Birtingur - 01.04.1960, Blaðsíða 39

talnadálka og rissa hjá sér sín innblásn-
ustu ljóð í ávísanahefti, nú hafa þeir lyft
þessari sveitakallarómantík upp í þá full-
komnun að óheppnari kollegar sveitast í
öfund þar sem þeir bylta sér á fletum
tugthúsanna og segja: að við skyldum nú
ekki fara út í olíuna heldur.
Sérstök tegund af samvinnufélagi var hið
góðkunna Frægðarmiðlunarkaupfélag Suð-
urlandsundirlendis sem rnjög gætti á
bókmenntasviðinu fyrir nokkrum árum
en hefur í seinni tíð flutt athafnir sínar
af yfirborðinu.
Líklega var það vegna þess að félagið hafði
náð settu marki að skapa ölluni limum
sínum borgaralega fullsælu og virðingu
æðstu manna þjóðarinnar og viðskilnað
við alþýðu. Félagið hafði umboðsmenn á
helztu menningarsetrum fjórðungsins:
Hveragerði, Eyrarbakka, Holti, Reykjavík
og aðgang að minnsta kosti einum sál-
víkingi. Ein glaðasta sálin í kaupfélaginu
var Guðmundur Daníelsson. Milli þess sem
hann annast barnafræðslu í skugga betr-
unarheimilisins þar sem hið fræga brim
hamast við að inspírera íslenzka menn-
ingu og gefur bringu skáldsins selbita
með löðri sínu, þá fer hann á handahlaup-
um um framandi lönd snapandi fróðleik
hjá samferðamönnum í vinsælar ferða-
bækur án þess að vera svo gamaldags að
tileinka sér nokkuð og þakkar fóstrið í
menningarsetrum heimsins með því að
gera sína fræðendur ódauðlega í bókunum
sínum í mynd skrípisins. Hann er heldur
ekki svo smásmugulegur að hafa rétt
eftir það sem reynt var að kenna honum
enda kalla kannski annir hann í miðju
kafi frá ritverkinu svo að hann verður í
flaustri að afhenda prentaranum vasa-
kompuna með frumrissi.
Þessi ötuli erindreki Frægðarmiðlunar-
kaupfélagsins á Eyrarbakka dró ekki af
sér að lýsa á prenti þakklæti sínu í garð
bróður síns í Hveragerði fyrir heimsbók-
menntasöguna sem var kærkomin honum.
Sjálfur hafði hann þegar frétt af tilvist
James Joyce og Williams Faulkners,
Göethe og nokkurra höfunda á Norður-
löndum að auki.
Pas de deux við Bolafljót
Miðvikudaginn 27. apríl setur hann á sig
strýtuhatt heimsfræðarans og fær léð hin
bróðurlegu félagsgleraugu með öfugum
sjónglerjum í þykkri umgerð, bjölluskó
með upphringaðri tá, axlaglingur og arn-
arnef með teygjubandi, bregður hross-
hársieipi þreföldu um sig miðjan þar sem
hann er mestur og mýkstur, hysjar upp
um sig og birtist á ritstjórnarskrifstofu
Tímans veifandi skriflegu fylgiskjali þess-
ara tilfæringa sem birtist í blaðinu sem
króníka undir gráum borða þar sem fimm
sinnum stendur skráð: miðvikudagsgrein,
líkt og birtist á ljósbandi yfir Ráðhús-
torginu danska þétt tilmælin: Spis Bio-
foska.
„Nýja 1 istin“ í skáld sagnagerð
Bandaríkjanna heitir greinin. Þetta
var hin skemmtilegasta grein og kyrfi-
lega merkt höfundinum: Guðmundi Daní-
elssyni, rithöfundi, þótt hún reyndist vera
eftir annan mann sem heitir Malcolm
Cowley og er tekin úr bók eftir hann sem
nefnist The Literary Situation,
(hefst bls. 43) úr kafla sem nefnist The
,,New“ Fiction: A tidy room in
B e d 1 a m . Guðmundur notar aðeins hálf-
an titil kaflans í yfirskrift sinnar grein-
ar og færir auk þess gæsalappirnar aftur
fyrir listina. Síðan væri hægðarleikur að
birta hlið við hlið grein Guðmundar sem
hann hefur eflaust látið ritstjórn Tímans
greiða sér fullu verði auk þess sem hann
hefur væntanlega uppskorið þakklæti les-
enda, — og kaflann eftir Cowley og sýna
lesendum Birtings að það er alveg sama
lesningin þegar smávægilegur misskiln-
ingur þýðandans er undanskilinn. En hér
Birtingur 37