Morgunblaðið - 24.03.2011, Síða 20

bílar20 24. mars 2011
Mæla- og stjórnborð bílsins er laglegt og bíllinn er bjartur að innan.
Einn af minni jepplingumsem í boði eru í dag erKIA Sportage sem ný-verið kom í breyttri
mynd. Hinn nýi Sportage er mun
fallegri bíll en forverinn og byggist á
hugmynda bíl sem kynntur var á
bílasýningum árið 2007 og kallaðist
þá Kue. Hann nær strax auganu, er
sérstakur í útliti og höfðaði strax vel
til almennings enda teiknaður af
Þjóðverja sem lengi starfaði fyrir
Audi. Þrátt fyrir að Sportage sé ekki
stór er hann þó örlítið lengri og
breiðari en kynslóðin á undan. Þó
lægri, allt til að bæta akstursgetu
hans. Þrátt fyrir aukna stærð hefur
KIA tekist að létta hann um 100 kíló
og hjálpar það einnig til við getu
hans og minnkandi eyðslu.
Bíllinn er í boði á nokkuð breiðu
verðbili og helgast það helst af því að
hann má fá bæði fjórhjóla- og fram-
hjóladrifinn og með 4 mismunandi
vélum. Verðið er frá 4,4-6,0 millj-
ónum króna. Sá ódýrasti er fram-
hjóladrifinn bíll með 135 hestafla 1,6
lítra bensínvél og beinskiptur, en sá
dýrasti með framhjóladrifi og 136
hestafla 2,0 lítra díselvél og sjálf-
skiptur. Fjórhjóladrifinn, sjálf-
skiptur bíll með 2,0 lítra og 163 hest-
afla bensínvél kostar 5,6 milljónir og
115 hestafla 1,7 lítra díseldrifinn bíll,
beinskiptur, er á 4,7 m.
Flottur að innan
Innanrými Sportage hefur tekið
jafn róttækum breytingum og ytra
útlitið, er framúrstefnulegt og svalt
en jafnframt notendavænt. Hönnun
mælaborðsins er mjög frábrugðin
hefðbundnum T-laga mælaborðum,
breikkar til hliðanna og mjókkar
fyrir miðju. Öll stjórntæki eru mjög
nálægt ökumanni og ýmsir hlutir
koma skemmtilega á óvart. Svo sem
hitastýrð tvívirk miðstöð, haganlegir
stjórnrofar í stýri og hraðastillir.
Hljóðkerfið er einkar gott, með 6 há-
talara og stóran „subwoofer“ og býð-
ur uppá einn besta hljóm sem finna
má í ódýrum bíl. Fullt er af litlum og
sniðugum hólfum og eitt mjög stórt
á milli framsæta.
Sportage er með stóra sóllúgu
sem gerir bílinn mjög bjartan að
innan. Það sést mjög vel út úr bíln-
um þrátt fyrir að rúður séu ekki
stórar, enda er hlutfall glers og
málms í yfirbyggingunni eins og
gjarnan er að finna í sportbílum.
Ekki nema von að hann sé sportleg-
ur fyrir vikið. Ekki skaðar heldur að
hann er með LED dagljósabúnað.
Sportage er með 10% meira flutn-
ingsrými en forverinn, en samt er
það ekki stórt og minna en í mörgum
keppinautum hans.
Frísklegur í akstri
Akstur KIA Sportage var í sam-
ræmi við útlit hans, sportlegur og
skemmtilegur. Aflið er ágætt en
mætti vera meira. Reynsluakst-
ursbíllinn var með stærri díselvél-
inni. Undirvagninn hefur fengið
væna yfirhalningu með nýrri MacP-
herson fjöðrun og jafnvæg-
isstöngum á öllum hjólum og heldur
honum sannarlega á tánum. Hann er
útbúinn eins og flestir jepplingar í
dag með ýmsum aðstoðarkerfum,
svo sem stöðugleikastýringu,
hemlunarátaksdreifingu, bremsu-
aðstoð í brekkum og „Hill-Start“
kerfi. Allt hjálpar þetta við aksturs-
ánægjuna og öryggið. Fjór-
hjóladrifið er ekki sídrif heldur kem-
ur inn sjálfvirkt þegar þörf er á og
sparar við það eldsneyti.
En til hverra höfðar KIA Spor-
tage líklega helst? Hann ætti að
höfða til smærri fjölskyldna og para
og þeirra sem vilja bíla með fram-
úrstefnulegt og flott útlit. Einnig er
hann fínn í bæjarsnattið og ætti
slæm færð ekki að þvælast mikið
fyrir Sportage. Svona bíl á að kaupa
í rauðum eða bláum lit, hann á skilið
ferskt útlit í samræmi við ferskar út-
línur.
finnur@reykjavikbags.is
Reynsluakstur KIA Sportage
Framúrstefnulegur smájeppi
Morgunblaðið/Sigurgeir S
Fallegar línur einkenna KIA Sportage og fyrir vikið grípur bíllinn strax auga allra þeirra sem hann sjá úti á vegunum og það er góður dómur.
Hinn nýi KIA Sportage nær strax auganu, er sér-
stakur í útliti og höfðar strax vel til almennings.
Akstur í samræmi við útlit hans; bíllinn er sportlegur
og skemmtilegur.
KIA Sportage árg. 2011
•2,0 l. díselvél
•136 hestöfl/320 Nm
•6 gíra sjálfskipting
•5 sæti
•6 hátalarar og subwoofer
•Hitastýrðmiðstöð
•Eyðsla innanb: 8,9
•Eyðsla utanb: 5,9
•CO2 g/km: 183
•17”álfelgur
•Eiginþyngd 1.676 kg
•Dráttargeta 1.600 kg
•0-100: 11,3 sek.
•Hámarkshraði: 181 km
•Fjórhjóladrif
•Verð: 5.990.000 kr.
•Farangursrými 564 l.
•Umboð: Askja
Bíllinn er ágætlega kraftmikill en aflið mætti þó vera meira.