Morgunblaðið - 03.05.2011, Side 6

6 FRÉTTIRInnlent
MORGUNBLAÐIÐ ÞRIÐJUDAGUR 3. MAÍ 2011
Baldur Arnarson
baldura@mbl.is
Haldi fram sem horfir munu 20.000 manns sem
hafa með naumindum getað staðið í skilum og
framfleytt sér og sínum eiga á hættu að fara í
álíka fjölmennan flokk þar fyrir neðan þar sem
tekjur duga ekki fyrir afborgunum lána.
Þetta er mat dr. Lilju Mósesdóttur, hag-
fræðings og þingmanns, sem bendir á að stöð-
ugar hækkanir á eldsneytisverði, matvælum
og öðrum nauðsynjum hafi gert einstaklingum
og fjölskyldum erfiðara að standa á eigin fót-
um.
„Það sem ég óttast að sé að gerast er að
þessar bensínhækkanir leggist mjög þungt á
þá sem voru á mörkunum að hafa ráðstöfunar-
tekjur til þess að borga af lánum og framfleyta
sér. Ég óttast að þetta fólk muni kjósa að
hætta að borga af lánum í stað þess að draga
enn meira úr neyslunni en það hefur gert eftir
hrunið. Það getur ekki dregið meira úr út-
gjöldum án þess að fara að
líða skort. Áætlanir gerðu
ráð fyrir að einkaneyslan
myndi aukast á þessu ári og
leiða til tekjuaukningar hjá
ríkissjóði,“ segir Lilja sem
gagnrýnir efnahagsstefnu
ríkisstjórnarinnar. Þau Atli
Gíslason og Ásmundur Ein-
ar Daðason séu einhuga um
að stefnan hafi ekki borið
tilætlaðan árangur.
Átti þátt í brotthvarfi hennar úr VG
Sú staðreynd eigi stóran þátt í þeirri
ákvörðun hennar að segja skilið við þingflokk
VG.
Lilja kveðst þannig hafa farið fram á það við
Steingrím J. Sigfússon fjármálaráðherra á
flokksfundi VG í janúar að nefnd yrði falið að
móta nýja efnahagsstefnu sem tæki við af
„kreppudýpkandi efnahagsstefnu AGS“.
„Hann var algjörlega ósammála mér um það.
Þá áttaði ég mig á því að við værum í grund-
vallaratriðum ósammála um efnahagsstefn-
una.“
Hægagangur hægir á hagvextinum
„Það hefur ekkert komið fram sem gerir
mig sannfærða um að Steingrímur hafi haft
rétt fyrir sér um að við værum að komast út úr
kreppunni.
Við héldum því fram að samdrátturinn í hag-
kerfinu yrði meiri en áætlað var í efnahags-
áætlun AGS í nóvember 2008. Meginástæðan
fyrir því að hagvöxturinn er minni á þessu ári
en gert var ráð fyrir er hversu seint gengur að
koma skuldaaðlögun heimila og fyrirtækja í
gegn. Við héldum því fram að ríkið ætti ekki að
ganga eins langt í niðurskurði og það hefur
gert og verða þannig til þrautavara með vel-
ferðinni ef hagvöxtur yrði hægari. Á það sjón-
armið var ekki hlustað. Við vorum jafnvel
stimpluð villta vinstrið í fjölmiðlum.
Ástandið er grafalvarlegt. Margir hafa horft
upp á eignastöðu sína í fasteignum fara í
mínustölu. Þegar svo er komið fer fólk að
spyrja sig hvort ekki sé komið nóg. Það hefur
ekki hvata til að draga úr neyslu til þess að við-
halda eignahlutnum. Fólkið á eignirnar hvort
sem er ekki. Við erum komin í neikvæðan víta-
hring. Niðurskurður og skattahækkanir kalla
á enn meiri niðurskurð og skattahækkanir.“
Tímabært að draga úr skattheimtu
Hún segir hækkun matvælaverðs leggjast
þyngst á tekjulægstu hópana.
„Mér finnst orðið tímabært að við endur-
skoðum skattlagningu á eldsneyti svo ég nefni
aðeins einn nauðsynlegan útgjaldalið hjá heim-
ilum. Af hverju er fjármálaráðherra ekki að
lækka skatta á olíuverð þegar það hækkar?
