Morgunblaðið - 21.03.2011, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 21. MARS 2011
www.noatun.is
Fermingarveislur
Nánari upplýsingar á noatun.is eða í næstu Nóatúns verslun.
1990
KR./MANN
VERÐ FRÁ
AÐEINS
Ágúst Ingi Jónsson
aij@mbl.is
Líflegt hefur verið í siglfirskum skíðabrekkum í
Skarðsdal í vetur og fjöldi ferðamanna lagt leið sína
þangað. „Það eru göngin, ekki spurning,“ segir Sig-
urður Valur Ásbjarnarson, bæjarstjóri í Fjallabyggð,
spurður um þessa auknu aðsókn.
Hann segir að fólk komi ýmist akandi að sunnan eða
með flugi til Akureyrar og keyri þaðan. Margir stórir
hópar hafi verið á ferð í vetur, skólahópar og ýmsir
aðrir. Undanfarið hafi verið samvinna á milli skíða-
svæðanna í Siglufirði, Ólafsfirði og Dalvík og margir
nýtt sér möguleika á að nýta sama skíðakortið á öllum
stöðunum.
„Héðinsfjarðargöngin opna margvíslega möguleika
vetur sem sumar og vegalengdir eru svo miklu styttri
en áður,“ segir Sigurður. „Skíðaíþróttin á hér mikla
sögu og sérstaka menningu og það er ánægjulegt þeg-
ar svona vel gengur.“ Hann segir að ágæt gistiaðstaða
sé í boði í Fjallabyggð. Í Siglufirði sé gistiheimilið
Hvanneyri, sem nýlega hafi verið endurbætt, skólarnir
ef svo beri undir og fleiri möguleikar séu í boði. Á
Ólafsfirði sé einnig góð skíðaaðstaða og þar er hótel
Brimnes.
Síldarminjasafnið er opnað eftir þörfum yfir vetr-
artímann, en margir hafa áhuga á að skoða það að
sögn Sigurðar. Mikil uppbygging hafi staðið yfir á veg-
um Rauðku niðri við höfnina. Veitingastaðurinn Hann-
es Boy hafi verið opnaður fyrir nokkru og í sumar
verði opnaður stór fjölnota veislusalur, kaffihús og bar
í rauða húsinu við smábátahöfnina.
Tveir níu hola golfvellir
Sigurður segir að stöðugt sé verið að bæta aðstöðu
til að taka við ferðamönnum í Fjallabyggð og liður í
því sé að tveir góðir níu hola golfvellir verði í Fjalla-
byggð.
„Framtíðaruppbygging golfvalla í Fjallabyggð hefur
verið í skoðun og í þau mál er að koma niðurstaða.
Bæjarfélagið mun væntanlega taka þátt í lagfæringum
á golfvellinum Ólafsfjarðarmegin og síðan aðstoða við
uppbyggingu á nýjum golfvelli við skógræktina í Hóls-
dal í í samvinnu við Golfklúbb Siglufjarðar og Rauðku.
Líflegt í skíðabrekk-
unum í Skarðsdal
 Auknir möguleikar skapast í ferðamennsku á Siglufirði
sumar jafnt sem vetur með tilkomu Héðinsfjarðarganganna
Morgunblaðið/Sigurður Ægisson
Blíða Gott veður var á skíðasvæðum víða um land í gær og margir í brekkunum. Myndin er úr Skarðsdal.
Hvíld Það getur verið nauðsynlegt að hvíla sig aðeins á
milli hraðferða og brosa framan í heiminn.
Hlutdeild sjónvarpsefnis frá öðrum
Norðurlöndum hefur verið á bilinu
5,6-7,5% undanfarin fimm ár en á
sama tíma hefur hlutdeild banda-
rísks sjónvarpsefnis verið 26,1-
30,4%, að því er fram kemur í svari
menntamálaráðherra við fyrirspurn
Sivjar Friðleifsdóttur á Alþingi.
Mjög misjafnt er hversu mikið er
upprunnið í öðrum löndum eða frá
3,7% upp í 23,1%. Samkvæmt þjón-
ustusamningi ráðuneytisins og RÚV
á norrænt efni að vera a.m.k. 5%.
Siv spurði um meðaláhorf á til-
tekna norræna og bandaríska þætti.
Þrír vinsælustu þættirnir voru nor-
rænir, þ.e. Himinblámi (24,9%),
Glæpurinn II (21,4%) og Hvaleyjar
(20,8%). Þrír vinsælustu bandarísku
þættirnir voru Sporlaust (20,7%),
Aðþrengdar eiginkonur (19,6%) og
Bráðavaktin (18,2%).
