10 6. febrúar 2011
É
g held að þeir Styrmir Gunnarsson, fyrrverandi rit-
stjóri Morgunblaðsins, Björn Bjarnason, fyrrverandi
ráðherra, leiðarahöfundur Morgunblaðsins og svo
fjölmargir aðrir, hafi lög að mæla, þegar þeir lýsa því
yfir að þjóðin eigi að hafa síðasta orðið um Icesave. Málinu var
vísað til þjóðarinnar í fyrra og 98% þeirra sem tóku þátt í þjóð-
aratkvæðagreiðslunni felldu þann samning sem ríkisstjórnin
hafði gert við Breta og Hollendinga og Alþingi hafði samþykkt.
Nú er kominn nýr samningur, að vísu um margt mun hag-
stæðari en sá fyrri, sem felldur var, en engu að síður eru
áhættuþættir í þessum samningi, sem enginn veit hvernig
koma út, þegar upp verður staðið. Það er útilokað að spá um
með einhverri vissu hver
gengisþróun íslensku krón-
unnar verður á næstu árum,
sem er stærsti áhættuþátt-
urinn.
Bjarna Benediktssyni,
formanni Sjálfstæðisflokks-
ins, hefur ugglaust verið full
alvara með orðum sínum í
Kastljósi á fimmtudags-
kvöld, þegar hann sagði að
það væri „ískalt hags-
munamat“ sem réði því, að
fulltrúar flokksins í fjár-
laganefnd og meirihluti
þingflokksins komust að
þeirri niðurstöðu að rétt
væri að samþykkja þann
samning sem nú er gert ráð
fyrir að verði að lögum.
Bjarni og Sjálfstæðisflokk-
urinn uppskáru mikið hól
úr munni Steingríms J.
fjármálaráðherra, fyrir
„ábyrga afstöðu“ hvort sem það á svo að telja þeim það til tekna
eður ei.
En málið snýst bara alls ekkert um „ískalt hagsmunamat“.
Málið snýst um tilfinningar og það mat, líklega meirihluta
þjóðarinnar, að kröfur Breta og Hollendinga á hendur íslensk-
um skattborgurum, séu ólögmætar. Það sé ekki í okkar verka-
hring að hreinsa upp eftir einkabanka og bresk og hollensk
stjórnvöld, sem ákváðu, án nokkurs samráðs við Íslendinga, að
borga innstæðueigendum Icesave í Bretlandi og Hollandi út
innstæður sínar í hinum fallna banka, Landsbankanum. Það
gerðu ríkisstjórnir þessara landa til þess að vernda eigið skinn
og koma í veg fyrir bankaáhlaup í löndunum. Það voru því
þeirra eigin vandamál sem þeir voru að leysa, ekki okkar Ís-
lendinga.
Málið snýst líka um sjálfstæðistilfinningu Íslendinga, að þeir
sætti sig ekki við, að stórþjóðir vaði yfir þá á skítugum skónum,
beiti þá afarkostum, ella hafi þeir verra af.
Málið snýst um sjálfsvirðingu okkar sem lítillar þjóðar, sem
vill áfram vera sjálfstæð og fullvalda þjóð. Ég held að það séu
fjölmargir Íslendingar, líklega tugþúsundir, sem ekki eru
reiðubúnir til þess að greiða eina einustu krónu til Breta og
Hollendinga, þar sem þeir telji að þjóðirnar eigi engar lögmætar
kröfur á hendur okkar.
Ég tel það vel skiljanlegt að mörgum sjálfstæðismanninum sé
misboðið og gagnrýni það harðlega, þegar forysta Sjálfstæð-
isflokksins hefur ákveðið að ganga til liðs við ríkisstjórnina.
Hvaða höfuðnauðsyn rak forystuna til slíkrar niðurstöðu? Ís-
kalt hagsmunamat dugar ekki sem svar.
Landsfundur Sjálfstæðisflokksins fer með æðsta vald flokks-
ins og í ályktun á landsfundi flokksins í fyrrasumar samþykktu
sjálfstæðismenn að segja nei „við löglausum kröfum Breta og
Hollendinga í Icesave-málinu“. Orðalagið er skýrt og verður
ekki misskilið, ekki einu sinni með góðum vilja og ísköldu
hagsmunamati. Löglausar kröfur eru og verða löglausar kröfur.
Landsfundurinn sagði sitt; þjóðin sagði sitt í þjóðaratkvæða-
greiðslunni í fyrravetur; nú hlýtur krafan að vera sú, eins og
þeir Styrmir og Björn segja, að þjóðin fái að hafa síðasta orðið
um þann samning, sem meirihluti Alþingis er nú á harðahlaup-
um að gera að lögum.
Vitanlega mun þjóðin una niðurstöðu slíkrar
atkvæðagreiðslu, á hvaða veg sem hún
verður. Þannig virkar lýðræðið, ekki
satt?
Ískalt hags-
munamat
Agnes segir
Agnes Bragadóttir
agnes@mbl.is
Bjarni
Benediktsson
Steingrímur J.
Sigfússon
’
Vitanlega mun
þjóðin una nið-
urstöðu slíkrar
atkvæðagreiðslu, á
hvaða veg sem hún
verður. Þannig virk-
ar lýðræðið, ekki
satt?
7.00 Fótaferð eftir nokkra
andvökubið eftir nýjum degi.
Borða hafragrautinn og skanna
fjölmiðlana við óminn frá hefð-
bundnum söng dótturinnar
meðan hún hefur sig til fyrir
daginn. Skutla örverpinu í MR í
svartnættismyrkri og þyl
möntru um vorkomu og sumar.
