Morgunblaðið - 03.05.2011, Side 13

FRÉTTIR 13Innlent
MORGUNBLAÐIÐ ÞRIÐJUDAGUR 3. MAÍ 2011
Steinþór Guðbjartsson
steinthor@mbl.is
Um helgina fóru fram nokkur golfmót á Suðurnesjum
og Suðurlandi við góðar aðstæður, en vegna snjókomu
varð að fresta mótum í Reykjavík og næsta nágrenni
vegna þess að vellirnir voru á kafi í snjó. Stefnt er að
því að opna Korpúlfsstaðavöll um næstu helgi og Graf-
arholtsvöll um miðjan mánuðinn.
Garðar Eyland Bárðarson, framkvæmdastjóri
Golfklúbbs Reykjavíkur, segir að staðan sé frekar
óvenjuleg miðað við undanfarin ár. Korpúlfsstaða-
völlur hafi gjarnan verið opnaður 1. maí eða fyrstu
helgina í maí, Garðavöllur á Akranesi viku síðar og
Grafarholtsvöllur um miðjan maí. Veðrið hafi sett
strik í reikninginn að þessu sinni, en opnunarmót séu
sett á Garðavöll og Korpúlfsstaðavöll um næstu helgi
og Grafarholtsvöll viku síðar.
Jól um sumar
Þó jólalegt hafi verið um að litast í Reykjavík um
helgina virtist sumarið komið í næsta nágrenni. Þann-
ig tóku um 250 kylfingar þátt í Vormóti Golfklúbbsins
Hellu og Hole in One á Strandarvelli á Hellu í fyrra-
dag og um 100 kylfingar voru með í vormóti GS í Leir-
unni við Keflavík. Aðstæður voru fínar til golfiðkunar
og margir kylfingar léku vel. Á sama tíma varð að
fresta 1. maí-móti hjá Golfklúbbnum Kili á Hlíðavelli í
Mosfellsbæ vegna snjólags á vellinum en meira en 200
kylfingar höfðu skráð sig í mótið.
Á eftir áætlun
Verið er að bæta við níu holum á Korpúlfsstaða-
velli en Garðar segir að jarðvinnan hafi gengið illa
vegna veðurs og framkvæmdir séu á eftir áætlun. Þrá-
látum vestlægum áttum hafi fylgt snjókoma, éljagang-
ur og rigning að miklu leyti frá því í lok febrúar og
völlurinn sé gegnblautur. Litli æfingavöllurinn á
Korpu hafi hins vegar verið opinn í allan vetur.
Garðar segir að í raun sé ekkert hægt að gera
nema bíða eftir betra veðri. Hvorki hafi sést snjókorn
á Suðurlandi né Suðurnesjum um helgina en kylfingar
séu ýmsu vanir. „Menn bíða bara eftir því að það vori.
Það er ekkert annað að gera,“ segir hann.
Snjór truflar golfið
 Golfvellir í Reykjavík og næsta nágrenni á kafi í snjó
 Reynt að opna Grafarholtsvöll um miðjan mánuðinn
Golfvöllurinn í Grafarholti Kylfingar Golfklúbbs Reykjavíkur verða að bíða enn um sinn eftir að völlurinn
verði opnaður og á meðan snjór er yfir öllum brautum og víðar njóta gæsirnar lífsins í Grafarholtinu.
Morgunblaðið/Ómar
Vinna við mótun skipulags lóða Borg-
arspítalans í Fossvogi og Tilrauna-
stöðvar Háskóla Íslands að Keldum
verður að hefjast sem fyrst, þar sem
gert er ráð fyrir að nýbyggingar
Landspítala – Háskólasjúkrahúss við
Hringbraut rísi hratt og sú starfsemi
sem nú fer fram á Borgarspítala og
Tilraunastöðinni flytjist þangað.
Þetta er meðal þess sem kemur
fram í tillögu fulltrúa Sjálfstæðis-
flokks í skipulagsráði Reykjavíkur-
borgar sem samþykkt var samhljóða
á fundi ráðsins 27. apríl síðastliðinn.
Fer ráðið fram á að fjármálaráðherra
svari því hvað verði um þær bygg-
ingar og lóðir sem losna þegar ný-
byggingar LSH verða tilbúnar.
