Íþróttablaðið - 01.07.1927, Qupperneq 18

74
ÍÞRÓTTABLAÐIÐ
Er þetta hið lengsta hlaup, sem hér hefir verið
þreytt svo kunnugt sé, um 50 km. Er það Magn-
úsi stórheiður að leysa þessa þolraun fyrstur manna
og það svona vél. Mun það halda orðstír hans á
lofti á meðan þolhlaup eru hér reynd. Var honum
líka vel fagnað af öllum, sem á íþróttavellinum
Magnús Guöbjörnsson.
voru bæði utan girðinga og innan. Tóku þar á
móti honum starfsmenn mótsins og 16 skrúðbúnir
karlar, sem þarna sýndu í fyrsta sinn að þessu
skifti, litklæði til hátíðabúnings að sið fornra manna.
Er markmiðið að koma því í kring, að sem allra
flestir verði til að taka upp slíka eða svipaða bún-
inga og beri á hátíðum og tillidögum, svo að helst
•allir Islendingar búist íslenzkum búningum á þjóð-
hátíðinni 1930. Búninga þessa hefir Tryggvi list-
málari Magnússon teiknað með hliðsjón af fornum
búningum og eftir lýsingum. En spennur og silgj-
ur hefir Björn Björnsson gullsmiður gert, einnig í
fornum stíl.
Auk þessara manna tók ]óhannes Jósefsson,
glímukappi, sem var aðalræðumaðurinn við mót-
setninguna, á móti Magnúsi, svo og Sigurjón Pét-
ursson á Álafossi, sem gaf honum fyrir hlaupið
fagran, listsmíðaðan bikar úr ísl. birki.
Á mynd, sem hér fylgir, sést Magnús á höndum
tveggja skrúðklæddu mannanna, með bikarinn í
hendi, nýkominn inn af hlaupinu.
Eftir að mótið var sett, sýndu þarna leikfimi
undir stjórn Jóns Þorsteinssonar íþróttakennara 32
menn úr Ármann og K.R. + 1 Hafnfirðingur. Er
þetta næst strærsti hópur, sem leikfimi hefir sýnt
hér í Rvík. Dagblöðin hér töldu þetta stærsta hóp-
inn og héldu því fram, að hér hefðu aldrei sýnt
fleiri en 11 eða 12 menn í hóp fyrri. Þó er ekki
lengra síðan en í fyrra að I. R. sýndi á Austur-
velli 17 stúlkur í einum af 4 flokkum, sem þar
komu fram. Þar fyrir utan llefir það oft sýnt með
14, 16 og 18 manns bæði í báðum unglingaflokkum
sínum. og 1. flokki karla auk þess, sem það hafði
hópsýningu á íþróttavellinum gamla á uppstigning-
ardag 25. maí 1922 með 42 stúlkur. Þá fór þar
líka fram hið fyrsta og eina forskotshlaup, sem hér
hefir háð verið. En þetta var nú útúrdúr, aðeins
til að leiðrétta missagnir.
í 100 metra hlaupi var Helgi Eiríksson fljót-
astur á 11,3 sek., sama tíma og nú er ísl. met. I
1500 m. og 5 km. hlaupum Geir Gígja, 4' 29,2 sek.
og 18' 24,8 sek. í Kringlukasti Karl Guðmundsson,
samanlagt 51,37 metra. í hásfökki Helgi Eiríksson,
náði þágildandi ísl. meti, 1,70 metra. í 800 metra
hlaupi bæfti Geir Gígja ísl. metið úr 2' 8,8 í 2' 3,2
sek. í langstökki var Reiðar Sörensen skarpastur
með 6,24 metra. í kúluvarpi Stefán Björnsson með
samanlagt 15,54 metra. í 10 km. hlaupi Sigurður
Jafetsson á 38' 17,5 sek.
í 20 km. hjólreiðum tóku 18 menn þátt. Var
þeim ræst á Hverfisgötu inst, við Vatnsþróna og
sendir upp fyrir Rauðavatn. Þaðan komu þeir svo
gegnum bæinn út á íþróttavöll. En svo fóru leikar
að enginn tími fekst á nokkrum þeirra. En 12 var
ákveðið að skyldu teljast hafa lokið skeiðinu undir
tilskildum tíma.
Þessi truflun, sem þarna átti sér stað, var áhorf-
endum að kenna. Það er orðinn fastur siður, sem
varla verður bættur, nema með nau/sterkri, (sbr.
nautheldur) brjósthárri gaddagirðingu, að áhorfendur
ryðjast inn á leikvöllinn og troðast þannig um starsf-
menn mótanna, að þeim er gert algerlega ómögu-
legt að vinna skyldustarf sitt svo, að þeir geti á-
byrgst fyrir Guði og samvizku sinni, að leikurinn
hafi farið fram á réttan hátt. Þeir eru hraktir af
sínum stað og keppendum oft líka gert ómögulegt