Mæðrablaðið - 01.05.1946, Blaðsíða 11

MÆÐRABLAÐIÐ
9
Lesiö af kappi.
mikið svigrúm til líkamlegs þroska
og næði fyrir hugsanir sínar og ó-
þrjótandi verkefni, svo andlegur
þroski þeirra geti eflst.
Þar sem um slík húsakynni er að
ræða og mörg börn eru fyrir, móðir-
in ein með hópinn, önnum kafin all-
an daginn við heimilisverkin, verða
dagheimili og leikskólar að koma til
hjálpar, ef ekki á illa að fara.
Þörfin er ekki síður fyrir einka-
barnið, að fá að njóta dagheimilis
eða leikskóla. Börn eru alltaf börn
og eiga líka að vera það. Engin full-
orðin manneskja getur komist á
þroskastig barnsins svo fúllnægjandi
sé fyrir það. Barnið finnur * fljótt
að það er uppgerð hins fullorðna.
Margir foreldrar eiga erfitt með að
setja sig í spor barns síns til að geta
skilið það. Einkabarnið verður því
oftast einmana og útundan, svift fé-
lagslífi, sem þróast í stórum syst-
kinahóp.
Þá eru það síðast en ekki sízt börn
einstæðra mæðra, sem þurfa að vera
aðnjótandi dagheimilisdvalar. Það
er mikill styrkur fyrir mæður, sem
verða að vinna fyrir sér og börnum
sínum, að vita af börnum sínum á
öruggum stað, meðan þær eru við
vinnu sína. Þar sem börnin fá þá
aðhlynningu og uppcldi, sem þau
þarfnast.
Tilgangur dagheimila og leikskóla
er því að bæta úr þessari miklu
nauðsyn, og veita börnum á aldr-
inum 2ja til 6 ára öruggt og
heilbrigt umhverfi og það uppeldi
andlegt og líkamlegt, sem er í sam-
ræmi við eðli þeirra.
Móðirin sem hefur verið heima að
vinna húsmóðurstörfin eða hin, sem
verður að vinna fyrir lífsviðurværi
sínu og barns síns, er oft þreytt
er hún kemur að sækja bárn sitt á
dagheimilið á kvöldin, en fljótt af-
þreytist hún, endurnærist af að
hlusta á skemmtilegar frásagnir
barnsins. Hún finnur að barnið hef-
ur notið dagsins í ríkum mæli.
Það hefir glatt mig mikið að kom-
ast að raun um hve dagheim-
ilin og leikskólar hafa mjög bund-
ið mæður og börn fastari og inni-
legri böndum. Gott heimili er það
dýrmætasta, sem börnin eiga og eng
inn getur eða hefur leyfi til að fjar-
lægja þau frá heimilum sínum nema
vegna veikinda eða upplausnar
heimilanna en þá koma hin
eiginlegu barnaheimili (upptöku-
og dvalarheimili), sem starfa
allan sólarhringinn til greina.
Sem betur fer er fólk hér í bæ
farið að sjá, hve þörf og nauðsyn-
leg dagheimili og leikskólar eru.
Eins og gefur að skilja mun stofn-
kostnaður slíkra skóla verða geysi
mikill, þótt reksturskostnaður yrði
að mestu leyti greiddur af foreldr-
unum sjálfum. Aðsóknin að þessum
fáu dagskólum, sem reknir eru í
Reykjavík er gífurleg, allt að
fjórfalt meiri en hægt er að sinna.
Það verður því aldrei hægt að full-
nægja þörf bæjarbúa, fyrr en hið
opinbera hefur sjálft tekið í sín-
ar hendur að koma á fót nægilega
mörgum dagheimilum og leikskólum.
Vonandi verður þess ekki langt að
bíða.
Áslaug Sigurðardóttir
Barnsmeölög til 1. júní 1946
1 Reykjavík, Akranesi, ísafirði,
Akureyri, Vestmannaeyjum og
Hafnarfirði:
Mánaðarmeðlag með börnum 1—4
og 7—15 ára kr. 161,51 pr. mánuð.
4—7 ára kr. 135,37 pr. mán. 15—16
ára kr. 80,74 pr. mánuð.
I sveitum og minni kaupstöðum.
Mánaðarmeðlag: 1—4 og 7—15 ára
kr. 135,37 og fyrir börn 4—7 ára
kr. 110,44 pr. mánuð. 15—16 ára
kr. 67,69.
Þessar upphæðir hækka lítið eitt
1. júní samkvæmt vísitölu þeirri sem
nú gildir.
Meðlög, sem greidd eru missirislega
eru sem hér segir: Reykjav., Akra-
nes, Isafj. Siglufj. Akureyri, Vest-
mannaeyjar og Hafnarfjörður kr.
680,oo á ári eða kr. 340,oo á missiri
fyrir aldursflokk 1—4 og 7—15 og
fyrir 4—7 ára kr. 570,oo á ári eða
kr. 285,oo á missiri. Fyrir börn 15—
16 ára kr. 340,oo á ári eða kr. 170,oo
á missiri.
Annarsstaðar á landinu: Fyrir
börn 1—4 og 7—15 kr. 570,oo á
ári eða kr. 285,oo á missiri og fyrir
börn 4—7 ára kr. 465,oo á ári eða
kr. 232,50 á missiri börn 15—16 ára
kr. 285,oo á ári eða kr. 142,50 á
missiri.
Við þessar upphæðir bætist svo
vísitala sem gildandi er á hverjum
tíma.