Það er vegna þess að hann fær skattahækkun
sem hann hefði að líkindum ella neyðst til að
fara út í á næsta ári vegna samdráttar í hag-
kerfinu,“ segir dr. Lilja Mósesdóttir.
Fátækum fjölskyldum fjölgar
 Lilja Mósesdóttir óttast að þúsundir fjölskyldna ráði senn ekki við afborganir lána  Hátt bensínverð
og verðbólga neyði fólk til að láta framfærslu ganga fyrir lánum  Efnahagsstefnan hafi mistekist
Lilja
Mósesdóttir
Spenna ríkti í lokaumferð Íslandsmótsins í brids í gær
en þrjár sveitir gátu hreppt Íslandsmeistaratitilinn.
Sveit Grants Thornton varð á endanum hlutskörpust en
tveimur stigum munaði á henni og sveit Sparisjóðs
Siglufjarðar. Í þriðja sæti varð sveit Garðsapóteks og í
fjórða sæti sveit Arons Þorfinnssonar.
Grant Thornton Íslandsmeistarar
Morgunblaðið/Golli
Hópur fólks á Kjalarnesi hefur rætt um hvort ekki sé
ástæða til þess að rifta sameiningunni við Reykjavík og
sameinast öðrum samliggjandi sveitarfélögum, sem eiga
meira sameiginlegt með íbúum gamla Kjalarneshrepps.
Lokun endurvinnslustöðvar Sorpu í Grundarhverfi á
Kjalarnesi er kornið sem fyllti mælinn, að sögn Magn-
úsar Inga Magnússonar, varaformanns Íbúasamtaka
Kjalarness, en héðan í frá er íbúunum ætlað að fara með
úrgang í önnur sveitarfélög. Hann bendir á að kveðið hafi
verið á um þessa þjónustu á Kjalarnesi við sameininguna
1998 en borgin hafi nú virt samkomulagið að vettugi.
Íbúar á Kjalarnesi innsigluðu hlið endurvinnslustöðvar
Sorpu á Kjalarnesi í gærmorgun, en í liðinni viku setti
Sorpa upp skilti þar sem tilkynnt var um lokun endur-
vinnslustöðvarinnar. Magnús Ingi segir að svo virðist
sem baráttan sé töpuð, en íbúarnir láti ekki troða á sér
endalaust. Ákveði borgin að gera eitthvað á Kjalarnesi
séu íbúarnir yfirleitt ekki hafðir með í ráðum. Skilningur
á þörfum þeirra sé lítill en þær séu allt aðrar en í öðrum
hverfum borgarinnar og ýmsar framkvæmdir borgarinn-
ar hafi orkað tvímælis. Hann nefnir sem dæmi að á svæð-
inu séu um 1.150 manns og hann efist um að slíkur fjöldi
þurfi annars staðar á landinu að sætta sig við ónothæfan
og ólöglegan fótboltavöll, sem sé reyndar kallaður skíða-
brekkan. „Við erum einhver afgangsstærð,“ segir hann
og bætir við að gámastöðin hafi verið opin þrjá daga í
viku, fimm tíma í senn. Slíkt fyrirkomulag gangi í Kjós-
arhreppi, þó íbúar þar séu mun færri. steinthor@mbl.is
Ræða um að rifta samein-
ingunni við Reykjavík
Sorpa Íbúar lokuðu Endurvinnslustöð Sorpu á Kjalar-
nesi með keðjum, sem soðnar voru utan um hliðið.
 Kjalnesingar æfir út í
borgina vegna lokunar Sorpu
Alls höfðu 298
bátar fengið út-
gefin leyfi til að
hefja strandveið-
ar í gærmorgun
er veiðarnar
máttu byrja.
Mikið álag var í
stjórnstöð sigl-
inga og voru um
830 skip á sjó þegar mest var í
gærmorgun, þar af um eða yfir
700 íslensk. Aðstoða þurfti þrjá
báta úr strandveiðiflotanum vegna
bilana.
