Eining - 01.08.1964, Qupperneq 8

8
EINING
EINING
Mánaðarblað um áfengismál, bindindi og önnur
menningarmál.
Ritstjóri og ábyrgðarmaður: Pétur Sigurðsson.
Blaðið er gefið út með nokkrum fjárhagsstyrk frá ríkinu og Stór-
stúku íslands, kostar 100 kr. árg., 10 kr. hvert eintak.
Utanáskrift til blaðsins og ritstjórans er: Pósthólf 982. Reykjavík.
Sími: 41956.
Stórstúkuþingið 1964
etta var 63. þing Stórstúku ís-
lands, háð að þessu sinni á Ak-
ureyri,, sérstaklega í sambandi
við 80 ára afmæli góðtemplarareglunn-
ar hér á landi, en það var 10. janúar
s.l. Á Akureyri stóð vagga reglunnar og
tilhlökkunarefni var það að sitja þar
þing. Við lögðum upp í norðurför all-
mörg héðan af Suðurlandi, sumir fóru
loftvegu háa, aðrir í einkabifreiðum og
21 farþegi vorum við í einum vagni.
Veðrið lék við okkur og ekki urðum við
fyrir vonbrigðum, er til Akureyrar
kom, undirbúningur þar allur ágætur
og við fengum vistleg salarkynni til
þinghalds í Barnaskóla Oddeyrar,, nýrri
og vandaðri byggingu. Einhver hafði
orð á því, að gott fólk hlyti að vinna í
þessum skóla, því að andrúmsloftið
væri þar svo gott. Og eitt er víst, að
ekki skemmir skólastjórinn, Eiríkur
Sigurðsson það góða andrúmsloft.
Þingið setti stórtemplar, Ólafur Þ.
Kristjánsson, skólastjóri, klukkan 10
árdegis laugardaginn 13. júní. Fyrri
hluta dagsins voru tekin fyrir þessi at-
riði: Samþykkt kjörbréfa. Stigveiting,
hóp fulltrúa veitt stórstúkustigið. —
Skipað í auð sæti fastra nefnda. Minnzt
látinna stórstúkufélaga. Skýrslur em-
bættismanna og reikningar. Fjárhags-
áætlun, fyrri umræða.
Skýrslurnar
I upphafi skýrslu sinnar minntist
stórtemplar fyrrv. stórtemplars, Bene-
dikts S. Bjarklind, með vel völdum og
viðeigandi orðum og vék svo að ýms-
um þáttum reglumálanna: Hækkun rík-
isstyrksins, útbreiðslunni og húsmáli
reglunnar, en þar hefur nú verið stigið
markvert og mikið spor, þar sem verið
er nú loksins að koma upp félagsheim-
ili reglunnar, stórhýsi við Eiríksgötu í
Reykjavík. í stuttri skýrslu mælir for-
maður húsráðsins, Böðvar St. Bjarna-
son, húsasmíðameistari, á þessa leið
m.a.:
„Húsráðið þakkar borgarstjóra, Geir
Hallgrímssyni, borgarritara og borgar-
ráði Reykjavíkur fyrir auðsýndan vel-
vilja, áhuga og góða samvinnu í bygg-
ingarmálum reglunnar.
Húsráðið heitir á alla félaga og
stuðningsmenn reglunnar að leggja nú
fram alla krafta sína og hugvit til þess
að gera þetta hús að vistlegu og
skemmtilegu Regluheimili."
Við komum aftur að skýrslu stór-
templars. Þar er svo vikið að happ-
drætti, bókabúð Æskunnar, bindindis-
mannamótinu að Húsafelli og 80 ára
afmæli reglunnar, en í sambandi við
það fór fram góð kynning á starfsemi
reglunnar, bæði í ágætu útvarpsefni og
blaðagreinum, en auk þess í myndar-
legum samkvæmum bæði í Reykjavík
og á Akureyri.
