Eining - 01.08.1964, Síða 15

EINi NG
15
Norræna góötemplaranámsskeiðið
Framhald af bls. U-
Hallsson,, óperusöngvari, söng einsöng,
nokkur lög, en hans mikla og ágæta
söng þarf ekki að kynna. Undirleikari
var Jón S. Jónsson.
Er menn höfðu svo notið kaffi-
drykkjunnar, sýndi Björn Pálsson,
flugmaður, sínar ágætu litskuggamynd-
ir frá ýmsum stöðum á landinu, þar á
meðal frá Öskjugosi og Surtsgosi. Er
áreiðanlegt, að útlendingum þótti mik-
ið varið í að sjá þessar myndir, og svo
var einnig um okkur hina.
Síðasta kvöld námsskeiðsins í Reykja-
vík notuðu svo aðallega Svíar og Finn-
ar til að skemmta fólkinu. Það var all-
nýtízkuleg skemmtun að ýmsu leyti og
er ekki unnt að lýsa henni hér, en að-
dáanlega lék Uno Sten, ritstjóri Re-
formatorins, hlutverk sitt. Hann var
lengst manna á pallinum og stjórnaði
flestum skemmtiatriðunum. Áður en
mesta gamanið hófst, voru sýndar fall-
egar litskuggamyndir frá Norðurlönd-
um og söngkona söng einsöng. Undir
lok skemmtuninnar kallaði Karl Wenn-
berg ísl. undirbúningsnefndina og okk-
ur þrjá aðra upp í kastljósið á pallin-
um og færði okkur öllum fallega blóm-
vendi og flutti góðar þakkir, sérstak-
lega undirbúningsnefndinni, en séra
Kristinn Stefánsson bar fram þakkir
af okkar heimamanna hálfu.
Meðal annars var stiginn dans af
miklu fjöri, sambland þjóðdansa og
hinna en þeim tilburðum kann undir-
ritaður lítt að lýsa. Ekki varð annað
séð en að fólkið skemmti sér ágætlega
allt kvöldið. Tóku menn svo að kveðja
og þakka fyrir ánægjulega samveru
undanfarna daga.
Fariö til Akureyrar
Á norðurleið fengu hinir erlendu
gestir okkar að sjá tign og fegurð
landsins í ljóma sólskinsdags, og sól-
skinsdaga fengu þeir einnigáAkureyri.
Ennf remur var glaðasólskin daginn, sem
farið var austur um sveitir og að Mý-
vatni, í Dimmuborgir og víðar. — Létu
ferðamennirnir óspart í Ijós hrifningu
sína yfir því, sem fyrir augað bar á
þessum slóðum.
í þessari för var snæddur miðdegis-
verður að Reynihlíð og lofuðu útlend-
ingarnir silunginn og skyrið okkar. —
Kvöldverðarins neyttu menn svo að
Laugum.
Sjálft námsskeiðið fyrir norðan fór
fram á Akureyri með líkum hætti og
fyrir sunnan. Það var til húsa í Varð-
borg, félagsheimili templara, með aðal-
fundina, en í Oddeyrarskóla með fundi
hópanna síðari hluta dagsins. Það var
á Akureyri, sem dr. Steingrímur J.
Þorsteinsson flutti áðurnefndan fyrir-
lestur sinn. Þar var einnig aðalfundur
um niðurstöður umræðna hópfundanna.
Að kvöldi fyrsta námsskeiðsdagsins
fyrir norðan (laugard.) bauð þingstúka
Eyjafjarðar (allar stúkurnar á því
svæði) til móttökusamkvæmis að fé-
lagsheimilinu Laugaborg. Því stjórnaði
þingtemplar, Jón Kristinsson og flutti
ávarp, en aðalræðuna flutti Eiríkur
Sigurðsson, skólastjóri og ræddi um
reglustarfið þar nyrðra. Aðrir ræðu-
menn voru: Stefán Ág. Kristjánsson,
Wennberg og stórtemplar. Svo sungnir
þjóðsöngvar allra Norðurlanda. Góður
skemmtiþáttur var einsöngur Jóhanns
Daníelssonar. Veitingar voru góðar og
var svo dansinn lokaþátturinn.
Sunnudaginn var förin farin austur
um sveitir. Mánudaginn bauð Kaupfé-
lag Eyfirðinga til miðdegisverðar að
Hótel KEA. Kaupfélagsstjórinn, Jakob
Frímannsson, bauð gesti velkomna og
flutti ræðu, talaði sænsku sem innbor-
inn maður.