Eftirlit Fiskistofu með strand-
veiðum verður í ár með sama
hætti og var í fyrra. Stofnunin
fylgist með sjálfvirka staðsetning-
arbúnaðinum sem allir bátar eru
skyldugir að hafa um borð og get-
ur þannig haft eftirlit með sigl-
ingum bátanna og lengd veiðiferð-
anna.
Þá fer allur strandveiðiafli í
gegnum aflaskráningarkerfið eins
og annar afli. Þá eru veiðieftirlits-
menn á ferðinni, heimsækja báta
og kanna afladagbækur.
aij@mbl.is
300 bátar
máttu hefja
strandveiðar
Um 830 bátar og skip
á sjó í lögsögunni
Frekari skerðing er fyrirhuguð á
dragnótaveiðum innan fjarða á
Vestfjörðum samkvæmt tilkynn-
ingu frá sjávarútvegsráðneytinu.
Nú er áformað að takmarka þessar
veiðar í Önundarfirði, Dýrafirði,
Arnarfirði, Tálknafirði og Patreks-
firði. Í Jökulfjörðum verða lokanir
þar sem dragnótaveiðar verða
bannaðar allt árið í Leirufirði,
Hrafnsfirði, Lónafirði og Veiði-
leysufirði og veiðar takmarkaðar í
Hesteyrarfirði.
Tillögur ráðherra og fylgigögn
hafa verið sendar hagsmunaaðilum
og er einnig að finna á heimasíðu
ráðuneytisins. Umsagnarfrestur er
til 10. júní og miðað við að breyt-
ingar taki gildi 1. september.
Takmörkun
dragnótaveiða
á Vestfjörðum
Tveir karlar á þrítugsaldri voru
handteknir í Breiðholti fyrir
helgina en þeir voru gripnir við
sölu á fíkniefnum. Í tilkynningu
lögreglu segir að fylgst hefði verið
með ferðum þeirra en kaupandinn,
karl á fertugsaldri, hafi líka verið
handtekinn. Í bíl mannanna fundust
rúmlega 30 grömm af marijúana og
í húsleit sem fram fór hjá karl-
manni í framhaldinu fundust yfir
300 grömm af marijúana
Tveir menn gripnir
við sölu fíkniefna
Nýliðinn apríl var mjög hlýr, einkum
þó um landið austanvert þar sem
hann var í hópi hlýjustu aprílmánaða
allra tíma, samkvæmt yfirliti
Trausta Jónssonar veðurfræðings.
Mánuðurinn var sá hlýjasti frá
upphafi mælinga á Dalatanga og
næsthlýjastur á Teigarhorni en þar
hefur verið mælt samfellt frá 1873. Á
Akureyri var mánuðurinn í 2. til 3.
sæti hvað hlýindi varðar en þar hef-
ur verið mælt samfellt frá 1882.
Meðalhitinn í Reykjavík mældist
4,1 stig og er það 1,2 stigum ofan
meðallags. Kemur þetta eflaust
mörgum á óvart.
Á Akureyri var meðalhiti mán-
aðarins 5,6 stig og er það 4 stigum
ofan meðallags. Aðeins einu sinni
hefur meðalhiti í apríl verið hærri á
Akureyri, það var 1974. Á Hvera-
völlum var meðalhitinn -1,1 stig og
er mánuðurinn þar í sjötta sæti hvað
hlýindi varðar.
Illviðrasamt var í mánuðinum og
mjög mikil úrkoma féll um landið
sunnan- og vestanvert. Í Reykjavík
mældist úrkoman 138,9 millimetrar
og er það meir en tvöföld meðal-
úrkoma í aprílmánuði (58,4 mm). Er
þetta næstmesta úrkoma sem mælst
hefur í apríl í Reykjavík en í apríl
1921 mældist úrkoman 149,9 mm.
Aðeins einn þurr dagur var í mán-
uðinum og úrkoma mældist einn
millimetri eða meira 27 daga, 7 dög-
um fleiri heldur en mest hefur orðið
áður í apríl (20 dagar 1958) og 15
dögum fleiri en í meðalapríl.
Sólskinsstundir í Reykjavík
mældust 114. Það er 26 stundum
undir meðallagi. sisi@mbl.is
Apríl var fádæma
hlýr fyrir austan
 Aðeins einn þurr dagur í Reykjavík