Birtingur - 01.04.1960, Síða 35

einsog afturgaungur og sullast oní hvern
forarpoll með dunurn og dynkjum. Þetta
er meiri rigníngin. Nú er hann búinn að
hafa það af að rigna hálft árið. Skyndi-
lega og eiginlega alveg óvænt slær
ókenndu leiftri niðrí heilabú hans og
þreingir sér þaðan útum hann allan: Hvað
hefur eiginlega gerzt síðan í morgun?
Hefur í raun og veru nokkuð gerzt?
Rósmundur!
Hann snýr sér við hvatlega.
Halló!
Þau gánga saman eftir götunni og stefna
inná næsta veitíngastað.
Hvert ertu að fara með alla þessa böggla
kona ?
Ég var að kaupa. Það er síðasti dagur
útsölunnar. Ég er búin að gánga í búðir
í allan dag, til að leita að einhverju, sem
mig kynni að vanta. Það var agalega
spennandi maður, stundum lá næstum við
slagsmálum. En guð, ég vildi bara óska að
þeir færðu búðirnar meira saman. Hún er
svo erfið þessi sífellda leit.