Í greinargerð sem fylgir tillögunni
segir m.a. að ekki hafi verið upplýst
hvaða áform séu uppi um nýtingu
fasteigna og lóða stofnananna tveggja
en ákvarðanir um nýtingu þeirra og
hugsanlegar breytingar á skipulagi
reitanna muni að öllum líkindum hafa
áhrif á Aðalskipulag Reykjavíkur sem
nú sé í endurskoðun.
„Mér finnst sorglegt og eiginlega
til skammar að sjá hvernig ríkið yf-
irgefur sjúkrahús eins og Vífilsstaða-
spítala og starfsmannahús sem eru á
Vífilsstöðum. Þetta er orðið drauga-
hverfi,“ segir Júlíus Vífill Ingvarsson,
borgarfulltrúi Sjálfstæðisflokksins.
Sennilega sé yfirlæknisbústaðurinn á
staðnum t.d. hreinlega ónýtur.
„Svona vill maður ekki sjá endurtaka
sig í Fossvogi eða á Keldum,“ segir
hann. holmfridur@mbl.is
Morgunblaðið/ÞÖK
Krefja
ráðherra
svara
 Hvað verður um
Borgarspítala og
Keldnalandið?
Guðlaugur Þór
Þórðarson al-
þingismaður hef-
ur ákveðið að
fara í mál við
Björn Val Gísla-
son alþingismann
vegna ummæla
sem Björn Valur
lét falla á blogg-
síðu sinni.
„Björn Valur
var að ásaka mig að ófyrirsynju um
glæpsamlegt athæfi. Honum var
boðið að draga þau ummæli til baka.
Hann gerði það ekki og þá er ekkert
annað að gera en að fara dómstóla-
leiðina,“ sagði Guðlaugur Þór.
Björn Valur sagði á bloggsíðu
sinni að styrkir sem Guðlaugur Þór
fékk til stjórnmálastarfa sinna væru
mútur. „Ef það er rétt hjá Birni Val
að það sé ólöglegt að þiggja framlög
til stjórnmálabaráttu frá fyrir-
tækjum og einstaklingum þá á það
ekki bara við mig heldur alla aðra
stjórnmálamenn sem það hafa gert á
síðustu árum og áratugum og það
sama á við stjórnmálaöfl og flokka
og þar með talið VG,“ sagði Guð-
laugur Þór.
Guðlaugur Þór
hyggst stefna Birni
Val fyrir meiðyrði
Guðlaugur Þór
Þórðarson
Útivistartími
barna og ung-
linga tók breyt-
ingum 1. maí sl.
Frá þeim tíma
mega 12 ára
börn og yngri
vera úti til
klukkan 22.00.
13 til 16 ára ung-
lingar mega vera úti til klukkan
24.00. Börn mega ekki vera á al-
mannafæri utan fyrrgreinds tíma
nema í fylgd með fullorðnum, segir
í tilkynningu frá lögreglunni.
Bregða má út af reglunum fyrir
síðartalda hópinn þegar unglingar
eru á heimleið frá viðurkenndri
skóla-, íþrótta- eða æskulýðs-
samkomu. Aldur miðast við fæð-
ingarár.
Útivistarreglurnar eru sam-
kvæmt barnaverndarlögum. Þeim
er m.a. ætlað að tryggja nægan
svefn en hann er börnum og ung-
lingum nauðsynlegur. Svefnþörfin
er einstaklingsbundin en þó má
ætla að börn og unglingar á grunn-
skólaaldri þurfi 10 tíma svefn á
nóttu, segir lögreglan.
Börnin mega vera
úti til klukkan 22
BAKSVIÐ
Ágúst Ingi Jónsson
aij@mbl.is
Íslendingar, Bretar, Írar og Danir
fyrir hönd Færeyinga funda í
Reykjavík í dag um Hatton Rockall-
málið. Þjóðirnar fjórar gera allar til-
kall til landgrunns á Hatton Rockall-
svæðinu. Talsverðar líkur eru taldar
á að olíuauðlindir sé að finna á svæð-
inu og því miklir hagsmunir í húfi,
segir Tómas H. Heiðar, þjóðréttar-
fræðingur utanríkisráðuneytisins og
formaður samninganefndar Íslands í
Hatton Rockall-málinu.
