Morgunblaðið - 03.05.2011, Side 8

8 FRÉTTIRInnlent
MORGUNBLAÐIÐ ÞRIÐJUDAGUR 3. MAÍ 2011
Landsdómsmálið var flutt á Al-þingi í kjölfar eigin skýrslu
þingsins um Rannsóknarskýrslu Al-
þingis. Þingið bætti engu við þá
skýrslu, virtist ekki hafa farið efn-
islega gegnum
hana og lét sér
nægja að taka
úr henni búta
hér og hvar og
skeyta saman í
texta. Brást nefndin, sem í hlut átti,
algjörlega mikilvægu verkefni.
  
Virtist hún líta svo á að starfhennar væri ekki annað en að
búa til umbúðir um ömurlegan
málatilbúnað sem sneri að ákærum
fyrir Landsdómi.
  
Alþingi hafnaði þremur af fjór-um tillögum nefndarinnar um
ákæru, sem sýnir að nefndarmeiri-
hlutinn, sem kom úr öllum þing-
flokkum nema einum, las þingvilj-
ann illa og gaf það eitt fullt tilefni
til að falla frá málinu.
  
Allt var þetta ömurlegt klúður ogniðurstaða þingsins ekki síst.
  
Nú er liðið rúmlega hálft ár. Ogþá á að fara að breyta leik-
reglum um Landsdóm í miðju ferli
og ákærandinn, Alþingi, ætlar að
ákveða, eftir að fyrir liggur hver
hinn ákærði sé, hvernig dómurinn
sé skipaður.
  
Lögin gera ráð fyrir öðru.
  
Hið rökrétta er, fyrst að ekkidugar að fylgja núverandi
reglum um Landsdóm, að hverfa
frá málaferlunum.
  
