Eining - 01.08.1964, Síða 5

EINING
5
Aðalfundur Norðurlandasam bands bindindisfélaga ökumanna
og tryggingafélaga þeirra - NUAT
gundur þessi hófst í Reykjavík 8.
júlí s.l. og var til húsa í húsi
Slysavarnafélags íslands. Þetta
var fulltrúafundur og til aðalfundar
eru fulltrúarnir tiltölulega fáir, en
fundurinn var vel undirbúinn og gengu
störf því fljótt og vel. Fundinn setti
forseti Norðurlandasambandsins, Norð-
maðurinn Sigurd Johansen,, skrifstofu-
stjóri, en fundarstjóri var kjörinn
Jakob Pettersen, stórþingsmaður frá
Oslo.
Stjórnin lagði svo fram reikninga og
flutti skýrslu síðasta starfstímabilsins,
frá 3. júní 1961, en þá var aðalfundur-
inn í Oslo og hefði því næsti aðalfund-
ur átt að vera 1963, en þar sem afráðið
var að hann skyldi haldast á íslandi,
meðfram í sambandi við 10 ára afmæli
Bindindisfélags ökumanna, var tíminn
valinn 1964.
NIJAT á nú 30 ára starfssögu að
baki sér, samstarf milli bindindisfélaga
ökumanna í Svíþjóð og Noregi hófst
þó eftir að norska félagið kom til sög-
unnar 1928, en sænska félagið var frá
1926. Síðar bættust svo í sambandið fé-
lögin í Finnlandi, Danmörku og íslandi.
Langsterkast er bindindisfélag öku-
manna (MHF) í Svíþjóð, um tvöhundr-
uð þúsund félagar, en alls eru þeir í
Norðurlandasambandinu um 250.000.
Hlutverk sambandsins er í alla staði
mikilvægt og margþætt. Það hefur lagt
gott til málanna bæði varðandi um-
ferðarreglur og umferðarlöggjöf, borið
fram í þeim efnum tillögur við Nor-
ræna ráðið, sem teknar hafa verið til
greina. Og það hefur stutt rækilega
starfsemi bindindisfélaga ökumanna í
Danmörku og Finnlandi, og nú beitir
það sér mjög fyrir samræmingu á um-
ferðarreglum á Norðurlöndum, að alls
staðar verði þar hægrihandarstefna.
Hið íslenzka Bindindisfélag ökumanna
hefur einnig notið góðs af samstarfi
við Norðurlandasambandið. Meðal ann-
ars hefur sambandið komið á umferð-
arnámsskeiðum í Danmörku, Finnlandi
og Noregi. Þá hafa afskipti þess á al-
þjóðlegu samstarfi aukizt mjög á síð-
asta starfstímabili. Má þar til dæmis
nefna þriðju alþjóðlegu umferðarráð-
stefnuna, sem haldin var í London árið
1962. Þar var mikil þátttaka frá NUAT
og sambandsfélögum þess og gegndu
ýmsir þeirra þar forustumannahlut-
verkum.
í niðurlagsorðum skýrslu sambands-
stjórnarinnar segir:
„I skýrsluformi er ekki alltaf auð-
velt að koma fyrir hinu raunhæfa nor-
ræna samstarfi, til þess er það allt of
margþætt og þeim hjartanlegu sam-
skiptum, sem alltaf eiga sér stað milli
félaga sambandsins verður ekki auð-
veldlega gerð nægileg skil í fundar-
gerðum.
Það er stjórn NUAT mikið gleðiefni,.
hversu samstarfið hefur gefizt vel, og
álit stjórnarinnar er nú það, að hlut-
verki Norðurlandasambandsins sé að
vissu leyti lokið og að nýtt skipulag
þurfi að koma til sögunnar."
Hér er átt við að samtökin þurfi að
skipuleggja á alþjóðlegum vettvangi.
Sigurd Johansen, formaður NUATs.
Jakob Pettersen, stórþingsmaður og
forseti Óðalþingsins, áður ráðherra.
• Form. M.A. í Noregi.
Ragnar Lund, freeðslumálastjóri.
Að ekki sé bæði Norðurlandasamband
og alþjóðlegt samband, heldur aðeins
eitt aiþjóðlegt. Þetta bíður úrlausnar.
MA í Noregi
Motorförerens Avholdsforbund í
Noregi er hraðvaxandi. — Félagatalan
þar nálgast nú 30.000, deildirnar hátt
á fjórða hundrað. Félagið gefur út
mjög myndarlegt tímarit, mánaðarblað,.
Motorföraren. Félagið nýtur trausts og
álits í landinu. Starfsemi þess er þjóð-
kunn og metin og nýtur styrks frá rík-
inu. Góðaksturskeppni þess ár eftir ár
og á fjölmörgum stöðum í landinu, hef-
ur verið einn sterkasti þátturinn í
starfseminni og allra síðustu árin hef-
ur slík keppni átt sér stað á 70-80 tak-
mörkuðum svæðum, og svo í vissum
umdæmum og svo ein alsherjarkeppni
í Osló. — Tryggingarfélög bindindis-
manna í landinu hafa tekið þátt í
kostnaðinum við þetta. Síðustu 3 árin
hefur verið keppt í góðakstri 300 sinn-
um og um 10 þúsund bílar tekið þátt í
þessu.
Steinar Ilouge, frumkvcemdastjóri
Bindindisf élags ökumanna :í Noregi.