Morgunblaðið - 11.03.2011, Blaðsíða 13
FRÉTTIR 13Innlent
MORGUNBLAÐIÐ FÖSTUDAGUR 11. MARS 2011
Gísli Baldur Gíslason
gislibaldur@mbl.is
Tónlistar- og ráðstefnuhúsið Harpa
verður afhent rekstraraðilum eftir
mánuð og eins og komið hefur fram
verða fyrstu tónleikarnir haldnir
hinn fjórða maí. Um 650 manns
vinna nú að framkvæmdum í húsinu
og er allt á áætlun samkvæmt upp-
lýsingum Þórunnar Sigurðar-
dóttur, stjórnarformanns Ago ehf.
sem mun sjá um starfsemi, rekstur
og markaðssetningu tónlistar- og
ráðstefnuhússins
„Við leggjum alla áherslu á að
klára salina fyrst. Glerveggirnir
verða ekki komnir þegar fyrstu
tónleikarnir eru. Flestöll hús af
þessari stærðargráðu eru yfirleitt
opnuð í pörtum og hollum og það
gerum við líka,“ segir Þórunn.
„Það er byrjað á því að spila í
stærsta salnum og síðan eru lok
þessa opnunartímabils á Menning-
arnótt, hinn 20. ágúst, þegar húsið
að utan og svæðið í kring verður
klárað.“
Sinfóníuhljómsveit Íslands flytur
fyrst allra inn í húsið, hinn 10. apríl.
Auk hennar mun Íslenska óperan
hafa aðsetur í húsinu og nokkrar
verslanir og veitingastaðir.
Nú þegar hefur ýmsum innan-
stokksmunum verið komið fyrir í
Hörpu, til dæmis sætunum sem
verða í stærsta salnum sem nefnist
Eldborg. Einnig er byrjað að prófa
og gera úttekt á öllum þeim tækjum
sem verða í húsinu, að sögn Þór-
unnar.
Harpa verður að hluta til um-
kringd sjó. Á næstu dögum verður
byrjað að hleypa sjó að húsinu og
mun það ferli standa yfir í nokkra
daga.
Morgunblaðið/Ómar
Mikilfenglegur Áhorfendapallar Eldborgar, stærsta salar tónlistarhússins, eru á fjórum hæðum og fullnýttur getur salurinn rúmað allt að 1.800 manns í sæti.
Allt á áætlun
650 manns að störfum í Hörpu Sjó hleypt að húsinu
Gryfjan Fremsti bekkur hefur ágætis útsýni ofan í hljómsveitargryfjuna.
Skannaðu kóðann
og sjáðu fleiri
myndir af Hörpu á
Facebook-síðu
mbl.is.
Ragnar Georgsson,
fyrrverandi skólastjóri
og forstöðumaður
Skólaskrifstofu
Reykjavíkur, lést í gær
á Landakotsspít-
alanum í Reykjavík.
Ragnar fæddist 27. júlí
1923 að Skjálg í
Hnappadalssýslu. For-
eldrar hans voru
Georg Sigurðsson og
Steinunn Ingibjörg
Pétursdóttir.
Ragnar lauk kenn-
araprófi árið 1944 og B.S. prófi með
láði frá Central Michigan háskól-
anum í Bandaríkjunum árið 1947.
Hann hóf kennslu við Mennta-
skólann í Reykjavík og síðar við
Gagnfræðaskólann við Hringbraut
sem seinna varð Hagaskóli. Hann
var ráðinn skólastjóri Réttarholts-
skóla við stofnun skólans árið 1956.
Árið 1984 tók hann við starfi For-
stöðumanns kennslumáladeildar
Skólaskrifstofu Reykjavíkurborgar
og sinnti því þar til hann lét af störf-
um vegna aldurs árið
1994.
Ragnar gegndi fjöl-
mörgum trún-
aðarstörfum á sviði
menntamála og var m.a.
varaformaður Æsku-
lýðsráðs og fulltrúi
Reykjavíkurborgar við
samningu frumvarpa
um fræðslumál. Hann
sat um skeið í stjórn Fé-
lags gagnfræðaskóla-
kennara og Félags
skólastjóra í Reykjavík.
Hann sat í fyrstu stjórn Badmin-
tonfélags Íslands sem nú er TBR.
Ragnar var einnig mikill áhugamað-
ur um laxveiði og gegndi ýmsum
trúnaðarstörfum fyrir Stangveiði-
félag Reykjavíkur.
Ragnar var ástsæll kennari og á að
baki farsælan feril sem áhrifamaður í
íslenskum menntamálum.
Eftirlifandi kona hans er Rann-
veig G. Magnúsdóttir. Dóttir þeirra
er Steinunn Birna Ragnarsdóttir,
tónlistarstjóri Hörpu.
Ragnar Georgsson
Andlát