Lítill en vinsæll hlutur
norræns efnis í RÚV
Norrænt og bandarískt sjónvarpsefni í RÚV
1.4-31-8
2007
1.9.2007-
31.8.2008
1.9.2008-
31.8.2009
1.9.2009-
31.8.2010
Íslenskt
Danskt
Norskt
Finnskt
Sænskt
Bandarískt
1.1-31.12
2006
Inga Rún Sigurðardóttir
ingarun@mbl.is
Töluvert er um það að hjúkr-
unarfræðingar fari út til annarra
Norðurlanda, og þá einkum Noregs,
í afleysingavinnu. Elsa B. Friðfinns-
dóttir, formaður félags hjúkr-
unarfræðinga, segir að sér hafi bor-
ist margar fyrirspurnir varðandi
þetta. Landlæknisembættið þarf að
gefa öllum hjúkrunarfræðingum
sem ætla að starfa í öðru landi vott-
orð um að viðkomandi hafi starfs-
leyfi á Íslandi og hefur þessum um-
sóknum fjölgað verulega á síðasta
ári og í ár. Elsa orðar það svo að út-
gefin vottorð séu álíka mörg á dag
núna og voru á mánuði fyrir hrun.
„Það er ekki mikið um að hjúkr-
unarfræðingar flytji út en eitthvað
meira virðist vera um svona skorpu-
vinnu núna,“ segir hún en margir
sem þetta gera fara þá út í 2-3 vikur
í einu á 3-6 mánaða fresti. Veruleg
uppgrip eru fyrir hjúkrunarfræð-
inga af þessari vinnu því launin eru í
dýrmætum norskum krónum en út-
gjöldin í íslenskum krónum.
Hún hefur ekki áhyggjur af því að
hjúkrunarfræðingar almennt flytjist
búferlum í stórum stíl. „Ég hef meiri
áhyggjur af yngra fólkinu,“ segir
hún og útskýrir að það búi oft við
tímabundna ráðningarsamninga og
minna atvinnuöryggi. „Það eykur
líkur á því að einhverjir úr þessum
hópi fari út og ílendist þar. Við höf-
um síðan ekki aðgang að því fólki
þegar aðrir fara á lífeyri.“
Anna Birna Jensdóttir hjúkrunar-
fræðingur er einn stofnenda félags-
ins Sólstöður, sem aðstoðar fólk við
að fá vinnu erlendis. „Noregur virð-
ist vera það land sem bráðvantar
fólk í vinnu og er mikið að leita eftir
heilbrigðisstarfsfólki,“ segir hún og
bendir á að í kreppu hér séu tæki-
færin annars staðar og þetta sé hluti
af nýjum raunveruleika og starfs-
umhverfi. „Við erum að mæta þörf
sem er fyrir hendi og finnum fyrir
töluverðum áhuga,“ segir hún um
Sólstöður en félagið er nýfarið af
stað.
Í Noregi er eftirspurnin mest eftir
sérhæfðari starfskrafti með sérnám
í t.d. gjörgæslu-, skurð- eða svæf-
ingahjúkrun. Önnur afleysingastörf
eru frekar bundin við orlofstímabil.
Uppgrip í afleysingum í Noregi
 Hjúkrunarfræðingar sækja í afleysingavinnu á Norðurlöndum  Fara út í 2-3
vikur í senn á 3-6 mánaða fresti  Eftirspurnin mest eftir sérhæfðu starfsfólki
Morgunblaðið/Kristinn
Uppteknar á vaktinni Þangað til nú hefur vinna verið næg hérlendis.
Sólstöður er nýtt félag sem sér-
hæfir sig í að útvega heilbrigð-
isstarfsfólki afleysingastörf til
lengri eða skemmri tíma hér á
landi og erlendis. Félagið vinnur
að því að íslenskt heilbrigð-
isstarfsfólk eigi möguleika á
aukinni fjölbreytni varðandi
starfsval, starfsumhverfi og til-
högun vinnutíma en almennt
hefur verið í boði á Íslandi. Fé-
lagið er með viðskiptasambönd
víðs vegar um Noreg og rekur
norskt dótturfélag. Miklar upp-
lýsingar er að finna á síðunni
www.solstodur.is.
Eykur
fjölbreytni
SÓLSTÖÐUR ÚTVEGA
AFLEYSINGASTÖRF