Þá er í skýrslunni grrð grein fyrir
templaranámskeiði norræna góðtempl-
araráðsins, sem nú er nýlega afstaðið
og getið á öðrum stað í blaðinu, en
undirbúningur þess kostaði mikla
vinnu og fyrirhöfn. Einnig er kafli í
skýrslunni um breytingu á áfengislög-
gjöfinni og svo kafli um ráðstefnu þá,
sem Dóms- og kirkjumálaráðuneytið og
Landssambandið gegn áfengisbölinu
boðaði til.
Skýrsla gæzlumanns unglingastarfs
Stórstúku íslands er hin athyglisverð-
asta, þótt ekki verði henni gerð nein
veruleg skil hér í blaðinu að þessu
sinni, m.a. sökum þess, að blaðið hefur
áður gert ofurlitla grein fyrir sumu af
því, eins og t.d. síðasta merkjasöludegi
unglingareglunnar og útkomu Vor-
blómsins, og fleiru. Óhætt er að full-
yrða, að þessi embættismaður stórstúk-
unnar, Sigurður Gunnarsson, kennari,
sinnir þessu starfi sínu af miklum á-
huga, einlægni og árvekni og eins vel
og nokkur maður getur yfirleitt gert.
Félagar barnastúknanna eru nú tald-
ir og áætlaðir 6919, og eignir þessara
stúkna samtals kr. 401280.
í skýrslu ritara stórstúkunnar er
komizt svo að orði:
„Hinn 1. janúar 1963 voru á skrá
hjá stórstúkunni 39 undirstúkur með
2990 félögum. Skírteinisfélagar 10,
samtals 3000 félagar.
Hinn 1. janúar 1964 var sami fjöldi
stúkna á skrá með 3065 félögum. —
Skírteinisfélagar 15, samtals 3080 fé-
lagar.
Eins og framangreindar tölur sýna,
er ofmikil stöðnun á félagaaukningu.
Reglunni er brýn nauðsyn þess, að geta
hafið sókn á félagslegum vettvangi. —
Þjóðmni er lífsspursmál að skilja það,
að ekki er fært lengra á vegi áfengis-
dýrkunar. Margt bendir til þess, að
ráðamenn ríkis og bæja hafi öðlazt
aukinn skilning á því, að nú verði að
hefja allsherjar sókn gegn þeirri háska-
þróun, sem átt hefur sér stað í landinu
um alllangt skeið, hvað áhrærir með-
ferð áfengis- og samkvæmishætti al-
mennt meðal þjóðarinnar."
Gæzlumaður ungmennastarfs stór-
stúkunnar var á liðnu stórstúkuári
Einar Hannesson. Hér mega lesendur
blaðsins ekki rugla saman unglinga-
starfseminni (barnastúkunum) og ung-
mennafélögum reglunnar, sem heita
íslenzkir ungtemplarar. Þessi samtök
voru stofnuð 1958 og eru því mjög ung
að aldri, en sækja fram. I skýrslu sinni
segir Einar Hannesson m.a. þetta:
„Vitað er, að góður grundvöllur er
víða fyrir ungtemplarastarf. í því efni
skortir fyrst og fremst vísa leiðtoga,
starfsmenn og erindreka, sem sinnt
gætu starfinu af krafti. Þannig gæti
einn starfsmaður, er gæfi sig allan að
þessum málum, lyft Grettistaki.“
Samvinna er nú hafin milli íslenzkra
ungtemplara og Sambands bindindisfé-
laga í skólum. Þessi æskulýðsstarfsemi
þarf nauðsynlega að fá fastráðinn
starfsmann. ÍUT félögin eru nú 9 og
félagar þeirra 815.
Fleiri skýrslur mætti svo nefna hér,
en efnis þeirra hefur að meira eða
minna leyti verið getið hér í blaðinu
fyrir skömmu.
Síðari hluta fyrsta þingdagsins störf-
uðu fastar nefndir.
Hlýtt messu
Sunnudagsmorguninn klukkan 10
gengu þingfulltrúar og aðrir þinggestir
fylktu liði til kirkju. I guðshús er
hverjum manni hollt að ganga, þar rík-
ir sá blær, sem sálum manna er hollur