Birtingur - 01.04.1960, Qupperneq 9

Jón Óskar: Arthur Rimbaud fæddist 20. október 1854
í þorpinu Charleville nálægt belgísku
landamærunum. Hann er eitthvert furðu-
legasta fyrirbæri meðal skálda og ferill
hans hefur verið bókmenntafræðingum
ráðgáta allt fram á þennan dag. Á þrem-
ur árum, meðan hann var enn á unglings-
aldri, tryggir hann sér ódauðleika í heimi
skáldskapar. Þegar hann er nítján ára,
snýr hann skyndilega baki við skáldskap
að fullu og öllu. En sporin, sem hann
hefur skilið eftir sig, verða ekki afmáð.
Hann hefur sett mörk uppreisnarunglings-
ins á bókmenntirnar, opnað ljóðinu nýjar
dyr, hellt nýju víni á nýja belgi, lagt
fyrstur ásamt landa sínum, þeim furðu-
iega Lautréamont (þótt þeir munu ekki
hafa vitað hvor af öðrum) út á þá braut,
sem lá inn í framtíðina, svo það er nú
óhugsandi að gera grein fyrir þróun
fransks nútímaskáldskapar eða skáldskap
tuttugustu aldarinnar í Frakklandi og
um allan heim, án þess að minnast á
þennan ungling, þennan sjáanda, eins og
hann hefur verið kallaður, og reyndar
einnig á skáldbróður hans, Lautréamont,
ef súrrealisminn er hafður í huga sér-
staklega, því til þeirra verða sporin rakin,
með þeim hefst byltingin.
Ég ætla mér elcki í þessum fáu orðum
að reyna að gera grein fyrir skáldskap
Rimbauds. Það væri óðs manns æði.
Fjöldi sprenglærðra bókmenntafræðinga
og skálda hefur fjallað um verk hans og
þau eru ennþá ótæmandi brunnur hverj-
um þeim sem veltir fyrir sér vandamálum
skáldskapar. En furðulegt er, að engin
tilraun skuli hafa verið gerð til að kynna
Tslendingum neitt úr þeim verkum hans,
sem mestum umbrotum hafa valdið, því
furðulegra þegar þess er gætt að á fyrra
helmingi tuttugustu aldar eignumst við
einmitt mann, sem gerir ljóðaþýðingar að
sérgrein sinni með frábærum árangri, og
þegar hann fellur frá, tekur annar við að
helga krafta sína ljóðaþýðingum. Það er
Sjácmdinn
Birtingur 7