09.27 Andlega næringu, kaffi
og te fæ ég bæði í Ráðgjafarþjón-
ustunni og á skrifstofu félagsins.
Hér er gott fólk. Gömul kona
þakkar fyrir þjónustu Leit-
arstöðvarinnar. Dóttir hennar
þáði boð um að koma þangað, og
forstigsbreytingar fundust í leg-
hálsi. Horfur eru mjög góðar.
Fleiri konur voru greindar með
leghálskrabbamein á síðasta ári
en árin á undan, og margar
þeirra höfðu ekki komið í
krabbameinsleit skv. boðun. Við
verðum að gera enn betur.
Ungur maður hringir og vill
vita hvort við ætlum aftur í ár-
vekni- og fjáröflunarátakið
Mottumars. Hann er ekki einn
um að vilja vita þetta, e.t.v. ætla
einhverjir að þjófstarta og skarta
glæsilegasta skegginu! Und-
irbúningur er langt kominn og
mánuðurinn verður líflegur.
10.19 Fréttatilkynning berst
frá finnska krabbameinsfélaginu
í tilefni af alþjóðadegi krabba-
meins. Vinir okkar í Finnlandi
telja að á næstu árum fleygi
meðferð fram og verði mun ár-
angursríkari. Ég skoða gögn og
tölfræði frá Krabbameins-
skránni; við stöndum að mörgu
leyti vel í alþjóðlegum sam-
anburði.
10.30 Stuttur fundur með
Krabbameinsfélagi Reykjavíkur
um fræðslustarfið. Nú eru að
koma út ný fræðslurit, m.a. um
krabbamein í heila, eggjastokk-
um og í brjóstum. Fræðsluefni
um krabbamein og kynlíf er ný-
komið inn á heimasíðuna, og
upplýsingar um krabbamein í
eistum eru væntanlegar.
11.03 Fundur um rekstr-
aráætlun er fremur erfiður því
við, eins og aðrir, glímum við
fjármálin.
11.30 Starfsfólk Ráðgjaf-
arþjónustunnar (RÞ) ræðir ráð-
stefnuna Stattu með mér um
stuðning og samskipti við þá
sem greinast með krabbamein
og aðstandendur þeirra. Ráð-
gjafarþjónustan er fjölbreytt,
einstaklingsviðtölum fjölgar og
sérhæfing starfsmanna eykst.
Ókeypis ráðgjöf til karlmanna
sem greinst hafa með krabba-
mein og aðstandenda þeirra hef-
ur reynst þörf viðbót. Samstarf
við aðildarfélögin 30 fer að
miklu leyti fram hjá RÞ og það
finnst mér einn skemmtilegasti
þáttur starfsins. Ég hef aðeins
verið hér í níu mánuði og það er
enn nýtt fyrir mér að vera hluti
af fjöldahreyfingu, alveg ný vídd
í tilverunni.
12.00 Á leiðinni til Stínu í
líkamsræktina er hringt til mín
vegna skattlagningar bóta
sjúkdómatrygginga. Sá sem
hringir greiddi iðgjöld í þrettán
ár og fékk greiddar bætur í hitt-
iðfyrra. Hann óttast að þurfa nú,
alveg óvænt, að greiða skatt af
þessu. Hann þekkir vinnu okkar
hjá KÍ við að tryggja að þessar
bætur verði áfram undanþegnar
skatti. Ég segi honum frá frum-
varpinu sem lagt hefur verið
fram á Alþingi, það er skref í
rétta átt en gengur ekki nógu
langt. Hagsmunabaráttan krefst
mikils tíma en honum er vel
varið.
13.37 Alltof mikið er um að
reynt sé að hafa fé af veiku fólki
með gylliboðum um lækningu.
Tek málið upp við starfsmann
Landlæknisembættisins, við er-
um sammála um að þarft sé að
vinna meira í þessu.
16.30 Nú er ég harla fegin að
hafa fyrir helgina að mestu und-
irbúið fundinn með stjórn KÍ.
Dagskráin er löng og ströng, en
margt áhugavert og skemmtilegt
rætt. Félagið fagnar sextíu ára
afmæli í ár, og er ætlunin að nýta
tímamótin vel. Við erum stað-
ráðin í að láta áfram mikið til
okkar taka, og gefa góðar gjafir á
afmælisárinu. Meira seinna!
18.00 Að fundinum loknum
lít ég á gögn um skimun fyrir
ristilkrabbameini og gögn frá
fundi með læknum á Landspít-
alanum um krabbamein í lung-
um. Þetta eru stórmál, hvernig
er best að taka næstu skref?
18.37 Kaupi fisk á heimleið-
inni. Við erum fjögur heima, allir
sjálfbjarga og ekki lengur neitt
mál að halda heimili. Við náum
að borða öll saman, gaman gam-
an!
19.20 Tala við börn og
barnabörn á „skypinu“ og í
síma. Lít í fésbókina og sé að ég
hef verk að vinna.
21.45 Slóra í uppáhalds-
sófanum með bók, besti veru-
leikaflóttinn (og reyndar smá-
súkkulaði …). Er að aðlagast
,,Kindle“ sem ég fékk í jólagjöf.
Þar bíður ný veröld!
Dagur í lífi Ragnheiðar Haraldsdóttur, forstjóra Krabbameinsfélags Íslands
Ragnheiður Haraldsdóttir segir hagsmunabaráttuna krefjast mikils tíma en honum sé vel varið.
Morgunblaðið/Sigurgeir
Ný vídd í tilverunni