Viðræður ríkjanna um svæðið
hafa farið fram með reglubundnum
hætti allt síðan árið 2001 þegar Ís-
land átti frumkvæði að því að fyrsti
fundurinn var haldinn í Reykjavík.
Síðasti fundur var í Dublin í sept-
ember síðastliðnum.
Aðspurður segir Tómas að ekki
hafi verið mikill framgangur í við-
ræðunum að undanförnu, en aðilar
hafi þó skipst á
hugmyndum um
skiptingu svæðis-
ins. Íslendingar
telji mikilvægt að
halda viðræðum
áfram og að lausn
náist vegna þess
að án samkomu-
lags muni kol-
vetnisauðlindir á
svæðinu liggja ónýttar í jörðu.
Af Íslands hálfu er lögð áhersla á
að ríkin leggi sig fram við að ná sam-
komulagi um skiptingu landgrunns-
ins á milli sín og að þau skili í fram-
haldi af því sameiginlegri greinar-
gerð til landgrunnsnefndar Samein-
uðu þjóðanna um ytri mörk svæðis-
ins. Tómas segir mikilvægt að sam-
komulag feli í sér að allir aðilar fái
nokkurn hluta af því svæði sem tald-
ar eru mestar líkur á að hafi að
geyma kolvetnisauðlindir. Ísland
skilaði í apríl 2009 greinargerð til
landgrunnsnefndar SÞ um ytri mörk
landgrunnsins utan 200 sjómílna.
Um er að ræða hlutagreinargerð
sem einskorðast við suðurhluta Síld-
arsmugunnar, en það svæði hefur
verið nefnt Ægisdjúp, og vestur- og
suðurhluta Reykjaneshryggjar. Sök-
um mikils vinnuálags landgrunns-
nefndarinnar er ekki gert ráð fyrir
að hún taki greinargerðina til með-
ferðar fyrr en að nokkrum árum
liðnum.
Vaxandi þýðing landgrunnsins
Greinargerðin nær ekki til hins
umdeilda Hatton Rockall-svæðis, né
austurhluta Reykjaneshryggjar sem
skarast við það svæði, enda er nefnd-
in ekki bær til að fjalla um umdeild
landgrunnssvæði. Tómas segir það
því ekki þjóna neinum tilgangi að að-
ilar Hatton Rockall-málsins skili ein-
hliða greinargerðum til nefndarinn-
ar. Þess ber að geta að engir tíma-
frestir gilda um skil á greinargerð-
um um umdeild svæði.
Tómas H. Heiðar segir að lögð
hafi verið áhersla á að Íslendingar
öðlist yfirráð yfir sem víðáttumest-
um landgrunnssvæðum enda megi
gera ráð fyrir að réttindi yfir land-
grunninu muni fá vaxandi þýðingu í
framtíðinni. Gert er ráð fyrir að ytri
mörk landgrunns verði til lykta leidd
í eitt skipti fyrir öll á næstu árum
skv. ákvæðum hafréttarsamnings-
ins.
Miðar hægt í mikilvægu máli
 Fundur fjögurra þjóða í Reykjavík í dag um Hatton Rockall-svæðið  Talið að olíuauðlindir geti
verið að finna á svæðinu  Án samkomulags munu kolvetnisauðlindir liggja ónýttar í jörðu
Tómas H. Heiðar Hatton
Rockall-
svæðið
Ísland
Færeyjar
Írland
Re
yk
jan
es
hr
yg
gu
r
Snýst ekki um klettinn
» Hatton Rockall-málið snýst
aðeins um landgrunnið, hafs-
botninn, og snertir ekki á
nokkurn hátt fiskveiðar í haf-
inu fyrir ofan sem er úthaf og
öllum opið að meginstefnu til.
» Málið er einnig ótengt klett-
inum Rockall, sem er lítil
óbyggð klettaeyja um 460 kíló-
metra vestur af Skotlandi.
» Strandríki eiga sjálfkrafa
landgrunn að 200 sjómílum
samkvæmt hafréttarsamn-
ingum. Mörg ríki, þ. á m. Ís-
land, eiga ennfremur víð-
áttumeiri hafsbotnsréttindi
sökum náttúrulegra aðstæðna.
Íslendingar eiga nýtingarrétt
yfir þeim auðlindum sem finn-
ast á landgrunni þeirra.