Eining - 01.08.1964, Side 2

2
EINING
Séra Kristinn Stefánsson.
stjóri,, ávarp og kveðju frá ríkisstjórn-
stjórninni og svo var sungið: ísland
ögrum skorið.
Mótsstaður og húsakostur
Fyrri hluti námsskeiðsins var í
Reykjavík, til húsa í Hagaskóla. Hent-
ugri og betri húsakynni hefði naumast
verið unnt að velja. Skólinn er aðdá-
anlega vistlegur, bjartur, rúmgóður og
vandaður, en þó látlaus. — Aðalfundir
námsskeiðsins voru í hátíðasal skólans,
en fundir hópanna, sem voru 12, voru
í kennslustofunum. 1 þessum ágætu
húsakynnum fór vel um fundarmenn.
Þar var einnig hægt að koma fyrir
ofurlítilli sýningu og söluklefa, og var
þar hægt að kaupa bækur, bréfspjöld
og ýmsa minjagripi, sem útlendingar
jafnan sækjast eftir, einnig prjóna-
vöru.
Tilhögun
Aðalfundir hófust dag hvern klukk-
an 9 árdegis. Þá voru jafnan fluttir
fróðlegir og langir fyrirlestrar, oftast
í tvennu lagi, en á eftir var spurninga-
tími, og stundum var spurt um margt,
en fyrirlesararnir fróðir og greiðir í
svörum. — Eftir hádegi flutti Baldur
Jónsson, magister, flesta dagana fróð-
leik um Eddurnar og fornar og nú-
tíma ísl. bókmenntir. Á eftir höfðu
svo hóparnir 12 fundi sína, en á kvöld-
um voru svo samkomur og þar rætt
um starfsemina á hinum ýmsu Norð-
urlöndum og ýmislegt til skemmtunar.
Fyrirlesarar
Þeir voru þessir — erlendir: Ragn-
ar Lund, fræðslumálastjóri, ræddi
æskulýðsvandamál Norðurlanda; Öy-
stein Söraa, ritstjóri, ræddi áfengis-
löggjöf Norðurlanda; John Forsberg,
forstjóri, ræddi samstarf góðtemplara
á Norðurlöndum. Þessir voru frá Sví-
þjóð, Noregi, Finnlandi.
Hinir íslenzku fyrirlesarar voru
þessir: Jón R. Hjálmarsson, skólastj.
ræddi sögu íslands; Baldur Jónsson,
ræðuefni hans áður getið; Benjamín
Eiríksson, bankastjóri, ræddi efnahag
og atvinnulíf þjóðarinnar; Björn Th.
Björnsson, listfræðingur, ræddi ís-
lenzka list; Guðmundur Kjartansson,
jarðfræðingur, ræddi jarðfræðilega
hætti landsins; Steingrímur J. Þorst-
einsson, prófessor, ræðuefni hans: bók-
menntir og þjóðin.
Ekki þurftu undirbúningsmenn að
biðja afsökunar á vali fyrirlesaranna.
Þeir gerðu viðfangsefnum sínum mikil
og góð skil. — Ritstjóri Einingar gat
ekki hlustað á þá alla, en yfirleittvar
lokið lofsorði á málsmeðferð þeirra.
Ragnar Lund flutti yfirgripsmikið og
mjög ágætt erindi um æskulýðsvanda-
málið, en líklega hefur þó fyrirlestur
Steingríms J. Þorsteinssonar vakið
einna mesta aðdáun. Erlendur ritstjóri
lét þau orð falla, að á dr. Steingrím
hefði hann getað hlustað allan daginn,
og einn gagnmerkur íslendingur veg-
samaði mjög erindi hans. Ekki þarf
þessi athugasemd að móðga hina fyr-
irlesarana íslenzku, því að þeir voru
allir landi sínu til sóma, og hinir er-
lendu gestir munu ekki hafa farið héð-
an með neina litla hugmynd um land
og þjóð. Þetta norræna góðtemplara-
námskeið varð áreiðanlega góð land-
kynning. Erlendu gestirnir munu hafa
farið fagnandi heim, og við vorum
þeim mjög þakklátir fyrir komuna. í
samkvæmum, sem samfara voru náms-
skeiðinu, voru oft fluttar ræður af
beggja hálfu og frambornar góðar
þakkir.
Öruggt er það, að undirbúnings-
nefndin vill koma á framfæri bezta
þakklæti til allra, sem lögðu námsskeið-
inu lið. Séra Kristinn Stefánsson gat
þess, að allir, sem leitað var til, hefðu
brugðizt vel við, allt frá forseta lands-
ins, ríkisstjórn, borgarstjórn Reykja-
víkur, bæjarsjórn Akureyrar, vissra
stofnana og félaga, og eins einstakl-
ingar, svo sem fyrirlesarar og fleiri.
Og nú kemur til sögunnar hið frá-
brugðna við námsskeiðið og skulu þá
nefndar
Ólafur Þ. Kristjánsson.
Veizlur og ferðalög
Borgarstjórn Reykjavíkur bauð til
miðdegisverðar í veitingahúsinu
Klúbbnum.
Frú Auður Auðuns, forseti borgar-
stjórnar, var þar í forsæti, bauð gesti
velkomna og flutti eftirfarandi ávarp:
í nafni Reykjavíkurborgar býð ég
gesti okkar velkomna og vona að við
getum átt hér saman ánægjulega kvöld-
stund.
Mér er það sérstök ánægja að bjóða
velkomna gestina frá hinum norrænu
frændþjóðum. Það gerist nú æ tíðar,
að hér í Reykjavík séu haldnir nor-
rænir fundir og mót, þar sem íslend-
ingar hafa eftir síðari heimsstyrjöld-
ina gerzt virkir aðilar að norrænu
samstarfi á ýmsum sviðum.
Áður fyrr voru margir hverjir ekki
sérlega bjartsýnir á hugsanlegan ár-
angur fyrir okkur af slíku samstarfi,
og það er reyndar svo, að í sumum
efnum eru hagsmunir og aðstaða svo
ólík í löndum okkar, að tæpast er að
vænta verulegs árangurs af samstarfi,
en á öðrum sviðum, og þá ekki sízt á
sviði menningarmála — og félagsmála,
hefur það sýnt sig að norræn sam-
vinna er æskileg og vænleg til árang-
urs. Við íslendingar teljum hana hafa
orðið okkur á margan hátt til ávinn-
ings og ánægju, og ég vona að sú
verði reyndin af samstarfi norrænna
góðtemplara.
Ég sé af dagskrá norræna góð-
templaranámsskeiðsins, að fluttir verða