Morgunblaðið - 03.05.2011, Qupperneq 34

34 MENNING
MORGUNBLAÐIÐ ÞRIÐJUDAGUR 3. MAÍ 2011
Leikhópinn Vesturport þarfvart að kynna fyrir lands-mönnum. Hann hefur get-ið sér góðan orðstír bæði
hérlendis og erlendis. Vesturport
hefur sett upp fjölmargar sýningar
og margar þeirra hafa verið nýstár-
legar leikgerðir af þekktum verkum,
eins og Rómeó og Júlía, Fást og
Hamskiptin svo nokkur séu nefnd.
Góð samvinna og samkennd er ein-
kennandi fyrir hópinn. Ekki alls fyr-
ir löngu hlutu þau viðurkenningu
Evrópsku leiklistarverðlaunanna
fyrir nýstárlegheit og frumleika í
verkum sínum.
Frumsýningin í Borgarleikhúsinu
síðasta miðvikudag er hins vegar
glænýr nútímafarsi eftir leikhópinn.
Húsmóðirin fjallar um fjórar kyn-
slóðir kvenna og mismunandi hlut-
skipti þeirra í hjónabandi og lífs-
hlaupi. Boðskapurinn er kannski
aukaatriði í verkinu en skemmtun og
sprell í hávegum haft. Leikhópurinn
nýtir sér gamalkunn tiltæki farsa-
stílsins. Þarna er mikið um hurða-
skelli, kynskipti, óþægilegar uppá-
komur, vandræðalegar þagnir og
aðstæður. En það er fyrst og fremst
mikið fjör og leikgleði sem einkennir
verkið. Textinn er ágætur, þarna eru
fleygar setningar sem kunna að fest-
ast í hugum fólks. Annars er hand-
ritið nokkuð ruglingslegt, þarna er
öllum „trixunum“ blandað saman og
úr verður eins konar hrærigrautur,
en nokkuð bragðgóður samt. Hús-
móðirin minnir dálítið á gamla revíu-
formið eða eins lags kabarett.
Leikararnir Nína Dögg, Björn
Hlynur, Víkingur, Gísli Örn og Jó-
hannes Níels standa sig mjög vel, öll
sem eitt. Erfitt er að gera upp á milli
hlutverka þeirra því þau eru fjöl-
mörg og persónusköpun fjölbreytt.
Þó eru persónur eins og Bessi, Tóm-
as og Guðni og húsmóðirin frá 8. ára-
tugnum ansi eftirminnilegar.
Tónlist og hljóðmynd skipa stóran
sess í sýningunni. Pálmi Sigurhjart-
arson situr við píanóið og leikur
með. Pálmi er þaulvanur leikhús-
maður og hefur frábæra tímasetn-
ingu. Ekki spillir fyrir að hann hefur
húmor líka. Þrjú lög hefur hann
frumsamið fyrir þetta verk.
Leikmynd og búningar eru í hönd-
um Ilmar Stefánsdóttur. Hún fer
ekki troðnar slóðir frekar en vana-
lega. Salnum hefur verið breytt í
eins konar kaffihús og sitja áhorf-
endur við borð. Þarna er reyndar
dálítil þröng á þingi. Sviðinu er svo
skipt í þrjú tímabil, ef svo má segja,
frá mismunandi tímaskeiðum 20.
aldar og fram á þá 21. og pallur
gengur mitt í gegnum salinn. Bún-
ingarnir og leikgervi eru mjög ýkt;
hárkollur og gerviskegg og fatnaður
í anda tímabilanna sem leikin eru
hverju sinni. Þetta kallar á ör bún-
ingaskipti sem takast vel og kitla
hláturtaugarnar.
Það er gaman að sjá nýjan ís-
lenskan farsa sem byggður er á ís-
lenskum raunveruleika. Leikhúsin
setja yfirleitt upp farsa sem eru
staðfærðir en í þetta sinn fáum við
„the real thing“. Þetta tekst ágæt-
lega.
Húsmóðirin er góð skemmtun,
sprellfjörug og rammíslensk.
Sprellfjörugur, íslenskur nútímafarsi
Borgarleikhús. Litla sviðið
Húsmóðirin eftir leikhópinn
Vesturport
bbbmn
Leikarar: Björn Hlynur Haraldsson, Gísli
Örn Garðarsson, Nína Dögg Filippus-
dóttir, Víkingur Kristjánsson, Jóhannes
Níels Sigurðsson. Leikmynd og bún-
ingar: Ilmur Stefánsdóttir. Lýsing: Þórð-
ur Orri Pétursson. Tónlist: Pálmi Sigur-
hjartarson. Leikstjórn: Vesturport.
INGIBJÖRG
ÞÓRISDÓTTIR
LEIKLIST
Ljósmynd/Grímur Bjarnason
Rammíslensk „Húsmóðirin er góð skemmtun, sprellfjörug og rammíslensk“ segir í gagnrýni um Húsmóðurina.
»Listahátíðin List án landamæra var
sett föstudaginn sl. í Ráðhúsi
Reykjavíkur. Meðal viðburða á hátíð-
inni í ár eru sýningar og uppákomur
úti og inni í Norræna húsinu í sam-
starfi við Vatnsmýrarhátíð, myndlist-
arsýning í Þjóðminjasafninu og leik-
sýning og tónleikar í Iðnó. Nánari
upplýsingar er að finna á bloggsíðu há-
tíðarinnar, listanlandamaera.blog.is/.
Glatt á hjalla á opnunarhátíð Listar án landamæra
Líflegir Karlakórinn Fjallabræður söng við opnun Listahátíðar án landamæra og notuðu kórmenn hendurnar líka og höfðu gaman af, eins og sjá má.
Stuð Sungið og dansað af innlifun í ráðhúsinu.
Díva Diddú tók lagið og lög voru einnig túlkuð með táknmáli. Tákn Magnús Þór Sigmundsson með táknmálskór.
Stolt Sigrún Lóa sýndi ljósmyndara verkið sitt á hátíðinni.
Morgunblaðið/Golli
Sköpunargleði Gestir virða fyrir sér verk listamanna.