Morgunblaðið - 13.08.2011, Side 24

24 FRÉTTIR
MORGUNBLAÐIÐ LAUGARDAGUR 13. ÁGÚST 2011
SVIÐSLJÓS
Hjörtur J. Guðmundsson
hjorturjg@mbl.is
Lífið er smám saman að færast í samt horf
hjá bændum, ferðaþjónustuaðilum og öðrum
þeim sem búa og starfa á þeim svæðum í
Skaftárhreppi sem urðu hvað verst úti
vegna eldgossins í Grímsvötnum 22. til 25.
maí síðastliðinn. Almennt ber fólk sig nokk-
uð vel en leynir því ekki um leið að um mik-
ið áfall hafi verið að ræða sem enn sé verið
að vinna úr.
Þegar litast er um á svæðinu er ekki
margt sem bendir til þess að eldgos hafi átt
sér stað í nágrenninu fyrir einungis fáeinum
mánuðum en ummerki um það má þó víða
sjá þegar grannt er skoðað. Þannig sjást
enn leifar af ösku víða, eins og til að mynda
í túnsverðinum víðast hvar og jafnvel sums
staðar í híbýlum fólks, þó hún sé eðli máls-
ins samkvæmt ekki nándar nærri eins áber-
andi og fyrst eftir að eldgosinu í Gríms-
vötnum lauk svo ekki sé talað um á meðan á
því stóð.
Enn er ekki endanlega kortlagt hversu
stórt strik eldgosið kann að setja í búskap-
inn hjá bændum á svæðinu en vinna er í
fullum gangi við að draga úr tjóni þeirra og
annarra á svæðinu vegna þess að sögn Guð-
mundar Inga Ingasonar, oddvita Skaftár-
hrepps. Bæði Bjargráðasjóður og Viðlaga-
sjóður munu koma þar að málum en einnig
til að mynda sjóður sem Guðni Ágústsson,
fyrrum landbúnaðarráðherra, beitti sér fyrir
ásamt fleirum í samstarfi við ýmis fyrirtæki.
Heyfengur hefur almennt verið miklum
mun minni á svæðinu en árin á undan vegna
öskunnar frá eldgosinu. Hafa bændur marg-
ir hverjir þurft að kaupa mikið af hey ann-
ars staðar frá af þeim sökum og í mörgum
tilfellum mikinn meirihluta þess. Fyrir það
þurfa þeir að greiða sjálfir en fá síðan
reikninga vegna heykaupanna endurgreidda
af Bjargráðasjóði. Þá hefur víða þurft að
bíða mun lengur með að senda sauðfé á fjöll
í ár en árin á undan þar sem gróður á beit-
arlöndum hefur þurft tíma til þess að ná sér
á strik eftir gosið áður en það hefur verið
hægt.
Misjafnt er hversu illa eldgosið hefur
komið við ferðaþjónustuaðila á svæðinu.
Sumir urðu fyrir talsverðum afbókunum
ferðamanna vegna þess en aðrir sáralitlum.
Það jákvæða við gosið er að áhugi ferða-
manna á því er verulegur og hafa ferðaþjón-
ustuaðilar margir hverjir sett saman ýmiss
konar upplýsingaefni fyrir gesti sína þar
sem fjallað er um það í máli og myndum.
Þá er askan ekki alfarið til ills en í litlu
magni getur hún virkað sem áburður á
graslendi að sögn Ólafs Dýrmundssonar,
ráðunautar hjá Bændasamtökum Íslands. Sé
hún hins vegar í of miklu magni kæfir hún
gróður sem nær þá ekki að vaxa upp úr
henni.
Lífið færist smám saman
í samt horf á gossvæðinu
 Bændur og ferðaþjónustuaðilar í Skaftárhreppi bera sig vel þrátt fyrir eldgosið í Grímsvötnum
Fegurð Það vantar ekki að umhverfið sé einstaklega fallegt í Skaftárhreppi og er erfitt að ímynda sér að fyrir aðeins fáeinum mánuðum hafi hér allt verið meira eða minna grátt af ösku frá eldgosinu í
Grænt Túnin á Kálfafelli í Fljótshverfi eru smám saman að jafna sig eftir eldgosið.
Skannaðu kóðann
til að skoða mynd-
band frá svæðinu.