Athyglisvert þótti námsskeiðsgestum
að skoða verksmiðjurnar á Akureyri,
einnig skrúðgarðinn þar og fleira. Að
kvöldi þessa sama dags var svo skiln-
aðarhóf. Það var á vegum þriggja að-
ila: Bæjarstjórnar Akureyrar, sem
langmest lagði til þess, Stórstúku Is-
lands og templara á Akureyri. Meðal
boðsgesta var bæjarstjórn Akureyrar,
bæjai’stjórinn, Magnús Guðjónsson,
flutti ræðu og einnig dr. Steingrímur
J. Þorsteinsson. Auk þeirra töluðu þeir
Karl Wennberg, sr. Kristinn Stefáns-
son og Stefán Ág. Kristjánsson. Stór-
templar, Ólafur Þ. Kristjánsson, stjórn-
aði samkvæminu.
Meðal annars heiðruðu stjórnendur
hópanna 12 námsskeiðsstjórann, Karl
Wennberg, fluttu allir örstutt ávörp,
skreyttu kappann blómsveig og gáfu
honum heila hesthúð. Að síðustu var
stiginn dans. Því miður getur undirrit-
aður ekki skýrt ítarlega frá námsskeið-
Afengissalan
1. apríl til 30. júní 1964.
Heildarsala:
Selt í og frá Reykjavík .... kr. 64.222.685,00
- - - - Akureyri .... - 7.514.160,00
- - - - ísafirði ...... - 2.116.150,00
- - - - SiglufirSi ... - 1.543.975,00
- - - - SeySisfirSi .. - 2.223.370,00
Kr. 77.620.340,00
A sama tíma 1963 var salan eins og liér
segir:
Selt í og frá Reykjavík .... kr. 57.886.192,00
- - - - Akureyri .... - 6.145.556,00
- - - - ísafiröi ...... - 1.777.378,00
- - - - SiglufirSi ... - 1.998.458,00
- - - - SeyðisfirSi .. - 1.697.823,00
Kr. 69.505.407,00
ÁffengisvarnaráS.
(Heimild: Áfengis- og tóbaksverzlun ríkisins.)
inu fyrir norðan, því að hann var ekki
með í þeirri för og hefur því orðið að
styðjast við takmarkaðar frásagnir
annarra. En Akureyringar eru ekki
neinir eftirbátar í einu eða öðru, og
var allur undirbúningur þeirra að þessu
sinni hinn ágætasti. Um hann sáu aðal-
lega þessir: Stefán Ág. Kristjánsson,
forstjóri, Jón Kristinsson, rakaram.,
Ólafur Daníelsson, klæðskeri og Guð-
laugur Stefánsson. Bæði stórtemplar og
þessari undirbúningsnefnd færði Karl
Wennberg fallega blómvendi, líkt og
nefndinni í Reykjavík.
Tilgangur námsskeiðsins í heild var
ekki eingöngu að ræða áfengisvanda-
málið og bindindisstarfið, en það var
þó rætt allverulega, ekki sízt á fundum
hópanna. Námsskeiðið var til að efla
samstarf bindindismanna á Norður-
löndum, til að sýna líf og þrótt starf-
seminnar og svo til að kynna land og
lýð og menningu hverrar þj óðar, þar sem
námsskeiðin hafa verið haldin. I hinu
alþjóðlega starfi góðtemplarareglunn-
ar hafa Norðurlönd forustuna, og eru
Svíar þar sterkastir, en samstarfið er
gott og heldur áfram að eflast.
Pétur Sigurðsson.
UMBURÐAR-
LYNDI
Þeir lesendur Einingar, sem ekki eru beinlínis í tengsl-
um við félagsstarfsemi okkar bindindismanna, eru beðnir
að auðsýna blaðinu ofurlítið meira umburðarlyndi að þessu
sinni en endranær, sökum þess að efni þess er nú mjög ein-
hliða, og er það þó oftast nokkuð einhliða. Að þessu sinni
eru í blaðinu aðallega frásagnir af þremur allmerkum
mannfundum í sambandi við hið félagsbundna starf okkar
bindindismanna. Þetta er þó ekki ómerkara lesmál en
margt annað, sem mönnum er boðið.
Ritstj.