Næsta skref væri þá að breytareglum um Landsdóm, af-
nema þær eða færa til nútíma.
Breyta reglum
í miðju spili
STAKSTEINAR
STANGVEIÐI
Einar Falur Ingólfsson
efi@mbl.is
„Þetta er svakalegasti urriði sem ég
hef séð og stærsti silungur sem ég
hef veitt. Ég mun aldrei aftur ná
öðrum svona, “ segir Tómas Zahni-
ser sem veiddi sannkallað tröll í
Þingvallavatni á sunnudaginn var, 1.
maí, en þá hófst stangveiðin í vatn-
inu eins og í mörgum fleiri silungs-
vötnum víða um land. Þessi vel
haldni og silfurgljáandi hængur var
94 cm langur, ummálið 59 cm og
hann vó 11,4 kíló, um 23 pund. Ur-
iðinn tók flugu, Black Ghost-„sun
burst“.
„Að sjálfsögðu sleppti ég honum
þegar hann var búinn að jafna sig,“
segir Tómas.
Margir veiðimenn halda til veiða í
Þingvallavatni á þessum tíma, þegar
urriðinn kemur upp á grunnið og er
líklegur til að taka agn veiðimanna.
Tómas hélt til veiða ásamt félaga
sínum og segir að lengi vel hafi ekk-
ert gengið. „Við vorum eiginlega
hættir að vonast eftir einhverju,“
segir hann, en síðan settu þeir í
fjóra og lönduðu þeim öllum. Hinir
þrír voru tiltölulega litlir en svo
negldi þessi stóri.
„Hrikaleg orka“
„Hann tók frekar djúpt,“ segir
Tómas. „Fyrst hélt ég að þetta væri
fínn tólf til fjórtán punda fiskur en
eftir tvær mínútur áttaði fiskurinn
sig á því að eitthvað væri að og þá
áttaði ég mig líka á því að hann hlyti
að vera yfir tuttugu pund! Þetta
var eins og að
vera með einn
stóran
vöðva
á hinum endanum, hrikaleg orka.“
Þetta var mikil barningsviður-
eign. „Ég tók þéttingsfast á honum
og var með bremsuna í botni. Ég
var með nýja og stífa stöng og ætli
það hafi ekki skipt sköpum.
Að lokum náðum við að stinga
háfi undir fiskinn, ég er ekki viss
um að mér hefði tekist að stranda
honum.“
Tómas segist hafa verið nokkuð
eftir sig eftir viðureignina. „Ég
þurfti jafn langan tíma til að jafna
mig og fiskurinn, fimmtán, tuttugu
mínútur,“ segir hann og hlær. „Eft-
ir þann tíma strikaði hann kraftmik-
ill í burtu.“
Fleiri veiðimenn settu í fallega
urriða í Þingvallavatni á sunnudag-
inn, þar á meðal Cezary Fijalkowski
sem landaði þremur sem vógu 11, 8
og 7 pund.
„Þetta er svakalegasti
urriði sem ég hef séð“
 Tómas Zahniser veiddi 23 punda urriða á flugu þegar veiði hófst í Þingvallavatni
Sá stóri Tómas Zahniser hampar urriðatröllinu sem hann veiddi í Þingvallavatni, áður en honum var sleppt.
Á sunnudag hófst urriðaveiði í efsta hluta Elliðaánna en veiða má á svo-
kölluðu frísvæði niður að Hrauni. Frændurnir Gísli Harðarson og Kjartan
Þorbjörnsson riðu á vaðið og köstuðu flugum sínum í skolað vatnið,
standandi í snjó upp á kálfa.
„Við náðum fimmtán urriðum, öllum í Höfuðhyl og Ármótum en á þess-
um stöðum var slatti af fiski,“ segir Kjartan. „Fiskurinn var ágætlega
haldinn og við sáum að út úr nokkrum þeirra
gúlpuðust hornsíli.“ Fiskarnir voru flestir um 40
cm langir, þeir stærstu um 46 cm. „Við fengum
mikið á mosagrænan Nobbler og Black Ghost.
Það var kalt, snjór yfir öllu og lóuhópar flugu
um og leituðu að auðum blettum.
Það var hálfsúrrealískt að vera í miðri borg í sum-
arbyrjun að veiða í öllum þessum snjó.“
Fengu fimmtán fyrsta daginn
URRIÐAVEIÐIN HAFIN Í EFSTA HLUTA ELLIÐAÁNNA
Black Ghost straumflugan reynd-
ist veiðimönnum vel um helgina.
Veður víða um heim 2.5., kl. 18.00
Reykjavík 14 skýjað
Bolungarvík 6 skýjað
Akureyri 7 þoka
Egilsstaðir 14 heiðskírt
Kirkjubæjarkl. 12 léttskýjað
Nuuk 2 léttskýjað
Þórshöfn 7 skýjað
Ósló 11 heiðskírt
Kaupmannahöfn 7 léttskýjað
Stokkhólmur 6 léttskýjað
Helsinki 5 heiðskírt
Lúxemborg 17 heiðskírt
Brussel 15 heiðskírt
Dublin 13 léttskýjað
Glasgow 16 léttskýjað
London 12 heiðskírt
París 16 skúrir
Amsterdam 13 heiðskírt
Hamborg 10 léttskýjað
Berlín 8 skúrir
Vín 16 skýjað
Moskva 12 skýjað
Algarve 17 léttskýjað
Madríd 17 léttskýjað
Barcelona 17 léttskýjað
Mallorca 17 léttskýjað
Róm 17 skýjað
Aþena 20 skýjað
Winnipeg 7 léttskýjað
Montreal 13 alskýjað
New York 13 alskýjað
Chicago 11 skýjað
Orlando 27 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
3. maí Sólarupprás Sólsetur
REYKJAVÍK 4:54 21:57
ÍSAFJÖRÐUR 4:42 22:19
SIGLUFJÖRÐUR 4:24 22:02
DJÚPIVOGUR 4:19 21:30